|
| | என்பதாம். நிரைத்தது - வரிசையாக உயர்த்தியது; கார்மேகாயின் நன்மைக்குறியாகா; ஆதலின் வெண்மேகமும் அதுபற்றியே வெண்கொடியும் கூறினார். |
| | எண்டிசைத் தலத்து - மண்டுமத்திரு - என்பனவும் பாடங்கள். |
| | 1195 |
| | |
| 3094 | ஏல விந்நல மியாவையு மெழுச்சிமுன் காட்டுங்
காலை செய்வினை முற்றிய கவுணியர் பெருமான்
மூலமாகிய தோணிமேன் முதல்வரை வணங்கிச்
சீல மார்திரு வருளினான் மணத்தின்மேற் செல்வார். | |
| | 1196 |
| 3095 | காழி மாநகர் வேதியர் குழாத்தொங் கலந்து
சூழு மன்பர்க ளேனையோர் துதைந்துமன் செல்ல
வாழி மாமறை முழங்கிட, வளம்பதி வணங்கி,
நீழல் வெண்சுடர் நித்திலச் சிவிகைமேற் கொண்டார். | |
| | 1197 |
| | 3994. (இ-ள்.) ஏல...காலை - பொருந்தும்படி இந்நலங்கள் யாவையும் மணவெழுச்சியின் முன்னே காட்டுகின்ற காலையில்; செய்வினை....பெருமான் - செய்யும் கடப்பாட்டினை முடித்தருளிய கவுணியர்பெருமானாராகிய பிள்ளையார்; மூலமாகிய...வணங்கி - மூலமாகிய திருத்தோணியின் மேல் இறைவரைச் சென்று வணங்கி; சீலமார்....செல்வார் - செம்மை பொருந்திய திருவருள் பெற்றவராய்த் திருமணத்தினை மேற்கொண்டு செல்வாராகி; |
| | 1196 |
| | 3095. (இ-ள்.) காழிமாநகர்...செல்ல - சீகாழிப் பெரும்பதியின் மறையவர் கூட்டத்துடன் கலந்து சுற்றிச் சூழ்ந்த அன்பர்களும் ஏனையோர்களும் நெருங்கி முன்னே செல்லச் சென்று; வாழி மாமறை முழங்கிட - வாழ்வு தரும் பெருமறைகள் முழங்க; வளம் பதி வணங்கி - வளமுடைய சீகாழித் திருப்பதியினை வணங்கி; நீழல்...மேற்கொண்டார் - ஒளி பெருகிய வெண்சுடரினையுடைய முத்துச்சிவிகையின்மேலே எழுந்தருளி யமர்ந்தருளினர். |
| | 1197 |
| | இந்த இரண்டு பாட்டுக்களும் தொடர்ந்து ஒருமுடிபு கொண்டன. |
| | 3094. (வி-ரை.) ஏலுதல் - பொருந்துதல்; இந்நலம் யாவையும் - பகலோன் (3087) முதலாக விசும்பு (3093) ஈறாக முன்கூறிய இவற்றின் சிறப்பும் நன்மைக் குறிகளும் ஆகிய அனைத்தும். |
| | எழுச்சி முன் காட்டும்காலை - மண எழுச்சியின்முன்னே அமைந்து காட்டியகாலையில்; காலை - காலைப்பொழுது. |
| | செய்வினை முற்றிய - காலைக் கடப்பாடுகளையும், மண எழுச்சியின் முன்னர்ச் செய்யப்படுவனவற்றையும் முடித்த; செய்வினை - இவ்வுலகில் வந்தவதரித்துச் செய்யவேண்டுவனவாய் இறைவர் திருவருள் கொண்ட பரசமய நிராகரிப்பும திருநீற்றின் ஆக்கமுமாகிய இரண்டும் என்ற குறிப்பும் காண்க. |
| | மூலமாகிய தோணி என்றும், மூலமாகிய முதல்வர் என்றும் தனித்தனி; கூட்டி உரைக்க நின்றது; மூலம் ஆகிய தோணி என்புழி மூலம் - மறைமுதலாகிய பிரணவம் என்க. வேதங்களே தோணி உருவுடன் இறைவரை உட்கொண்டு தாங்கி நிற்கின்றன என்பதாம்; "சுருதி தொடர்ந்து பெருந்தோணி" (1971). மூலமாகிய முதல்வர் - என்புழி எப்பொருட்கும் மூல முதல்வராகிய சிவபெருமான் என்க; "எப்பொருளு |