முகப்பு

தொடக்கம்

[வம்பறா வரிவண்டுச் சருக்கம்] 29. ஏயர்கோன்கலிக்காம நாயனார் புராணமும் உரையும் 13 உண்ணாதே துயில்கொள்ள - அருள்புரிவார் - உண்ணாதே கவலையினால் துயில் கொண்டமையினாலே எனக் காரணப் பொருள் கொள்க. துன்றுபெருங் கவலையினால் - அடியாரைப் பற்றிய பெருங் கவலையாதலின் அங்கணர்வந்து அது தீர அருள் புரிவாராயினர்என்பது "தாள்சேர்ந்தார்க்கல்லால் மனக்கவலை மாற்ற லரிது" என்ற திருக்குறளினாலும் பெறப்படுதல் காண்க. அருள்புரிவார் - அருளி - ஏவ - என வரும்பாட்டுடன் முடிக்க. 13 3168. (வி-ரை.) ஆரூரன்றனுக்கு....அருளி - இது குண்டையூர்கிழாருக்கு இறைவர் கனாவில் அருளியது. நிதிக்கோமான்றனை ஏவ - நிதிக்கோமான் - அளகைக் கிறைவனாகிய குபேரன்; குபேரன் சிவபிரான்றோழர். அட்ட திக்குப் பாலகர்களுள் ஒருவராய், நிதிக்கு அரசராய்ச், சிவபிரா னேவலின்படி அடியார்களுக்கு வேண்டிய வளங்களை அங்கங்கும் கொண்டு உய்க்கும் நியமத்துட்பட்டவர். இளையான்குடி மாற நாயனார் வரலாறும் (465), குங்குலியக்கலய நாயனார்வரலாறும் (844) பிறவும் பார்க்க. ஏவ - நென்மலையாகக் குண்டையூரில் கொண்டு உய்க்கும்படி ஏவ - இது பின்விளைவினா லறிக. பேரூர்....ஓங்கியதால் - பேரூர் - பெரிய ஊர்; இங்குக் குண்டையூரைக் குறித்தது. மலைப்பிறங்கல் - மலை போன்ற பெருக்கு. பிறங்கல் - உயர்ச்சியுமாம். விசும்பும் கரக்க கரத்தல் மறைத்தல். விசும்பு கரக்க என்றது உயர்ச்சி குறித்தது. ஏவ ஓங்கியது - இறைவர் ஏவுதலும் செயல் நிகழ்ச்சியும் உடன் நிகழ்ந்த விரைவு குறித்தது. ஆரூரன்தனக்கு உன்பால் நெல் தந்தோம் - ஆரூரன்றனக்கு - ஆரூரருக்குப் படி சமைப்பதற்காக; இஃது ஆரூரருக்கே நேரே தரப்பெறாமல் குண்டையூர் கிழாருக்குத் தரப்பெற்றமை என்னையோ? எனின், குண்டையூர் கிழாரின் மனக்கவலை தீர்வதற்கும் அவரது திருப்பணி நிறைவேறக் காண்பதற்குமாக இறைவர் அருள் வைத்தபடி என்க. மேற்கூறப்படுவனவும் காண்க. அடங்கவும் - முழுவதும் - ஊர்எல்லை நென்மலையின் உள்ளே அடங்க என்ற குறிப்புமாம், பிறங்கி - பிறங்க - என்பனவும் பாடங்கள். 14 3169 அவ்விரவு புலர்காலை யுணர்ந்தெழுவா ரதுகண்டே "யெவ்வுலகி னென்மலைதா னிது?"வென்றே யதிசயித்துச் செவ்வியபொன் மலைவளைத்தார் திருவருளின் செயல்போற்றிக் கொவ்வைவாய்ப் பரவையார் கொழுநரையே தொழுதெழுவார், 15 வேறு 3170 "நாவலூர் மன்ன னார்க்கு நாயனா ரளித்த நெல்லிங் கியாவரா லெடுக்க லாகு?; மிச்செய லவர்க்குச் சொல்லப் போவன்யா" னென்று போந்தார்; புகுந்தவா றருளிச் செய்து தேவர்தம் பெருமா னேவ நம்பியு மெதிரே சென்றார். 16 3169. (இ-ள்.) அவ்விரவு......கண்டே - குண்டையூர் கிழார் அன்று இரவு விடியற் காலையில் துயிலுணர்ந் தெழுவாராய் அதனைக் கண்டே; எவ்வுலகின்.....

மேல்