|
| | |
| | உம்பரும் வானவரும் முடனேநிற்க வேயெனக்குச்
செம்பொன்னைத் தந்தருளித் திகழும்முது குன்றமர்ந்தீர்
வம்பம ருங்குழலாள் பரவையிவள் வாடுகின்றாள்
எம்பெரு மானருளீ ரடியேனிட் டளங்கெடவே. | |
| | (2) |
| | பரசா ருங்கரவா பதினெண்கண முஞ்சூழ
முரசார் வந்ததிர முதுகுன்ற மமர்ந்தவனே
விரைசே ருங்குழலாள் பரவையிவ டன்முகப்பே
அரசே தந்தருளா யடியேனிட்ட ளங்கெடவே. | |
| | (8) |
| | ஏத்தா திருந்தறியே னிமையோர்தனி நாயகனே
மூத்தா யுலகுக்கெல்லா முதுகுன்ற மமர்ந்தவனே
பூத்தா ருங்குழலாள் பரவையிவ டன்முகப்பே
கூத்தா! தந்தருளாய் கொடியேனிட் டளங்கெடவே. | |
| | (9) |
| | பிறையா ருஞ்சடையெம் பெருமானருளா யென்று
முறையால் வந்தமரர் வணங்கும்முது குன்றர்தம்மை
மறையார் தங்குரிசில் வயனாவலா ரூரன்சொன்ன
இறையார் பாடல்வல்லார்க் கெளிதரஞ்சிவ லோகமதே. | |
| | (10) |
| | திருச்சிற்றம்பலம் |
| | பதிகக் குறிப்பு :- 3286. 3288 பாட்டுக்களில் ஆசிரியர் காட்டியருளியபடி கண்டுகொள்க. எனக்குத் தந்த பொன்னைப் பரவை வாடாது காண இவடன் முகப்பே கூத்தா! தந்தருள்வாய் என்பது; "எம்பெருமானருளாய்" (பதிகம் - 10); குறிப்பு - இப்பதிகம் திருவாரூர்க் கமலாலயத் திருக்குளக் கரையில் வடகீழ்ப்பக்கம் திருப்படியில் நீரினுள் நின்றபடி நம்பிகள் திருமுதுகுன்றத் திறைவரை நோக்கிப் பாடியருளியது. |
| | பதிகப் பாட்டுக் குறிப்பு : - (1) பொன் செய்த மேனி - பொன்போன்ற திருமேனி; செய்த - உவமவுருபு; "பொன்னார் மேனியனே" (தேவா) "பொன்வண்ண மெவ்வண்ண மவ்வண்ண மேனி"; முன் செய்த - முன்னர் வரம் பெற்று உலகைஅழிவு செய்த; மின்செய்த - விளக்கமுடைய; முகப்பே - முன்பு; கண்காண; என் செய்தவாறு - பொன்வரத் தாழச் செய்து நகைக்கிடமாகும்படி செய்தபடி என்னே! கெடவே - கெடச் செய்யும்;- (2) உம்பரும்...தந்தருளி - "முட்ட இமையோரறிய முதுகுன்றிற்றந்த பொருள்" (3287) என்று இதனை ஆசிரியர் விரித்தருளினர்; இவ்வானவர் இங்கு வழிபட வந்திருப்போர்; வம்பமருங் குழலாள் - "முருகலர் பூங்குழற் பரவை" (3286) என்று இதனை உரை வகுத்தருளினர் ஆசிரியர். "விரை சேருங் குழலாள்" (8) "பூத்தாருங் குழலாள்" (9) எனமேலும் வருவன காண்க. கூந்தலின் இயற்கைமணங் குறித்த தெனினுமமையும். அப்பொருளில் பூ - என்பது பூவின் மணம் என்றுரைத்துக்கொள்க;- (3) பத்தா - பத்தி செய்தற்கிடமானவரே!; முத்தா - இயல்பாகவே பாசங்களினீங்கியவரே!; மைத்தாரும் - மைதீட்டிய; மைபோன்ற கரிய என்றலுமாம்; "வாடாமே" என்பன தந்தருளப் பெற்ற பொருள் கைக்கு வரப் பெறாது அடியார் பணி முட்டுப்பாடு பெறுதல் வாட்டம். "குணம்" என மேற்பாட்டில் வரும் குறிப்புமிது;- (4) அங்கணனே - அங்கண்மையுடையவரே! அங்கணனாதலில் எனக் காரணக் குறிப்புப் படக்கூறியது;- (5) "மையாரும் மீடறு...செய்யார் மேனி" - விரோத அணி;- (6) நெடியோன்...இறைஞ்ச - |