|
| | I திருமாற்பேறு |
| | திருச்சிற்றம்பலம் |
| | பண் - பழந்தக்கராகம் - 1-ம் திருமுறை |
| | ஊறி யார்தரு நஞ்சினை யுண்டுமை, நீறு சேர்திரு மேனியர்,
சேறு சேர்வயற் றென்றிரு மாற்பேற்றின், மாறி லாமணி கண்டரே. | |
| | (1) |
| | மன்னி மாலொடு சோமன் பணிசெயும், மன்னு மாற்பேற் றடிகளை,
மன்னு காழியுண் ஞானசம் பந்தன்சொல், பன்ன வேவினை பாறுமே. | |
| | (11) |
| | திருச்சிற்றம்பலம் |
| | பதிகக் குறிப்பு :- திருமால் வழிபட்ட திருமாற்பேற்றின் மணிகண்டரே! உம்மை மேலையார்கள் விரும்புவர்; அடியார்கள் விரும்புவர்; வானவர் ஏத்துவர்; உம்மைப் பரவாதாரில்லை; உம்மைப் பரவுவார் வினை பாறும்; அருள் நல்குவீர். |
| | பதிகப் பாட்டுக் குறிப்பு : - (1) ஊறியார் தரும் - ஊறி - செறிந்து; கேடு நிறைந்து; மணிகண்டர் - இத்தலச் சுவாமி பெயர்; "மையார் நஞ்சுண்டு" (3); "நீலமார் கண்ட" (4); - (2) அடியார்கள் அடைவாராம் என்று எழுவாய் தொக்கு நின்றது; - (3) பை - நச்சுப்பை; - (4) மேலையார்கள் - ஞானத்தால் மேம்பட்ட பெரியோர்கள்;- (5) ஏறவே - தாங்கள் வாழவே;- (6 - 7) அரையானே - அரசரே; - (8) ஒல்கிடக் கெடுத்தவன் - ஒல்குதல் - வலி குறைதல்; கெடுதல்;- (9) ஒருவரால் - ஒருவராலும்; முற்றும்மை தொக்கது. பாறும் - கெடும்; அழியும் ;- (10) கொள்ளெலும் - பொருளாகக் கொள்ளற்க; கொள்ளேல் என்பது ஈற்றயல் குறுகிக் கொள்ளெல் என நின்றது; - (11) மாலோடு சோமன் பணி செய - மாலும் சோமனும் வழிபட்டமை தல வரலாற்று விசேடம்; மால் வழிபட்டுப் பகைவரை வெல்லச் சக்கரம் பெற்றனர் என்ற வரலாற்றை முன் "மாலி னார்வழி பாடுசெய் மாற் பேறு" (4) என்ற பாட்டிலும் கூறப்பட்டது. அரசுகளது திருக்குறுந்தொகையும், தலவிசேடமும் பார்க்க. |
| | II திருமாற்பேறு |
| | திருச்சிற்றம்பலம் |
| | பண் - வியாழுக்குறிஞ்சி - 1-ம் திருமுறை |
| | குருந்தவன் குருகவன் கூர்மை யவன்
பெருந்தகை பெண்ணவ னாணு மவன்
கருந்தட மலர்க்கண்ணி காதல் செய்யு
மருந்தவன் வளநகர் மாற் பேறே. | |
| | (1) |
| | அந்தமின் ஞானசம் பந்தனல்ல
செந்திசை பாடல்செய் மாற்பேற்றைச்
சந்தமின் றமிழ்கள்கொண் டேத்தவல்லார்
எந்தைதன் கழலடி யெய்துவரே. | |
| | (11) |
| | திருச்சிற்றம்பலம். |
| | பதிகக் குறிப்பு : - இறைவர் எழுந்தருளிய வளநகர் மாற்பேறே. |
| | பதிகப் பாட்டுக் குறிப்பு : - (1) குருந்து - குருகு - கூர்மை - இளமையும், முளையும், அதன் உள்ளீடாகிய உயிர்ச் சத்தும். பெருந்தகை - பெண் - ஆண் - அவ் |