|
| | (வி-ரை) உலகாளுடையார் - சிவபெருமான்; முழுமுதன்மை யுடையார்; அந்தமாதி என்று ஞானநூல் பேசும் தன்மையினை உடையவர். "உலகாளுடையீர்" (1); "ஆதியெம் பெருமான்"(11) என்ற பதிகக் குறிப்புக்களும் காண்க. |
| | பதிகங்கள் பல - இவற்றுள் "விரையார் கொன்றையினாய்" என்னும் கௌசிகப் பண்ணமைந்த ஒரு பதிகம் மட்டும் கிடைத்துளது; ஏனையவை கிடைத்தில! |
| | பதி பல - இவை குன்றத்தூர், திருநெடுங்குன்றம், திருக்கச்சூ ராலக்கோயில் முதலாயின என்பது கருதப்படும். திருநாவுக்கரசர் புராணத்து 331-ம் பாட்டில் குறித்துள்ளவற்றுள் திருவேற்காடும் திருவலிதாயமும் நீக்கிக் கீழ்வருவனவற்றைச் சேர்த்துக்கொள்க. மாடன்பாக்கம், பல்லவபுரம், திருச்சுரம் (திருசூலம் என வழங்குவது), திருச்சிவப்பேறூர் (குன்றத்தூர் போகும் வழியில் பேரூர் tollgate), கோவூர், மாங்காடு , சோமங்கலம், மணிமங்கலம், படூர், பூஞ்சேரி, திருக்கச்சூர், வயலூர், வீராபுரம். (ஒவ்வொரு ஊரிலும் பழைய கோயிலும் கல்வெட்டுக்களும் உண்டு). |
| | கலந்திறைஞ்சி - திருவொற்றியூரினின்றும் திருமயிலைக்கும், அங்குநின்றும் திருவான்மியூருக்கும் கடற்கரை வழியே அலைவீதியினை அடுத்து எழுந்தருளிய பிள்ளையார், திருவான்மியூரினின்றும் போந்தருளுபவர் கடற்கரையினை விட்டு நாட்டினுள்ளே சென்று பலபுறமும் கலந்து போய் வழிபட்டனர் என்பதாம். |
| | செங்கண்விடைக் கொடியார் - "விடையுயர் கொடியர்" (5) என்ற பதிகக் குறிப்பு; "கொடியர்" எனச் சிலேடை வகையால் கொடியுடையவர் எனவும், கொடியவர் எனவும் இருபொருள்பட நின்ற பதிகத்துப்போலவே கொடியார் என்ற நயம் காண்க; தலைவனை நயந்த தலைவியின் கூற்றாகிய உட்குறிப்பினையுடைய பதிகக் கருத்துப் பார்க்க. "இரங்கல் நறு செய்தல்" என்ற திணைப் பொருளும் காண்க. |
| | பிள்ளையார் என்ற எழுவாய் முன்பாட்டினின்றும் வருவிக்க. |
| | 1125 |
| | I திருவான்மியூர் |
| | திருச்சிற்றம்பலம் |
| | |
| | கரையு லாங்கட லிற்பொலி சங்கம்வெள் ளிப்பிவன்
றிரையு லாங்கழி மீனுக ளுந்திரு வான்மியூர்
உரையு லாம்பொரு ளாயுல காளுடை யீர்சொலீர்
வரையு லாமட மாதுட னாகிய மாண்பதே. | |
| | (1) |
| | மாதொர் கூறுடை நற்றவ னைத்திரு வான்மியூர்
ஆதி யெம்பெரு மானருள் செய்ய வினாவுரை
ஓதி யன்றெழு காழியுண் ஞானசம் பந்தன்சொல்
நீதி யானினை வார்நெடு வானுல காள்வரே. | |
| | (11) |
| | திருச்சிற்றம்பலம் |
| | பதிகக் குறிப்பு :- அடியார் சிந்தை செய்து பரவும் திருவான்மியூர் ஆதியெம் பெருமான்! மாதுடனாகிய மாண்பு முதலாகிய உமது முதன்மைத் தன்மைகளின் நிலைகளை எங்களுக்கு உரைத்தருளிச் செய்வீர் என்று இறைவர்பால் வினாவியது. |
| | பதிகப் பாட்டுக் குறிப்பு : - (1) கடல் திரையுலாம் - "அரவ நெடுந்திரை வேலையணி" (3022); உரையுலாம் பொருளாய் உலகாளுடையீர் - சொல்லுவார் |