பதிகப்பாட்டுக் குறிப்பு:- (1) நீலமாமிடற்று ஆலவாயிலான் - விடமுண்டு அமரர்களைக் காத்தமைபோல அமண் கழுவிப் பாண்டிநாட்டினைக் காப்பர்; பாலதாயினார் - அவன் சார்பு இப்போதின்றி இனிப் பெற்றுச் சைவராவார்; ஆயினார் - ஆள்வர் - ஆக்கச்சொல், அவ்வாறாதல் வருங்காலம் என்பதனையும், ஆவான் அரசன் என்பதனையும் குறித்தது; "அகில காரணர் தாள்பணி வார்கடாம், அகில லோகமு மாளற் குரியர்"(139) என்ற கருத்தும் காண்க;- (2) ஞாலம் - உலகங்கள்; ஏழுமாம் - கலப்பினாலும் நிமித்த காரணராம் தன்மையாலும் இவ்வாறு கூறினார்; சீலம் - சரிதை- (3) ஆலநீழலார் - கல்லாலின் அடியில் இருப்பவர்; பாலதாமின் - உலகர்க்கும் அந்நாட்டவர்க்கும் அருளினால் உபதேசித்தது.- (5) ஆடல் - சார்விலாதாரை அடுகின்ற தன்மை; மாயப் பசுவை வதைத்த திருவிளையாடல் காண்க.- (10) தோமண் செற்ற வீரன் - சரிதக் குறிப்பும் உடையது; செற்ற - துணிவுபற்றி இறந்தகாலத்தாற் கூளினார்;- (11) செடிகள் - நாட்டுக்கு அந்நாள் நேர்ந்த கேடும், இனி இப்பதிகத்தினைப் பயில்வார்பால் வரக்கூடியனவாகிய தீமைகளும் ஆம்.