| | 2616. (வி-ரை.) கொற்றவ னமைச்சனாராம் குலச்சிறையார் - அமைச்சுத் திறத்தின் நிலைபற்றி விடையளிக்கின்றார் என்று மேலும் கூறுதல் காண்க. |
| | மற்றிதன் கொடுமை....முற்றியது - இது அம்மையார் வினவிய ஐயத்துக்கு அமைச்சனார் துணிந்து விடை கூறியது. |
| | வஞ்சகர் - செய்த தீங்கு - அரசன் பாங்கு முற்றியது....முடிந்ததோ? என்ற வினாவுக்கு இனி அரசன் பாங்கு வரக்கடவ தொன்று மின்று - என்று கூறியபடி; அரசன் பாங்கு முற்றிய தென்றமையால், அமணர் பாங்கில் முற்றாது பெரிதும் பின்னர் வர எஞ்சியுள்ளது என்றதும் குறிப்பு. செய்தது ஈங்கு - என்று பிரித்து, ஈங்கு - பாண்டியனிடம் என்றலுமாம். |
| | இவர்கள் தீர்க்கின் முதிர்வதேயாவது - மேல் விளைவதாகிய வருங்கால நிகழ்ச்சியை அமைச்சுத் திறத்தால் ஓர்ந்து சொல்லியது; தீர்க்கின் - தீர்வு தேட முயன்றால்; அவர்கள் அவ்வாறு முயல்வது கருதலளவையால் தெரிந்தாராதலின் அதனால் தீராது மேலும் நோய் மிகச் செய்வதேயாகி முடியும் அதனை எடுத்துக்காட்டியபடி; மேல் (2661) உரைப்பது பார்க்க; இவ்வாறு துணிந்தமை நோய்க்குக் காரணமாய் நின்ற பொருளே பின்னரும் உடலுட் சேர்ந்தால் நோயினை மிகச் செய்யும் என்ற மருத்து நூற்றுணிபும், உலக நூற்றுணியும் பற்றி என்க. ஒப்புமுறை மருத்துவமென்று
(Homeopathy) ஒன்று உளதேயெனின் அது வினை பற்றியனவற்றுக் கேலாமையுணர்க. |
| | தீர்க்கின் - அரசன்பால் தமது செல்வாக்கினால் தாமே முந்திக்கொண்டு தீர்க்க முற்பட்டு முயல்வார்களென்று அறிந்து கூறியது அமைச்சுத்திறன். |
| | முதிர்வதே - மூண்டு பெருகும் நிலையடைவதே. |
| | மதில்கள் மூன்றும் செற்றவரன்பர் - ஆண்டவனது தன்மை அடியார்களிடம் விளங்குமாதலின் அம்முறையால் இவ்வன்பரும் பகைவர்களைச்செற்று நீக்குவர் என்பது குறிக்க இத்தன்மையாற் கூறினார். |
| | 718 |
| | 2617. (வி-ரை.) இருதிறத்தவர் - இத்திறத்தில் நின்ற இருவரும்; அம்மையாரும் அமைச்சனாரும்; |
| | மன்னனெதிர் - மன்னவன் முன்பு - மன்னவன் கருத்தொழிந்து உரை மறந்து கிடந்தனனாதலின் (2611) மன்னவனைப் பணிந்து என்னாது எதிர் என்றார். ஆயின் பணிதல் எற்றுக்கெனின் மரபுபற்றி என்க; அற்றேல் அஃதாக; கருத்தொழிந்து கிடந்தவன்பால் அறிவுறுத்தல் எவ்வாறு நிகழுமெனின், அது மேல்வரும் (2619) பாட்டில் கூறுவது காண்க. |
| | இருதிறத்தவர் - அம்மையார் சைவத்திறம் பற்றியேயன்றிக், கணவன் என்ற தன்மையானும் ஈண்டு ஆவன செய்தற் கடப்பாடுடையராதலின், சைவத் திறமும் அமைச்சுரிமையும் பூண்ட அமைச்சரினும் திறமுடையார் என்று குறிக்க, இருவர் என்னாது இருதிறத்தவர் என்றார். |
| | "இந்த வெப்பு......அருளே" என்றதும் மேல் "காயமும்....தீரும்" என்பதும் இருதிறத்தவரும் மன்னனுக்கு உரைத்தவை. |
| | வருதிறம் - வந்து புகுந்த விதம்; அதனால் வந்து - அது காரணமாக - அதன் மூலமாக - விளைந்தது; இது நோயின் மூலமாம்; பெருகுதல் - மூளுதல்; பெருகிய தன்மைகள் முன் (2609 - 2610 - 2611) பாட்டுக்களில் உரைக்கப்பட்டன. |
| | வள்ளலார் - வள்ளற்றன்மை. பாண்டி நாட்டவர்க்கருளும் பொருட்டுத் தாமே மதுரை நண்ணியருளியமையாலும், அமணர்கள் தீக்கொளுவிய போதும் செம்மையிற் |