:: TVU ::

[வம்பறாவரிவண்டுச் சருக்கம்] 28.திருஞானசம்பந்த நாயனார் புராணம்

1513

இப்பாட்டினால் நிலத்தினிற் காணும் வகையால் மறையோர் மண மனையில் எதிர்கொண்ட சிறப்புக் கூறினார்; மேல்வரும் பாட்டினால் கண் காணா வகையில் விசும்பில் விண்ணவர் எதிர்கொண்டமையும் தென்றல் எதிர்கொண்ட வகையும் கூறுவார்.

1224

3123. (வி-ரை) விசும்பு ஒளி தழைப்ப - வானில் ஒளி மிகும்படி; மாரி - வீச என்க; மலர் - மந்தாரம் முதலிய தேவ தருக்களின் மலர்கள்.

விசும்பொளி தழைப்ப - என்பதனை மந்தமாருதத்துடனும் கூட்டுக. மந்தமாருதமும் விசும்பு ஒளி தழைப்ப வீச என்க. மந்தமாருதம் - தென்றற் காற்று. உம்மை - விண்ணவர் வீசியதன்றி என இறந்தது தழுவிய எச்சவும்மை; மந்தமாருதம் - வீசுதல் - தென்றற் காற்று மெல்லிதாய் அசைதல்; கந்தம் - மலர்களின் மணத்தைத் தாங்கிக்கொண்ட நிலை.

கண் - கண்ணுதலால்; நெருங்குதலால். கண்ணுதல் - நெருங்குதல்.

கண்ணுத(லால்) காமர் தோரணங்கள் ஒளி விளக்கம் மிக்க என்க. பலப்பல வகைகளால் அழகிய தோரணங்கள் நெருங்குதலால் நிறம் பலகொண்ட ஒளி மிகுந்தது என்பது. தோரணங்களூடு - தோரணங்களினிடையே சென்று.

புண்ணிய விளைவு போல்வார் - பிள்ளையார்; புண்ணியம் - சிவ புண்ணியம். விளைவு - பயன்; இனி முத்தி பெறும் பக்குவமுடைய கூட்டத்தினர்களினிடையே எழுந்தருளுகின்றா ராதலின் அவர்கள் செய்த சிவ புண்ணியங்களின் விளைவு என்றார்.

பூம்பந்தர் - மணமனையின் முன்பு மணமகள் வருதற்கமைக்கும் பூக்களா லலங்கரிக்கப்பட்ட பந்தர்.

மிக்கார் - என்பது பாடமாயின், மிக்கு - ஆர் - நிறைந்த, காமர் - அழகுடைய என்று உரைத்துக் கொள்க.

1225

3124

பொன்னணி சங்கின் வெள்ளம் பொலிவுடன் முழங்கி யார்ப்ப
மன்னிய தரளப் பத்தி வளர்மணிச் சிவிகை நின்றும்
பன்மலர் நறும்பொற் சுண்ணம் பரந்தபா வாடை மீது
முன்னிழிந் தருளி வந்தார் மூவுல குய்ய வந்தார்.

1226

(இ-ள்) பொன்னணி....ஆர்ப்ப - பொன் அணிந்த சங்கங்களின் கூட்டம் அழகுடனே முழக்கம் செய்து பேரொலி எடுக்க; மன்னிய...நின்றும் - நிலைபெறப் பொருந்திய முத்தி வரிகைகள் பெருக ஒளிசெய்து விளங்கிய சிவிகையினின்றும்; பன்மலர்..மீது - பல மலர்களும் மணம் கமழும் பொற்சுண்ணமும் பரவியிருந்த பாவாடையின்மேல்; முன்...வந்தார் - முன்னே இறங்கி எழுந்தருளி வந்தார் மூவுலகமும் உய்யும்பொருட்டு வந்தார்.

(இ-ள்) சங்கின் வெள்ளம் பொலிவுடன் முழங்கி - அனேக சங்கங்கள் அழகுடன் ஒன்றுபோலச் சேர்ந்து மங்கல முழக்கம் செய்ய; மணமகனார் வந்து மணமனை புகுதல் பெரு மங்கல நிகழ்ச்சியாதலின் அதுகுறிக்கச் சங்கங்கள் பலவும் கூடி மங்கல முழக்கம் செய்தன. இவ்வாறு பெரும் நிகழ்ச்சிகளிற் பல இயங்களும் ஒன்றுகூடிப் பேரொலி செய்தல் இந்நாளிலும் வழங்குகின்றது; சகல வாத்தியம் செய்தல் என்பர்.