| | யைப் பறித்து - சாகும் அவத்தையிலுள்ளோர் தலை பறித்தல் நோய் முடுகிய நிலை; அது போல இவர்களும் மயிர் பறிக்கும் ஒழுக்குள்ளவர்; சரித விளைவுக் குறிப்புமாம். பொடி - சுக்கு முதலியவை கூட்டிய பொடி தின்னும் சமண ஒழுக்குக் குறித்தது; "சுக்குத் தின்னும்"(தேவா); வாய் சகதிக்கு நேராம் அவர் - சகதி(சேறு) போல வாய் நாற்றமுள்ளவர்கள்;-(10) இடுக்கு - வஞ்சம்;-(11) எக்கர் - வஞ்சகர்; துளங்கும் முடித்தென்னன் முன்னிவை - உரை செய்த - வெப்புநோய் மிகுதியால் தலை நிலைநிற்கலாற்றாது நடுக்கமுற்றுக் கிடந்த பாண்டியன் முன்பு இப்பதிகம் பாப்பட்டது என்ற சரித வரலாற்று அகச்சான்று. |
| 2661 | யாதுமொன் றறிகி லாதா ரிருளென வணையச் சென்று
வாதினில் மன்ன வன்றன் வாமபா கத்தைத் தீர்ப்பார்
மீதுதம் பீலி கொண்டு தடவிட மேன்மேல் வெப்புத்
தீதுறப் பொறாது மன்னன் சிரபுரத் தவரைப் பார்த்தான் | |
| | 763 |
| | (இ-ள்) யாதும்...சென்று - ஏதேனும் உண்மைநிலை ஒரு சிறிதும் அறியும் ஆற்றலில்லாராகிய அமணர்கள் இருளைப்போல அரசனைக் கிட்டிச் சென்று; வாதினில்.....தீர்ப்பார் - வாதத்தின் முற்பட்டு மன்னனுடைய இடப்பாகத்து நோயினைத் தீர்ப்பார்களாகி; மீது...தடவிட - அவன் உடம்பின்மேல் தமது மயிற்பீலிக் கற்றையைக் கொண்டு(மந்திரித்துத்) தடவ; வெப்பு மேன்மேல் தீதுற - வெப்புநோய் மேன்மேலும் அதிகரித்துத் தீமை செய்ததனால்; பொறாது - ஆற்றமாட்டாதவனாகி; மன்னன்.... பார்த்தான் - அரசன் சீகாழித் தலைவரை வாதினில் தமது நோயினைத் தீர்க்க வேண்டுமென்ற குறிப்புடன் பார்த்தான். |
| | (வி-ரை) யாதுமொன்றும் அறிகிலாதார் - அமணர்; யாதும் என்பது அறியும் பொருளையும், ஒன்றும் என்பது அறியும் அளவையும் குறித்தன; ஒன்றும் - முற்றும்மை தொக்கது. "யாது மொன்றுமென் பக்கலுண்டாகில்"(410); அறிகிலாதார் - கில் - ஆற்றலுணர்த்தும் இடைநிலை: "வெம்பவரு கிற்ப தன்று கூற்றம் நம்மேல்" (தேவா - அரசு - தாண்); உண்மைநிலை யறிவும், அஃதில்லை யாயினும் அனுபவத்தாலறியும் ஆற்றலு மில்லாதாராதலின் இவ்வாறு இவ்வாதத்தில் துணிந்து முற்பட்டனர் என்பது குறிப்பு. |
| | இருள் என - இருட் கூட்டம்போல்; உருப்பற்றிய உவமம்; "இழுது மையிருட் கிருள் என"(2576). |
| | அணையச் சென்று - தாங்கள் நின்ற இடத்தினின்று பாண்டியனை அணுகச் சென்று. |
| | மீது - பாண்டியனது உடலின்மேல்; பீலி - அமணகுருமார் எப்போதும் மயிற்பீலி கையிற்பிடித்தல் மரபு; தம்பீலி கொண்டு - தாம் கையிற் பிடித்த பீலியினாலே; கொண்டு - கருவிப்பொருளில் வந்த மூன்றாவதன் சொல்லுருபு. |
| | பீலியினால் தடவுதல் - மந்திரிக்கும் முறையில் அவர்கள் செய்யும் கிரியை. |
| | வெப்பு மேன்மேல் தீதுஉற - தடவத் தடவ முன்னைய வெப்பு மேலும் மேலும் தீயதாய்ப் - வெப்பு மிகுவதாய்ப் -பொருந்த - அதிகரிக்க; தீது - வெப்பம் - தீத்தன்மை. |
| | பொறாது - பொறுக்கமாட்டாதவனாகி; தாங்கலாற்றானாகி. |
| | பார்த்தான்-"கண்ணிற் சொலி" என்பது அரசரிலக்கணமாதலின் ‘இதில் அமணர் தோற்றனர்; இனி நீவிர் நும்பக்கத்து வாதத்தினைமேற்கொள்க’ என்ற |