| | யன்னவர் வாது செய்தால் வென்றவர் பக்கஞ் சேர்ந்து
துன்னுவ துறுதி யாகுஞ்; சுழிவுறேன் மன்ன!" வென்றார். | |
| | 693 |
| | (இ-ள்) வெளிப்படை. அரசன் அவ்வாறு சொல்லக்கேட்டு மங்கையர்க்கரசியம்மையாரும் அரசனை நோக்கி "உனது நிலை இவ்வாறேயானால், அழிவு படாமல் நீடிய தெய்வத் தன்மை விளங்கும்படி அவர் வந்து வாதம் செய்தால் அதில் வென்றவருடைய பக்கத்திற் சேர்ந்து பொருந்துவதே உறுதியாகும்; வருந்த வேண்டா" - என்றனர். |
| | (வி-ரை) இது அரசனைக் கவலைப்படாதபடி தேற்றிய முறை; இதன்கண்ணும் உண்மை நிகழ்ச்சிக் குறிப்புப்பட வருதல் காண்க. |
| | நீடிய - அழிவுபடாத; தெய்வத் தன்மை - தெய்வத் தன்மை விளங்கும் நிலையில்; புலப்படும்படி. |
| | வென்றவர் பக்கம் சேர்ந்து துன்னுவ துறுதியாகும் - அவரே செல்வர் என்பது உறுதி; அவர் பக்கம் சேர்ந்து துன்னுவது உறுதி; உறுதி - உண்மையாய் - நிச்சயமாய் நிகழ்வது; உறுதியாகும் - அதுவே உறுதி பயக்கும் செயலாகும்; என்று வழிப்படுத்தும் போதனைக் குறிப்பும் காண்க. சேர்ந்து - என்றதனால் இப்போது சேர்ந்த சமயம் வெற்றி பெறுவதில்லை என்பது குறிப்பு. |
| | நீடிய தெய்வத் தன்மை . "யாதொரு தெய்வங் கொண்டீ ரத்தெய்வ மாகி யாங்கே, மாதொரு பாக னார்தாம் வருவர்; மற் றத்தெய் வங்கள், வேதனைப் படுமி றக்கும் பிறக்குமேல் வினையுஞ் செய்யும்"(சித்தி - 2.25) என்றபடி பிற தெய்வங்களும் சிவனாணையால் நீதி செலுத்தவரினும், நீடியிராது அழிவெய்தி இறத்தல் பிறத்தல்களுக்கிடமா யலையும். ஆதலின் அவ்வாறின்றி அழிவில்லாத தெய்வத் தன்மை என்க; "தேறிய தெய்வத் தன்மை யென்னிடைத் தெரிப்பீர்" (2657). |
| | சுழிவுறுதல் - மனம் வாடுதல்; கவலை கொண்டு அலமருதல். |
| | சுழிவுறேல் - வருத்தப்பட வேண்டா; |
| | 693 |
| 2592 | சிந்தையிற் களிப்பு மிக்குத் "திருக்கழு மலத்தார் வேந்தர்
வந்தவா றெம்மை யாள" வெனவரு மகிழ்ச்சி யோடுங்
கொந்தலர் குழலார் போதக், குலச்சிறை யாரங் கெய்த
விந்தநன் மாற்ற மெல்லா மவர்க்குரைத் திருந்த பின்னர், | |
| | 694 |
| 2593 | கொற்றவ னமைச்ச னாருங் கைதலை குவித்து நின்று
"பெற்றனம் பிள்ளை யாரிங் கணைந்திடப் பெறும்பே" றென்பார்
"இற்றைநா ளீசனன்பர் தம்மைநா மிறைஞ்சப் பெற்றோம்;
மற்றினிச் சமணர் செய்யும் வஞ்சனை யறியோ" மென்றார். | |
| | 695 |
| | 2592. (இ-ள்) சிந்தையிற் களிப்பு...போத-மனத்தினுள் மிகவும் களிப்படைந்து "சீகாழித் தலைவர் எம்மையாளும் பொருட்டு வந்த ஆறுதான் என்னே!" என்று வரும் மகிழ்ச்சியினுடனே விரியும் மலர்களை யணிந்த .கூந்தலையுடைய மங்கையர்க்கரசி யம்மையார் போந்தபோது; குலச்சிறையார்...அங்கு எய்த - குலச்சிறையார் அவ்விடத்தே வந்து சேர; இந்த...பின்னர் - இந்த நல்ல வார்த்தைகளை யெல்லாம் அவரிடம் சொல்லிய பின்பு; |
| | 694 |
| | 2593. (இ-ள்) கொற்றவன்...என்பார் - அரசனது மந்திரியாரும் கைகளைத் தலைமேலே கூப்பி நின்று, "பிள்ளையார் இங்கே அணைந்திடுதற்குப் பெரும் பேறுதான் |