|
| | |
| | 3172. (இ-ள்.) மனிதரால்.....என்ன - இத்த நெல்மலையின் பெருக்கம் மனிதர்களால் சுமந்தெடுக்கும் அளவுட்பட்டதன்று; இனி, இது என்னாற் செய்யக் கூடிய பணியன்று என்று சொல்ல; கேட்டு - (நம்பியாரூரர்) அதனைக் கேட்டு; பனிமதி....மொழிந்து - "குளிர்ந்த சந்திரனை முடித்த சிவபெருமானன்றே அருள் சுரந்து இந்நெல்லினை உமக்கு அளித்தார்" என்று இனிய மொழிகளைக் கூறி; தாமும்....வந்தார் - தாமும் குண்டையூரினைச் சார வந்தருளினார். |
| | 16 |
| | இந்த இரண்டு பாட்டுக்களும் தொடர்ந்து ஒரு முடிவு கொண்டன. |
| | 3171. (வி-ரை) எதிர்கொண்டு - நம்பியாரூரரை எதிர்கொண்டு வந்து. |
| | கோதில் வாய்மை - கோதில் - என்றது தன்மை விளக்கி நின்றது. |
| | பண்டெல்லாம்....பணி - முன்னாளிலெல்லாம் அடியேன் உமக்கு அமுதுபடி சமைத்து வந்த பணி. |
| | அண்டர் தம்பிரானார் தாமே - நான் வேண்டிக்கொள்ளாமலே அவர் தாமே தமது கருணைப் பெருக்கினாலே. என்று - என்ன - என வரும் பாட்டுடன் முடிக்க. |
| | அளித்தார் - கருணையினால் அருளினார்என்ற குறிப்பு. |
| | 17 |
| | 3172. (வி-ரை.) மனிதரால்.....ஆக்கம் - மனிதரால் சுமந்தெடுத்து இங்குக் கொண்டு வந்து உய்க்கும் அளவில் அடங்குவதன்றெனவே, இறைவரருளப் பூதங்களாலேதான் இயல்வது என்றது. ஆக்கம் - பெருக்கம். |
| | இனி....இது - இது - இந்நெல்லைச் சுமந்து வந்து திருமாளிகையில் உய்க்கும் பணி. செய்யலாகும் - செய்யக்கூடிய. |
| | பனிமதில்......நெல் என்று - இறைவர்தாமே உமக்கு நெல் அளித்தார் என்பது என்பொருட்டளித்தாராயின் திருவாரூரில் அளித்திருப்பர்; அவ்வாறன்றிக் குண்டையூரில் அளித்து உமக்கு அருளியமையால் உமது அன்பின் பொருட்டேயளித்தனர் என்றவாறாம். இனியன - இனிமையான மொழிகளை. தாமும் - அவருடனே தாமும் கூடி. |
| | நென் மலையினோக்கம் - என்பதும் பாடம். |
| | 18 |
| 3173 | விண்ணினை யளக்கு நெல்லின் வெற்பினை நம்பி நோக்கி
அண்ணலைத் தொழுது போற்றி யதிசய மிகவு மெய்தி
"எண்ணில்சீர்ப் பரவை யில்லத் திந்நெல்லை யெடுக்க வாளுந்
தண்ணில வணிந்தார்தாமே தரிலன்றி யொண்ணா" தென்று, | |
| | 19 |
| | வேறு |
| 3174 | ஆளிடவேண் டிக்கொள்வா ரருகுதிருப் பதியான
கோளிலியிற் றம்பெருமான் கோயிலினை வந்தெய்தி
"வாளன கண்மடவாள் வருந்தாமே" யெனும்பதிகம்
மூளவருங் காதலுடன் முன்றொழுது பாடுதலும், | |
| | 20 |
| 3175 | "பகற்பொழுது கழிந்ததற்பின் பரவைமனை யளவன்றி
மிகப்பெருகு நெல்லுலகில் விளங்கியவா ரூர்நிறையப்
புகப்பெய்து தருவனநம் பூதங்க" ளெனவிசும்பில்
நிகர்ப்பரிய தொருவாக்கு நிகழ்ந்ததுநின் மலனருளால். | |
| | 21 |