|
| | |
| | திருநனிபள்ளி |
| | திருச்சிற்றம்பலம் | பண் - பஞ்சமம் |
| | ஆதியன் னாதிரையன் னயன் மாலறி தற்கரிய
சோதியன் சொற்பொருளாய்ச் சுருங் காமறை நான்கினையும்
ஓதிய னும்பர்தங்கோ னுல கத்தினு ளெவ்வுயிர்க்கும்
நாதிய னம்பெருமா னண்ணு மூர்நனி பள்ளியதே. | |
| | (1) |
| | காலமு நாழிகையுந் நனி பள்ளி மனத்தினுள்கிக்
கோலம தாயவனைக் குளிர் நாவல வூரன்சொன்ன
மாலை மதித்துரைப்பார் மண் மறந்துவா னோருலகிற்
சாலநல் லின்பமெய்தித் தவ லோகத் திருப்பாரே. | |
| | (10) |
| | திருச்சிற்றம்பலம் |
| | பதிகக் குறிப்பு :- "நம்பெருமான் நண்ணுமூர் நனிபள்ளியதே" என்றபதிக மகுடம் காண்க. |
| | பதிகப் பாட்டுக் குறிப்பு :- ஆதிரையன் - "ஆதிரை நாளுகந்தான்" (தேவா); சொற்பொருளாய் - சொல்லுக்கெல்லாம் பொருளாயுள்ளவன்; ஓதியன்...உலகத்தினுளெவ் வுயிர்க்கு நாதியன் - எண்பத்துநான்கு நூறாயிரமாம் யோனிபேதம்....உயிர்க்குயிராய் அங்கங்கே நின்றான்" (தேவா); நாதியன் நாதன்; தலைவன்; ஆதரவு தருபவன்;- (2) உறவிலி - "ஆருற்றார்" (திருவா); அற இலகும் - அறமுற்றி; இலகுதல் - விளங்குதல்; வண்டு மருளார் பொழில் அறையும் "வண்டு மருள்பாடும்" மருள் - இசை வகை; நற(வு) - தேன்; (3) அமர்ந்தான் - விரும்பினான்; தீ....புகுந்தான் - உடலில் உயிர்த் தீ உருவாய்ப் போந்து உயிருள்ளளவும் நிற்பவன்; மாடு - செல்வம்;- (4) இடமாமலை....நாடுடை - ஏழ்மலையு மேழ்கடலும் சூழ்ந்த எல்லா நாடுகளையும் தன்னதாகவுடையவன்;- (5) பண்ணற்கரிய - கால்விரலால் வட்டமாகக்கீறி எடுக்கப்பட்ட ஆழியாதலின் வேறு யாவராலும் செய்தற்கரிய; படைத்து - கால்விரலால் வட்டங்கீறி உளதாக்கி; கண்ணற்கருள் புரிந்தான் - "சலந்தரனைப் பிளந்த சுடராழி செங்கண்மலர் பங்கயமாச் சிறந்தானுக்கருளி" (தேவா - நம்பி - கலயநல்லூர் - 2); கருதாதவர் - தக்கன்; உண்ணற்கு - உண்டதன் பொருட்டு; ஓட உதைத்துகந்து - வீரபத்திரரால் தக்கயாக சங்காரம் நிகழ்த்தி;- (6) ஆரணன் - வேதங்களின் பொருளானவர்; (8) நுண்ணியனாய் - யானேது மறியாமே என்னுள் வந்து" (தேவா). ஏழ்பிறப்பும்...நங்கட் பிணி களைவானாகிய அருமாமருந்து என்க; (9) ஞானம் - சிவஞானங் குழைத்த அமுது; (10) காலமுநாழிகையும்...உள்கி - இடை விடாது எக்காலமும் நினைந்து; தவலோகம் - சிவனுலகம்; தவத்தின் பயனாகிய உலகம்; தவம் - சிவபூசை. |
| | தலவிசேடம்:- திருநனிபள்ளி - காவிரித் தென்கரை 43-வது பதி; III பக்கம் 284 பார்க்க. |
| 3304 | நின்றியூர் மேயாரை நேயத்தாற் புக்கிறைஞ்சி
ஒன்றியவன் புள்ளுருகப் பாடுவா ருடையவர
சென்றுமுல கிடர்நீங்கப் பாடியவே ழெழுநூறும்
அன்றுசிறப் பித்தஞ்சொற் றிருப்பதிக மருள்செய்தார். | |
| | 150 |