|
| | கீழோர்;- (11) அடி வந்தணுகு - பாடியருளிய திருக்காளத்தியினின்று இங்கு ஆகாய ஒலியலைகளின் மூலம் வந்து சேரும்; காளத்தியிலிருந்து பாடிய வரலாற்றின் அகச்சான்று. |
| | குறிப்பு :- இப்பதிகம் முடுகிய சந்தமுடன் வழியெதுகை யாப்பின் அமைந்தது; பொருள் முற்ற அனுபவமுடைய தமிழறிந்த பெரியோர்பால் கேட்டுணரத் தக்கது. மேற் சில குறிப்புக்களே தரப்பட்டுள்ளன. |
| | தலவிசேடம் :- திருக்கயிலாயம் - III - பக். 626 பார்க்க. |
| | திருக்கேதாரம் |
| | திருச்சிற்றம்பலம் |
| | | | பண் - செவ்வழி - 2-ம் திருமுறை | |
| | தொண்டரஞ் சுகளி றும்மடக் கிச்சுரும் பார்மலர்
இண்டைகட் டிவழி பாடுசெய் யும்மிட மென்பரால்
வண்டுபா டமயி லாலமான் கன்றுதுள் ளவ்வரிக்
கெண்டைபா யச்சுனை நீலமொட் டலருங்கே தாரமே. | |
| | (1) |
| | வாய்ந்தசெந் நெல்விளை கழனிமல் கும்வயற் காழியான்
ஏய்ந்தநீர்க் கோட்டிமை யோருறை கின்றகே தாரத்தை
ஆய்ந்துசொன் னவருந் தமிழ்கள்பத் தும்மிசை வல்லவர்
வேந்த ராகியுல காண்டு வீடுகதி பெறுவரே. | |
| | (11) |
| | திருச்சிற்றம்பலம் |
| | பதிகக் குறிப்பு:- தொண்டர்கள், விண்ணோர், முனிகள், குதிரைம்முகத்தார், ஒருகாலர்கள், ஊழியுணரும் யோகிகள் முதலிய பலதிறப்பட்ட வகையினரும் வந்து வழிபட இறைவர் திருவருள் செய்யவுள்ள இடம் திருக்கேதாரமே. |
| பதிகப் பாட்டுக் குறிப்பு:- (1) அஞ்சு களிறும் - அஞ்ச - ஐந்தாகிய மதயானை போன்ற புலன்கள்; முற்றும்மை. இண்டை கட்டும் பணிவிடையின்போது பலன்களைப் புற விடயங்களிற் போகவிடாது சிவ சிந்தனையோடு இருத்தல்வேண்டுமென்பது விதி; "அன்பு நாரா வஞ்செழுத்து நெஞ்சு தொடுக்க வலர்தொடுத்தே, யென்புள்ளுருக்கு மடியார்" (ஏயர். புரா - 226); அடக்கி - இண்டை கட்டி என்க. அடக்கி வழிபாடு செய்யும் என்று கூட்டியுரைப்பினு மமையும்; வண்டு.....நீலமொட்டலரும் - கேதாரத்தின் உயர்ச்சியின் நீர்வளம் குறித்தது; "ஏய்ந்த நீர்க் கோட்டு" (11) என்பதும், "மலர்வாவி" (2924) என்றதும் காண்க:- (2) பதினெட்டு - மாபுராணங்கள்; ஆறு - வேதாகமங்கள்;- (3) புரோதாயம் - நீராடலின் ஒரு விசேடம்; "நீராண்ட புரோதாய மாடப்பெற்றோம்" (அரசுகள்) (III - பக். 120 - பார்க்க);- (4) குதிரைம்முகத்தார் - ஒருகாலர்கள் - இயக்கர்களின் வகையினராகிய தேவச்சாதியினார்; ஒருகாலர் - ஒருகாலுடையவர்கள். "கொம்பைப் பிடித் தொருக்காலர்களிருக்கான்மலர் தூவி" (நம்பி - கேதா - 3) என்று நம்பிகளும் இப்பதிகப் பதிகத்தில் அருளுதல் காண்க. பயில்வ - பயில்வனவற்றை; அகரவீற்றுப் பலவறிசொல்;- (5) ஊழியூழி யுணர்வார்கள் - ஊழிபலவும் அறியும் உணர்வுடைய சிவயோகிகள்; "தப்பிலா மன்றிற் றனிக்கூத்துக் கண்டபின், ஒப்பிலெழு பதுகோடி யுகமிருந்ததேனே" (திருமூலர் திருமந் - பாயி - 74); உழுவார்கள்போல - கிளைக்க - வினைபற்றிவந்த உவமம். கேழல் - பன்றி; தேரிய - தேரும்பொருட்டு; தேடுதற்கு. |