|
| | செய்பவராகி அங்கு வீற்றிருப்பவர் அவ்விறைவர் என்பது குறிப்பு. காதல் செய் - வந்தடைந்தார்க்குத் தம்பாற் காதலைச் செய்கின்ற என்று பதிகப்பொருள் விரித்தவாறு. "முன்புசெய் தவத்தி னீட்ட முடிவிலா வின்ப மான, அன்பினை யெடுத்துக காட்ட வளவிலா வார்வம் பொங்கி...உள்ளத் தெழுபெருவேட்கை யோடும்"(752); "அண்ணலைப் பிரிய மாட்டா தளவிலா தரவு நீட"(759); "மேவினார் பிரிய மாட்டா விமலனார்"(818) என்று உள்ள கருத்துக்கள் இங்க வைத்துக காணத்தக்கன. காதல் செய் - காதலை விளைத்து நிற்கும்; இதற்கு இவ்வாறன்றி இறைவர் விரும்பும் கழுக்குன்று என்றுரைப்பாருமுண்டு. |
| | காதல் செயும் கோயில் கழுக்குன்று - பதிகத்துள் எல்லாப் பாட்டுக்களிலும் வரும் மகுடமும் பதிகக் கருத்துமாம். இக்காதல் பிள்ளையார் கருத்தினில் மிகுந்து அகலாது நின்றதென்றும், அது அவ்விறைவரது திருவருளால் விளைந்ததென்றும் கொள்க; பதிகம் பார்க்க. செய் என்ற பதிகச் சொற்குச் செய்யும் என்று ஆசிரியர் பொருள் விரித்தலும் குறிக்க. |
| | சிந்தை நிறை மகிழ்வுற்றார் - பெருக்க வளர் காதலினாற் பணிந்து பேராத கருத்தினுடன் பதிகம் புனைந்தருளிய தன்மையினால் மனமகிழ்ச்சி நிறையப் பெற்றனர். |
| | 1131 |
| | திருக்கழுக்குன்றம் |
| | திருச்சிற்றம்பலம் |
| | பண் - குறிஞ்சி - 1-ம் திருமுறை |
| | தோடுடையா னொருகாதிற் றூயகுழை தாழ
ஏடுடை யான்றலை கலனாக விரந்துண்ணும்
நாடுடையா னள்ளிரு ளேம நடமாடுங்
காடுடையான் காதல்செய் கோயில் கழுக்குன்றே. | |
| | (1) |
| | கண்ணுதலான் காதல்செய் கோயில் கழுக்குன்றை
நண்ணியசீர் ஞானசம் பந்தன் றமிழ்மாலை
பண்ணியல்பாற் பாடிய பத்தும் மிவைவல்லார்
புண்ணியராய் விண்ணவ ரோடும் பொலிவாரே. | |
| | (11) |
| | திருச்சிற்றம்பலம் |
| | பதிகக் குறிப்பு : - கண்ணுதலான் காதல் செயுங் கோயில் கழுக்குன்றே
(11). |
| | பதிகப் பாட்டுக் குறிப்பு : - (1) தோடுடையான்...குழை தாழ - ஒருகாதில் - என்பது இருபாலும் சேர்க்க நின்றது; "ஒருபாற் றோடு மொருபாற் குழையு, மிருபாற் பட்ட மேனி யெந்தை" (கோயினான் - 37); ஏடு - எடு - பகுதி முதனீண்டு வந்த தொழிற்பெயர்; எடுத்தல்; தாங்குதல்; ஏடுடையான் - ஏடுடைய மலரான் - பிரமன் என்றலுமாம். - (2) கேண - கேண்மை கொள்ள; விரும்பிப் பூண; - (4) துணையல் - பூமாலை; யாழ் செய் - யாழிசைபோல முரலும். பிணையல் - "இளங்கொம்ப னாளோ டிணைந்தும் பிணைந்தும்" (தேவா); பிரிக்க வியலாது சேர்தல். கணையல் - கணையினால் அழித்தல்; - (5) மை - விடம்; - (6 - 7) சிறுத்தொண்டர் - அடியார் முன் தம்மைச் சிறியராய் வைத்து அடைந்து ஒழுகும் தொண்டர். உள்ளமெல்லாம் உள்கி நின்றாங்கே உடனாடும், கள்ளம் வல்லான் - "நினைவோரை நினைவானை - நினையாரை நினையா தானை"(தாண்); "சார்ந்தாரைக் காத்தும் சலமிலனாய்"(போதம்); கள்ளம் வல்லான் - தலச்சுவாமி பெயர்களுள் ஒன்று; - (8) அரக்கர்தங் கோனை ஆதல் செய்தான்; அரக்கர்தங் கோனை |