சிந்தையும் வதனமும் மலர்ந்தன - சிந்தை மலர்தல் முகமலர்ச்சிக்குக் காரணமாம் என்பது. வதனம் - முகம்.

சுருதி - மறைக் குலம் - ஆர்த்தன - சுருதிகள் நிறைந்த மறைக்குலம் என்றும், சுருதியும் அவற்றின் வழி வருவனவாகிய சூத்திரம் முதலியனவும் என்றும் உரைக்க நின்றது. ஆர்த்தல் - முழங்க எடுத்து ஓதப்படுதல் குறித்தது. குலம் - வழி வரும் தொகுதி என்றதாம்.

மகிழ்ந்தே - மலர்ந்தன என்றும், மகிழ்ந்தே ஆர்த்தன என்றும் ஈரிடத்தும் கூட்டியுரைக்க இறுதியில்வைத் தோதினார்.