|
| | |
| | சொற்றமிழ் பாடுக" என்று, தடுத்தாட்கொண்ட ஞான்று ஆண்டவர் பணித்தருளியமையால் அத் திருத்தொண்டு விருப்பினால் என்றது குறிப்பு. |
| | பதிகள் பலவும் - இவை, திருச்சிராப்பள்ளி, திருவெறும்பியூர், திருவேங்கூர், திருக்காட்டுப்பள்ளி, திருவாலம் பொழில், திருப்பூந்துருத்தி, திருக்கண்டியூர், திருவேதிகுடி, திருத்தண்டங்குறை, திருப்புள்ள மங்கை ஆலந்துறை, திருச்சக்கரப்பள்ளி; திருப்பாலைத்துறை, திருச்சேலூர், திருநல்லூர் முதலியன என்பது கருதப்படும். |
| | குறிப்பு :- திருச்சிராப்பள்ளியினின்றும் காவிரி, குடமுருட்டியாறு, இவற்றின் தென்கரை வழி அடுத்து ஒரு பாதை நீளச்செல்கின்றது; அது அரசங்குடியினின்றும் திருக்காட்டுப்பள்ளிவரை (10 நாழிகை) சிற்றடிப் பாதையாகவும், பின்பு பெரும் பாதையாகவும் உள்ளது; இது சுருங்கிய நேர்வழியாதலின் இவ்வழியே நம்பிகள் சென்றிருத்தல் கூடுமென்பது கருதி மேல் உரைக்கப்பட்டது. |
| | தேடும் இருவர் - அடியும் முடியும் தேடும் மாலும் அயனும். |
| | அக்கற்குடி - என்பதும் பாடம். |
| | 93 |
| | திருக்கற்குடி |
| | திருச்சிற்றம்பலம் | பண் - நட்டராகம் |
| | விடையா ருங்கொடியாய் வெறி யார்மலர்க் கொன்றையினாய்
படையார் வெண்மழுவா பர மாய பரம்பரனே
கடியார் பூம்பொழில்சூழ் திருக் கற்குடி மன்னி நின்ற
அடிகே ளெம்பெருமா னடி யேனையு மஞ்ச லென்னே. | |
| | (1) |
| | அலையார் தண்பொழில்சூழ்ந் தழ காகி விழவமருங்
கலையார் மாதவர்சேர் திருக் கற்குடிக் கற்பகத்தை
இலையார் வாணுதலாள் நல்ல சிங்கடி யப்பனுரை
விலையார் மாலைவல்லார் வியன் மூவுல காள்பவரே. | |
| | (10) |
| | திருச்சிற்றம்பலம் |
| | பதிகக் குறிப்பு: - திருக்கற்குடி மன்னிநின்ற எம்பெருமானே! அடியேனையும் அஞ்சலென்னே; என்று நீடுவிருப்பிற் றிருப்பதிகம் நிறைந்த சிந்தையுடன் பரடியது. |
| | பதிகப் பாட்டுக் குறிப்பு : - (1) பரம் - எப்பொருளுக்கும் அப்பாற்பட்டவர்; "அடியேனையும் அஞ்சலென்னே" பதிகத்தின் கருத்தும் மகுடமுமாம்; அடிகேள் - பெரியோரே;-(2) அறவா - "அற வாழி யந்தணன்" (குறள்);-(3) மலைமேல் மா மருந்தே - இங்கு மலையின்மேல் மன்னி நின்ற மருந்து போல்வார் என்றும், மலையில் உள்ள மருந்துப் பண்டங்கள் போலச் சிறந்தவர் என்றும் உரைக்க நின்றது;-(5) சந்து - பெருமை; புகழ்; கந்து - மணம்; ஏன்று கொள்ளுதல் - ஏற்றுக்கொள்ளுதல்; வீழ்ந்து படாமல் தாங்கிக்கொள்ளுதல்;-(7) தணியாத விருப்பம் விளைக்கும்;-(8) நிலனே...ஆகி - ஐம்பூதங்களையும் திருமேனியாகக் கொண்டு; இவை இறைவரது எட்டு மூர்த்தங்களுள் வருவன; புலனே - அறியப்படுபவன்; கனலே - அழற்றூணாய் நின்றவரே!;- (9) பெரும் பாலன் - மார்க்கண்டேயர்; விரும்பா - விருப்பம் விளைப்பவரே! |
| | குறிப்பு :- 8-வது திருப்பாட்டில் லகரமும் னகரமும் எதுகையாக வந்தன. |
| | தலவிசேடம் :- திருக்கற்குடி - III - பக். 517 பார்க்க. |