|
| | மறுகெல்லாம் - வீதியெங்கும்; அப்பு - வாச நன்னீர். நிறை குடமும் விளக்கும் வைத்து என்க. அணி - வாழை - தோரணம் முதலிய பிற அலங்காரங்கள். |
| | பெருஞ் சுற்றம் - பெருமையாவது அணிமையிற் சிவனடி சாரப் பெறும் பேறு வாய்ப்புள்ளமை குறிப்பு. பின்னரும் "பார்நிலவு கிளை" (3148) என்பார். |
| | எப்பொருளும் எய்தினேன் - உம்மை - முற்றுமை. எப்பொருளும் என்றது பதமுத்தியும் பரமுத்தியும் படிமுறையால் நெறியறிந்து எய்துதற்குரிய மாந்தர்க்கு உறுதி என நூன்முடிபு கூறும் உறுதிப்பொருள்கள் எல்லாமும். உண்மையாகவே ஈண்டு எல்லாவற்றுள்ளும் சிறந்த வீடுபேறு எய்தி முடிந்தது காண்க. |
| | எய்தினேன் - தெளிவுப்பொருட்டு. "வாராக் காலத்து வினைச்சொற் கிளவி, சிறப்பினு நிகழ்வினுஞ் சிறப்பத் தோன்றும், இயற்கையுந் தெளிவுங் கிளக்குங் காலை" (தொல். சொல். வினையி - 48) என்பதிலக்கணம்; எய்தினவ னாயினேன்; எனது பிறவி பயன்பெற்றது என்பது. |
| | தொழுது - பிள்ளையார் சார்பினரும் திருத்தொண்டரும் ஆதலின் தொழுதல் முறை என்க. அங்கு - நல்லூர் சார்கின்ற அவ்விடத்து. |
| | விளக்கால் - என்பதும் பாடம். |
| | 1164 |
| 3063 | எதிர்கொண்டு மணிமாடத் தினிலெய்தி யின்பமுறு
மதுரமொழி பலமொழிந்து வரன்முறையாற் சிறப்பளிப்புச்
சதுர்முகனின் மேலாய சண்பைவரு மறையவரும்
முதிருணர்வின் மாதவரு மணைந்ததிற மொழிகின்றார்; | |
| | 1165 |
| 3064 | "ஞானபோ னகருக்கு நற்றவத்தி னொழுக்கத்தால்
ஊனமில்சீ லத்தும்பான் மகட்பேச வந்த"தென
"ஆனபே றந்தணர்பா லருளுடைமை யா"மென்று
வானளவு நிறைந்தபெரு மனமகிழ்ச்சி யொடுமொழிவார், | |
| | 1166 |
| 3065 | "உம்முடைய பெருந்தவத்தா லுலகனைத்து மீன்றளித்த
அம்மைதிரு முலைப்பாலிற் குழைத்தவா ரமுதுண்டார்க்
கெம்முடைய குலக்கொழுந்தை யாமுய்யத் தருகின்றோம்;
வம்மி"னென வுரைசெய்து மனமகிழ்ந்து செலவிடுத்தார். | |
| | 1167 |
| | 3063. (இ-ள்.) எதிர்கொண்டு....சிறப்பளிப்ப - எதிரேற்று அழைத்துக் கொண்டு சென்று மணிமாடத்தின்கண் சேர்ந்து இன்பம் பொருந்து மதுரமொழிகள் பலவற்றையும் சொல்லி முறைமைப்படி உபசரித்து விருந்து முதலாகிய சிறப்புக்களையும் நம்பாண்டார் நம்பியார் செய்ய; சதுர்முகனின்......மறையவரும் - பிரமதேவனின் மேம்பட்ட சீகாழி மறையவராகிய சிவபாதவிருதயரும்; முதிருணர்வின் மாதவரும் - கல்வி கேள்விகளால் முதிர்ந்த வுணர்வினையுடைய திருத்தொண்டர்களும் ஏனை வேதியர்களும்; அணைந்த திறம் மொழிகின்றார் - தாங்கள் வந்து அணைந்த திறத்தினை மொழிகின்றிர்களாகி; |
| | 1165 |
| | 3064. (இ-ள்.) "ஞானபோனகருக்கு....வந்தது" என - ஞானவமுதுண்டருளிய பிள்ளையாருக்கு நல்ல தவம் பொருந்திய இனிய ஒழுக்கத்தினாலே குற்றமற்ற சீலத்தினையுடைய உமது மகளை மணம் பேச நாங்கள் வந்துள்ளோம்" என்று எடுத்துச் அருளுடையாமையாம் "என்று - "இவ்வாறு வரப்பெறுத |