|
| | III திருக்காளத்தி |
| | திருச்சிற்றம்பலம் |
| | பண் - கொல்லி - 3-ம் திருமுறை |
| | சந்தமா ரகிலொடு சாதிதேக் கம்மரம்
உந்துமா முகலியின் கரையினி லுமையொடும்
மந்தமார் பொழில்வளர் மல்குவண் காளத்தி
எந்தையா ரிணையடி யென்மனத் துள்ளவே. | |
| | (1) |
| | அட்டமா சித்திக ளணைதரு காளத்தி
வட்டவார் சடையனை வயலணி காழியான்
சிட்டநான் மறைவல ஞானசம் பந்தன்சொல்
இட்டமாப் பாடுவார்க் கில்லையாம் பாவமே. | |
| | (11) |
| | திருச்சிற்றம்பலம் |
| | பதிகக் குறிப்பு:- காளத்தியினின்றும் நீங்கிச் சென்றாலும் எந்தையார் இணையடி என் மனத்துநீங்காதுள்ளன என்று துதித்து விடைபெற்றுச் சென்றது. |
| | பதிகப் பாட்டுக் குறிப்பு:- (1) சந்தம் - மணம்; ஆர் - சந்தனம். சந்தம் என்றதனை அகிலொடுங் கூட்டுக; சந்தம் - சந்தனம், ஆர் - பொருந்திய என்றுமாம். தேக்கு - இதனை "நீண்ட தேக்கி னப்புறஞ் சென்றாற் றோன்றும் குன்றினுக் கயலேயோடுங் குளிர்ந்த பொன்முகலி" (743) என்று மலையினை மறைக்கும் அளவு வளமுடையனவாகிச் செறிந்தன என்று கூறியதனை நினைவுகூர்க; சாதி - உயர்வு குறித்தது. உந்துதல் - பெருவெள்ளத்தில் அலைத்து வருதல்; உமை - ஞானப் பூங்கோதையம்மை. இம்மலை திருக்கயிலையே என்ற குறிப்புப்பெற இப்பதிகத்துள் இப்பெயராற் போற்றியருளினார். உமையொடும் எந்தையார் - "வரையென மாதினொடும் வீற்றிருந்தான்" என்று திருத்தொணியைப் போற்றியவாறு நினைந்து, (தென்) கயிலாயப் பதியாகிய இவ்விறைவரே அங்கு வந்து ஞானவமுது அளித்த எந்தையார் என்றதும் குறிப்பு. மனத்து உள்ளவே - கண்ணாற் காணும் இந்நிலையின்றும் நீங்கினும் மனத்துள் நீங்காதுள்ளன என்றது. இக்குறிப்பு இப்பதிகம் விடைகொண்டு புறப்படும்போது அருளியதென்பதற்கு அகச்சான்று;- (2) சாலமா பீலி - மயிற்பீலியின் மிகுதி; மயில் குறிஞ்சிக் கருப்பொருள்; மயில்கள் வாழுமிடங்களில் ஆயிரக்ணக்காகக் காணப்படுவன. காலம் - வெள்ள காலம்; பருவம் பொய்யாது வருதலும் குறிப்பு; உரிய காலம் என்பதுமாம். நினையுமா நினைவதே - அவரை நினைவதே நினைவு எனப்படும். ஆ - ஆறு; ஈறு குறைந்துநின்றது;- (3) வீங்கு - மேன்மேற் பெருகும்;- (10) வாங்கிடும் - போக்கும்;- (11) அட்டமா சித்திகள் அணைதரு - தலவிசேடக் குறிப்பு. சிட்டம் - நல் ஒழுக்க விதி. |
| | தலவிசேடம்:- திருக்காளத்தி - கண்ணப்பர் புராணத்திறுதியில் உரைக்கப்பட்டது. |
| 2927 | மன்னுபுகழ்த் திருத்தொண்டர் குழாத்தி னோடு
மறைவாழ வந்தவர்தா மலையுங் கானும்
முன்னணைந்த பதிபிறவுங் கடந்து போந்து
முதல்வனா ருறைபதிகள் பலவும் போற்றிப் | |