|
| | நாற்றம் - கமுகம்பாளைகள் விரிந்து அலரும் பருவத்தில் மிக்க மணம் வீசுவன. புடைப்பாளை - பாளை பக்கத்திற் புடைத்தல் கமுகுகளினியல்பு; தன்மை நவிற்சி; விடைத்தே - மிகுந்தே; - (3) கடம் - யானையின் மதம்; அவர் - அவ்யானையை அபிசார யாகத்தில் பெற்று ஏவிய இருடிகள்; படம் - பாம்பின் படம்; விடம் தாங்கிய கண் - விடம் போன்று கூரிய பார்வையுடைய கண்; அரவக்குழை - அரவம் போன்றமைந்த காதணி; - (4) மயிலாடிட மேகம் முழவதிர - ஆடிட - ஆடும்படி; முழவுபோல அதிர என்க; - (5) மந்தி மேனோக்கி நின்றிறங்கும் - குரங்குகள் கீழிறங்கும்போது கீழே நோக்காது மேலே பார்த்தவாறே இறங்கும் இயல்புபற்றிய தன்மை நவிற்சியணி; - (8) விலையாயின சொல் - விலை என்பது இங்கு உயர்ந்த பொருள் அமைதி என்ற பொருளில் வந்தது; - (10) வணங்காமைத் தெரியான் - கன்ம மேலீட்டினால் அவர்கள் வணங்கலாகாதவாறு தம்மை மறைத்து நின்றவர்; தூசு - புடவை; - (11) பாதத்தினின் மனம் வைத்தெழு - "தாணினைந்த வாதரவின் றலைப் பாடு தனையுன்னி" (3047) என்று ஆசிரியர் இதனை விளக்கி எடுத்துக்காட்டியது காண்க; ஏதம் - குற்றம்; மலவாதனை. இல்லா - இல்லையாகச் செய்கின்ற; கேதம் - தீமை. |
| | காழி |
| | திருச்சிற்றம்பலம் |
| | திருவிராகம் | பண் - நட்டபாடை - 1-ம் திருமுறை |
| | நம்பொருண மக்க ளென்று நச்சி யிச்சை செய்துநீர்
அம்பரம்ம டைந்து சால வல்ல லுய்ப்ப தன்முனம்
உம்பர்நாத னுத்தம னொளிம் மிகுத்த செஞ்சடை
நம்பன்மேவு நன்னகர் நலங்கொள் காழி சேர்மினே. | |
| | (1) |
| | தக்கனார் தலைய ரிந்த சங்க ரன்ற னதரை
அக்கினோ டரவ சைத்த வந்தி வண்ணர் காழியை
ஒக்கஞான சம்பந்த னுரைத்த பாடல் வல்லவர்
மிக்கவின்ப மெய்திவீற் றிருந்து வாழ்தல் மெய்ம்மையே. | |
| | (11) |
| | திருச்சிற்றம்பலம் |
| | பதிகக் குறிப்பு : - மலர் தூபதீபங்களுடன் நகரினைத் தொழுது, "காழிசேர்மினே" எனக் கடைமுடித்து உபதேசித்தருளிய பதிகம்; உலக வாழ்வு கடைமுடிந்து "சாவதன்முன் இசைந்து" காழி சேர்மின் என்ற கருத்தும் காண்க. பிள்ளையார் இவ்வுலகில்வந் தவதரித்தருளிய காரணநிலை முடிவெய்தும் நிலை கூடக், காழிசேர்ந்து, இனிப் போதநிலை முடிந்தவழி இறைவரை அடைந்து ஒன்றி உடனாகும் தருணம் அணிமையாதற் குறிப்பும் காணத்தக்கது. |
| | பதிகப் பாட்டுக் குறிப்பு : - (1) நம் பொருள்...நீர் - சீகாழி நகரின் தொடர்பே கொண்டு தம்பால் வந்த தாதையாரையும் பூசுரரையும் மாதவர்களையும், அவர்கள்மூலம் ஏனை உலகவரையும் நோக்கி உபதேசித்தருளியது; நச்சி - விரும்பி; நம் பொருள் - நம் மக்கள் - பொருட் சார்பு - உடற் சார்பு; இச்சை செய்தல்; பற்று வைத்தல்; அம்பரம் - கடல்; அம்பரமடைந்து - ஆசைக்கடலுள் அழுந்தி; அம்பரம் - துயிலிடம் என்று கொண்டு, இச்சைப் பெருக்கினுள் மயங்கி என்றலுமாம். சால - மிகவும்; அல்லல் உய்ப்பதன் முனம் - மிக்க துன்பம் அடைந்து கேடுறுவதன்முன்; முனம் - சேர்மின் - என்று கூட்டி முடிக்க. அல்லலுய்த்தபின் சேர் |