|
| | அருவரையின் நோதல் செய்தான் - என இருவழியும் கூட்டி உரைக்க நின்றது; ஆதல் - தவத்திற்கிரங்கி வரங் கொடுத்து ஆக்கம் தந்தது; - (10) உலகெலாம் சாய நின்றான் - உலகமெல்லா மழிந்த ஊழியிலும் அவற்றைச் சங்கரித்த தான் அழியாது நிற்பவன்; "ஒடுங்கி"; "சங்கார காரணனா யுள்ள முதல்வனையே முதலாகவுடைத்து இவ்வுலகம்" (சிவஞான போதம் - சூத்.1); - (11) கண்ணுதலான் காதல்செய் கோயில் கழுக்குன்றை - பதிகக் குறிப்பை முடித்துக் காட்டியவாறு. |
| | தலவிசேடம் : - திருக்கழுக்குன்றம் - III - 559 பக்கம் பார்க்க. மலையின் மேலிருந்து வலமாக இறங்குதற்குப் படிவழி தனியாக உள்ளது. மலையின்மேல் சொக்க நாயகி கோயில் தனியாகக் குகை போன்ற இடத்தில் அமைந்து உள்ளது. அடிவாரம் கோயிலினுள் உள்ளது நந்தி தீர்த்தம். மலைவலம் வருவது 2 1/4 நாழிகையளவுள்ளது; அந்தகக் கவி வீரராகவ முதலியார் பாடிய தலபுராணம் உண்டு. |
| | திருஅச்சிறுபாக்கம் |
| 3030 | இன்புற்றங் கமர்ந்தருளி யீறில்பெருந் தொண்டருடன்
மின்பெற்ற வேணியினா ரருள்பெற்றுப் போந்தருளி,
என்புற்ற மணிமார்ப ரெல்லையிலா வாட்சிபுரிந்
தன்புற்று மகிழ்ந்ததிரு வச்சிறுபாக் கத்தணைந்தார். | |
| | 1132 |
| | (இ-ள்) இன்புற்று அங்கு அமர்ந்தருளி - இன்பமுற்று அப்பதியில் விரும்பி எழுந்தருளி யிருந்து; ஈறில்...போந்தருளி - எல்லையில்லாத பெருந் தொண்டர்களுடனே, மின்போன்ற சடையினை யுடையவராகிய இறைவரது திருவருள் விடைபெற்று அங்கு நின்றும் போந்தருளி; என்புற்ற....அணைந்தார் - எலும்புமாலைகளையணிந்த அழகிய மார்பினையுடைய சிவபெருமான் எல்லையில்லாதபடி ஆட்சி புரிந்து அன்பு பொருந்தி மகிழ்ந்து எழுந்தருளிய திருஅச்சிறுபாக்கத்தினை அணைந்தருளினர். |
| | (வி-ரை) மின் பெற்ற வேணியினார் - முன்னரும் "மின்றயங்குஞ் சடையார்" (3028) என்றதும் ஆண்டுரைத்தவையும் பார்க்க. அருள் - அருள் பொருந்திய விடை. |
| | என்புற்ற மணி மார்பர் - எலும்பு மாலை பூண்ட மார்பினையுடைய இறைவர். |
| | எல்லையிலா ஆட்சி புரிந்து - ஆட்சிநாதர் என்பது இப்பதியிற் சுவாமி பெயர்; எல்லையிலா ஆட்சி - உயிர்களின் மேல் இறைவரயது ஆட்சி இன்னநாளிற் றொடங்கிற் றென்பதும் இன்னநாளின் முடியுமென்பது மின்றி எல்லாக் காலத்தும் பெத்தமுத்தியிரண்டிலும் எல்லையளவு இன்றியிருத்தல் குறித்து எல்லையிலா ஆட்சி புரிந்து என்றார். "மீளா அடிமை"(தேவா); "என்றுநீ யன்றுநா னின்னடிமை யல்லவோ?" (தாயுமானார்). |
| | அன்புற்றங்கு அமர்ந்த - அன்பு - அருள். அச்சிறுபாக்கத்தில் இறைவர் திரிபுர சங்காரகால முதல் எழுந்தருளியிருத்தல் வரலாறாதலானும், திரிபுர சங்காரமானது உயிர்களின் மும்மலஞ் சிதைந்து ஆளும் கருத்தினை உட்கொண்டமையானும், தேர்மிசை நின்றவாறு ஆட்சிக்குறிப் பாதலானும் எல்லையிலா ஆட்சி புரிந்து அன்புற்றங்கமர்ந்த என்றார். |
| | 1132 |
| 3031 | ஆதிமுதல் வரைவணங்கி "யாட்சிகொண்டா" ரெனமொழியுங்
கோதிறிருப் பதிகவிசை குலாவியபா டலிற்போற்றி,
மாதவத்து முனிவருடன் வணங்கிமகிழ்ந் தின்புற்றுத்
தீதகற்றுஞ் செய்மையினார் சின்னாளங் கமர்ந்தருளி, | |
| | 1133 |