|
| | கயிலைமலை என்று கூட்டுக. மூதார் - மூத்தோர் - முனிவர். உடனாய் - உடனமர்ந்து; ஒரு கணத்திலே - ஒரு செயலாலே; அறம் நான்கு - அற முதலிய நான்கும்;- (8) பகழியால் - சிலைமேல் - எரி தொடுத்தார் - என்று கூட்டுக. எரி - தீக்கடவுளை நுனியாக உடைய அம்பு; ஆகுபெயர். இடிய - நொறுங்க; இப்பாட்டு இறைவரது வீரங்களைக் குறித்தது;- (9) இருவர் - அயனு மாலும்;- (10) விருது - வீண்மொழி - ஆரவாரம்; பொருது - வாதித்து;- (11) போரார் - அலைகளால் அலைப்புண்பதனைப் போர் என்றுபசரித்தார். இந்நாட்காணும் மூண்ட கடற்போரினையும் குறிப்பாலுணர்த்தி நின்றது. "கடன்மீதிலே யாணை செலவே நினைவர்" என்பர் தாயுமானார்; மேகங் குடிகொள் சாரல் - நீர்த்தலை யிமயச் சாரலாதலின் சாரல்களில் எப்போதும் மேகங்கள் நிறைந்துள்ளன என்பது; தேரா துரைத்த - நேரே சென்று காணாது இருந்த நிலையே உரைத்த என்றது குறிப்பு. இனித் தேரா - துரைத்த செஞ்சொன்மாலை எனக் கூட்டித், தேரா - தேர்ந்து; துரைத்த - உயர்வுடையதாகச் செய்த என்றுரைப்பதுமாம்; துரை - உயர்வு; "என்னுடைய, துறைமாண்ட வாபாடி" (திருவா) ஆயின் இது வலிந்து பொருள்கோடலாம். |
| | II திருக்கயிலாயம் (திருநொடித்தான்மலை) |
| | திருச்சிற்றம்பலம் |
| | | திருவிராகம் | பண் - சாதாரி - 3-ம் திருமுறை | |
| | வாளவரி கோளபுலி கீளதூரி தாளின்மிசை நாளுமகிழ்வர்
ஆளுமவர் வேளநகர் போளயில கோளகளி றாளிவரவிற்
றோளமரர் நாளமதர் கூளியெழ மீளிமிளிர் தூளிவளர்பொற்
காளமுகின் மூளுமிருள் கீளவிரி தாளகயி லாயமலையே. | |
| | (1) |
| | அந்தண்வரை வந்தபுன றந்ததிரை சந்தனமொடு டுந்தியகிலுங்
கந்தமலர் கொந்தினொடு மந்திபல சிந்துகயி லாயமலைமேல்
எந்தையடி வந்தணுகு சந்தமொடு செந்தமிழி சைந்தபுகலிப்
பந்தனுரை சிந்தைசெய வந்தவினை நைந்துபர லோகமெளிதே. | |
| | (11) |
| | திருச்சிற்றம்பலம் |
| | பதிகக் குறிப்பு:- ஆளுமவர், அற்றவர்க ணற்றுணைவன், எங்களிறை என்பனமுதலாகபபேசப்படும் இறைவரது இடம் கயிலாயமலையே. |
| | பதிகக் பாட்டுக் குறிப்பு:- (1) வாளவரி கோளபுலி - வாள்போன்ற வரிகளையுடைய பற்றிக்கொள்ளும் தன்மையுடைய புலி; புல்லி என்பது புலி என்றாயிற்று. புல்லுதல் - பற்றுதல். உரிதாள் - உரித்த தோல்; வேள - விரும்பிய; நகர் - கயிலாய மலையே எனக் கூட்டுக; காளமுகில் மூளுமிருள் - "காரார் மேகங் குடிகொள்" (முன் பதிகம் 11); இருள் கீள - இருள் போகும்படி; விரிதாள - விரியும் ஒளியுடைய அடிகொண்ட;- (2) அற்றவர்கள் - பற்றற்றவர்கள்; கற்றவர்கள் - அனுபூதிமான்கள்;- (3) சங்கை - மயக்கம்; சங்கை - தொகுதி என்றலுமாம்;- (4) பிடியது ஒருமழு - பிடித்துப் பற்றியது ஒரு மழு;- (5) எரி அங்கையில் மூண்டு எழ; நடம் - கூத்து; தரும் - ஆடும்; இடம் - மலையே என்க;- (8) களிறின் பொருப்புடை - களிறுகள் நிறைந்த மலையின். ஒருத்தி - உமையம்மை. வெருக்குற வெருட்டலும் - அஞ்சுவித்து அசைக்க. தருக்கு இற - செருக்கு ஒழிய;- (9) புனல் - கங்கை; பரிசை - பரிசு. தன்மை; புரிவினவர் - அருளுடையவர். புரிவு தரும் - அறிய வரும்; கரியவன் - மால்; மறை புரியவன் - அயன்;- (10) வண்டர் - |