| | மீளவும் பணிந்து போற்றினார் - அம்மையாரது விண்ணப்பத்தைத் தெரிவித்ததன் பொருட்டு மீண்டும் பணிந்தனர். அமைச்சர் - அமைச்சராதலின் என்பது குறிப்பு. |
| | 660 |
| 2559 | ஆங்கனம் போற்றி யடிபணிந் தவர்மே
லளவிலா வருள்புரி கருணை
தாங்கயி மொழியாற் றகுவன விளம்பித்
தலையளித் தருளுமப் பொழுதில்
ஓங்கெயில் புடைசூழ் மதுரைதோன் றுதலு
முயர் தவத் தொண்டரை நோக்கி
"ஈங்குநம் பெருமான் றிருவால வாய்மற்
றெம்மருங் கின" தென வினவ, | |
| | 661 |
| 2560 | அன்பரா யவர்முன் பணிந்தசீ ரடியா
ரண்ணலா ரடியிணை வணங்கி
முன்புநின் றெடுத்த கைகளாற் காட்டி
"முருகலர் சோலைகள் சூழ்ந
மின்பொலி விசும்பை யளக்குநீள் கொடிசூழ்
வியனெடுங் கோபுரந் தோன்றும்
என்பணி யணிவா ரினிதமர்ந் தருளும்
திருவால வாயிது" வென்றார். | |
| | 662 |
| | 2559. (இ-ள்) ஆங்கனம்...பொழுதில் - அவ்வாறு துதித்துத் திருவடியில் வீழ்ந்து பணிந்தவர்மேல் அளவில்லாத அருளைத் தரும் கருணை கூந்த மொழிகளால் தக்கவற்றைச் சொல்லித் தலையளி செய்தருளும் அப்போது; ஓங்கு எயில்... தோன்றுதலும் - ஓங்கிய மதில்கள் பக்கங்களிற் சூழ்ந்த மதுரையம்பதி கட்புலப்படத் தோன்றுதலும் கண்டு; உயர்தவத் தொண்டரை...வினவ - உயரும் தவமுடைய தொண்டரைப் பார்த்து, "இவ்விடத்து நமது இறைவர் எழுந்தருளுகின்ற திருவாலவாயானது மற்று எப்பக்கத்தில் உள்ளது?" என்று கேட்க; |
| | 661 |
| | 2560. (இ-ள்) அன்பராயவர்...காட்டி - அவ்வாறு வினவப் பெற்ற அன்பராயவர்முன் பணிந்த சிறப்புடைய அடியாராகிய குலச்சிறையார் பிள்ளையாரது இணையார் திருவடிகளை வணங்கித் திரு முன்பு நின்று எடுத்த கைகளினாலே சுட்டிக் காட்டி; "முருகலர்...திருவாலவாய் இது" என்றார் - வாசம் விரிகின்ற சோலைகளாற்சூழப்பட்டு, மின்பொலியும் ஆகாயத்தை அளக்கும்படி நீண்ட கொடிகள் சூழ்ந்த பெரிய நீண்ட கோபுரங்கள் தோன்றுகின்ற இது, எலும்பின் அணிகளை அணிந்த சுந்தரேசுரவரர் இனிதாக விரும்பி வீற்றிருக்கும் திருவாலவாயாம்" என்று சொன்னார். |
| | 662 |
| | இந்த இரண்டு பாட்டுக்களும் தொடர்ந்து ஒரு முடிபு கொண்டன. |
| | 2559. (வி-ரை) அடிபணிந்தவர்மேல் - அடிபணிந்த குலச்சிறையாரும் அவரைத் தம் பொருட்ச் சென்று அடிபணிவீரென்ற ஏவிய அம்மையாரும் ஆகிய இருவர் மேலும் என்பது குறிப்பு. |
| | அளவிலா... தலையளித்தருளும் அப்பொழுதில் - கருணையை உட்கொண்ட மொழிகளால் தலையளி செய்தபோதில்; அம்மையார் பணித்தபடி கூறிப் பணிந்த குலச்சிறையாருக்கு அதனை ஏற்று அருளிய மொழிகளாற் கூறிச் சிறப்பருளும் மரபு பற்றியது. |