| | (வி-ரை) இரண்டுபாலும் ஈண்டினர் - அத்தெருவின் இரு பக்கங்களிலும் நெருங்கிவந்த மாந்தர்; இரண்டுபாலும் - "துன்னிய மாதர் மைந்தர் "(2699) என்ற இருபாலாருமாக என்றலுமாம். |
| | எடுத்துச் சொல்ல - நிகழ்ச்சியின் ஒவ்வோர் பகுதிகளைப்பற்றி முன் கூறியவாறு எடுத்துப் பேச. |
| | வெண்குடை - திருவரத்துறையீசர் அருளிய முத்துக்குடை. வெண்குடை அரச அடையாள அங்கங்களுள் ஒன்றாகும் குறிப்பும் ஈண்டுத் தருவது. சிவிகையும் அவரருளிய அக்குறிப்புத் தருவது. |
| | பஞ்சவன் நாட்டுளோர்க்கு நன்னெறி காட்ட வந்தார் - "கன்னிநாடு அமணர் தம்மாற் கட்டழிந்து" (2511); "நன்றியி னெ்றியி லழுந்திய நாடு"(2557) என்று வருவனவாற்றால் அரசனை யுய்விக்கும்வகையால் நாடுய்யச் செய்யப் பிள்ளையார் போந்தருளினர் என்பதாம். |
| | சொல்ல - போத - வந்தார் - என்று வினைமுடிபு கொள்க. |
| | நான்மறை வாழ வந்தார் - மறைகள் வாழும் பொருட்டு வந்தவராகிய - அவதரித்தவராகிய - பிள்ளையார் என்க. வந்தார் - வந்தவர்; பெயர்; வினைமுற்றாகவே கொண்டும் பிள்ளையார் என்ற எழுவாய் வருவித்தும், காட்டவும் வந்தார்; அதனால் மறை வாழவும் வந்தார் என்றுரைப்பினு மமையும். "மிக்கதிரு விளக்கிட்டார் விழுத்தொண்டு விளக்கிட்டார்"(கலியர் புரா - 11) என்புழிப்போல. |
| | காட்ட - வாழ - காட்டும்பொருட்டு - வாழும்பொருட்டு என்க. |
| | இன்னன - முன் 2699-ல் "வேறு இனைய சொன்னார்" என்று தொடங்கி என்பார் என இருபத்தைந்து வகையான கருத்துகளை எடுத்துச் சொல்லவார்களாகி,இவ்வாறு கூற - என்று இந்த ஒன்பது பாட்டுக்களையும் தொடர்புபடுத்தி உரைத்துக் கொள்க. |
| | 809 |
| 2708 | "தென்றமிழ் விளங்க வந்த திருக்கழு மலத்தோன் வந்தான்;
மன்றுளா ரளித்த ஞான வட்டில்வண் கையன் வந்தான்;
வென்றுல குய்ய மீள வைகையில் வெல்வான் வந்தான்';
என்றுபன் மணிச்சின் னங்க ளெண்டிசை நெருங்கி யேங்க, | |
| | 810 |
| 2709 | பன்மணி முரசஞ் சூழ்ந்த பல்லிய மியம்பப் பின்னே
தென்னவன் தேவி யாரு முடன்செலத், திரண்டு செல்லும்
புன்னெறி யமணர் வேறோர் புடைவரப் புகலி வேந்தர்
மன்னிய வைகை யாற்றின் கரைமிசை மருவ வந்தார். | |
| | 811 |
| | 2708. (இ-ள்) தென்தமிழ்...வந்தான் - அழகிய தமிழ் விளங்கும்படி வந்த திருக்கழுமலத்தோராகிய பிள்ளையார் எழுந்தருளினார்; மன்றுளார்... கையன் வந்தான். அம்பலவாணர் அளித்தருளிய சிவஞானப்பால் நிறைந்த பொற்கிண்ணத்தையுடைய வண்மை பொருந்திய திருக்கரத்தையுடைய பிள்ளையார் எழுந்தருளினார்; வென்று ... வெல்வான் வந்தான் - முன்னம் சுரவாதத்திலும் அனல்வாதத்திலும் வெல்பவராகிய பிள்ளையார் எழுந்தருளினர்; என்று... ஏங்க - என்று இவ்வாறு பல அழகிய முத்துச் சின்னங்கள் எட்டுத் திசைகளிலும் நெருங்கி ஒலிக்கவும், |
| | 810 |