|
| | நீழலும், சுடர் - பின் வரலாற்றில் வரும் சோதியும் குறிப்பிற்பெற நின்றமையும் காண்க. |
| | 1197 |
| | |
| 3096 | ஆன வாகன மேறுவார் யாருமேற் கொள்ளக்
கான மாகிய தொல்கல்பிச் சங்குடை கவரி
மேனெ ருங்கிட விசும்பினு நிலத்தினு மெழுந்த
வான துந்துபி முழக்குடன்மங்கல வியங்கள். | |
| | 1198 |
| | (இ-ள்.) ஆன....மேற்கொள்ள - அவரவர்க்காயின வாகனங்களை ஏறிச்செல்வார் அவ்வவற்றினை ஏறி மேற்கொள்ள; கானமாகிய.... மேனெருங்கிட - காடுபோன்ற தொங்கல்களும், நீலிக் குஞ்சங்களும், குடைகளும், கவரிகளும் மேலே நெருங்கவும்; விசும்பினும் நிலத்தினும் - ஆகாயத்தினும் நிலத்தினுமாக முறையே; வானதுந்துபி....இயங்கள் - தேவதுந்துபி முழக்கத்துடனே மங்கல வாத்தியங்களின் ஒலியும்; எழுந்த - ஒருங்கே எழுந்தன. |
| | (வி-ரை.) ஆன வாகனம் - அவரவர்க்காயின ஊர்திகள். ஆன - பக்கத்திலிருக்க வேண்டியவர்கள், விருத்தர், பாலீசர், பணிமொழியார் முதலியோர்களும், மற்றும் நடந்து செல்ல இயலாதோரும், பண்டங்களைப்பெய்து கொண்டு செல்வோரும், திருவினால் சிவிகை பரி முதலாயின ஊர்தி வகைமேற்கொண்டு செல்வோரும் முதலாக அவ்வர்க்காயின என்க. யான வாகனம் என்பது பாடமாயின் யானம் - சிவிகை என்று கொள்க. "உயர்ந்த வாகன யானங்கண் மிசைக்கொண்டா ருழையரானார்" (166); முன்னை நாளில் உயர்நிலைப் பெண்கள் சிவிகையிற் செல்லும் வழக்குப்பற்றி "மாமணிச் சிவிகை தன்னில் மடநடை மயிலன்னாரை.....ஏற்றி" (1757) என்றும், "அன்னமென் னடையி னாரு மணிமணிச் சிவிகை யேறி" (2623) என்றும் வரும் காரைக்காலம்மையார், மங்கையர்க்கரசி யம்மையார் வரலாறுகளும் பிறவும் பார்க்க. |
| | ஏறுவார் யாரும் - முன் கூறியவாறு ஏறும் மரபும் வழக்கும் அவசியமும்்நிலையு முடையோர் யாவரும். |
| | கானமாகிய - காடுபோல; "கவரிக்கானம்" (3199); நிலத்தில் தண்டு வேரூன்றி மேலே தழைத்து விரிந்து செறிந்துள்ள தாவரங்கள் கானம் எனப்படும்; இங்குத் தொங்கல் - கவரி முதலியவை மாந்தரால் தாங்கி உயர்த்தப்பட்டு மேலே விரிந்து நெருங்குதலின் கானம் போன்றன என்பதாம். கானம் போன்றதனைக் கானமென்ற துபசாரம். |
| | தொங்கல்...கவரி - மேலுயர்த்திப் பிடிக்கும் உபசாரக் கருவிகள்; இந்நாளில் இவற்றின் எடுத்துக்காட்டுக்களைப் பெரிய ஆலயங்களிலும் பெருந் திருமடங்களில் மட்டும் ஏகதேசத்திற் காணலாம்; மேல் நெருங்கிட -மேலே உயர்த்திப் பிடித்தலால் மேனிலத்தில் நெருக்கமாகக் காணப்பட. |
| | விசும்பில் துந்துபி முழக்கும் நிலத்தில் இயங்களும் என்று நிரனிறையாக்குக. |
| | துந்துபி - தேவதுந்துபி; தேவர்கள் இத்தெய்வச் சிவமணங் காண மேலே நெருங்கிப் போந்து தொடர்ந்து துந்துபி முழக்கி ஆரவாரித்தனர்; மேல் 3102 - 3103 - 3156 - 3163 பார்க்க. |
| | இயங்கள் - இயங்களின் முழக்கு ஒலிக்காகி வந்தது. |