|
| | கரையில் இருந்தமை அறியப்படும்; அஃது ஆற்றின் வெள்ளத்தில் அழிவு பட்டமையால் இப்போது சிவபுரியில் (3 திருநெல்வாயில்) சிறு தனியாலயமாகத் தாபிக்கப்பட்டுள்ளது. தலவிசேடம் பார்க்க. "கழியார் செல்வமல்கும்" (10) என்ற பதிகம் இதன் முன்னாட் பெருமை குறிப்பது. ஏத்தி - திருப்பதிகம் பார்க்க. |
| | அருள்கூர - மருங்கணைந்தார் - என்பனவும் பாடங்கள். |
| | 166 |
| | திருக்கழிப்பாலை |
| | திருச்சிற்றம்பலம் | பண் - நட்டராகம் |
| | செடியேன் றீவினையிற் றடுமாறக் கண்டாலும்
அடியா னாவவெனா தொழிதல் தகவாமே?
முடிமேன் மாமதியும் மரவும் முடன்றுயிலும்
வடிவே தாமுடையார் மகிழுங் கழிப்பாலையதே. | |
| | (1) |
| | பழிசே ரில்புகழான் பரமன் பரமேட்டி
கழியார் செல்வமல்குங் கழிப்பாலை மேயானைத்
தொழுவா னாவலர்கோ னாரூர னுரைத்ததமிழ்
வழுவா மாலைவல்லார் வானோருல காள்பவரே. | |
| | (10) |
| | திருச்சிற்றம்பலம் |
| | பதிகக் குறிப்பு :- என்னை விலை ஆவணமுடையான்; என் வினை தீர்த்தாட் கொண்டவன்; அவனது இடம் கழிப்பாலையதே. |
| | பதிகப் பாட்டுக் குறிப்பு :- (1) செடியேன் - குற்றமுடையவன்; ஆவ - இரக்கச்சொல்; தகவாமே - தகவன்று; வினா எதிர்மறை குறித்தது; மதியும் அரவும் உடன் துயிலும் - துயிலுதல் - ஈண்டுத் தங்குதல் என்ற பொருளில் வந்தது; பகைப்பொருள்களைப் பகைதீர்த் துடனிருக்கவைத்தல் இறைமைக்குணம்; "பாம்போடு திங்கள் பகை தீர்த்தாண்டாய்" (தேவா); அதுபோல் என்வினையின் கொடுமை தீர்த்து உடன் வைக்கவேண்டும் என்பது குறிப்பு; வடிவே - ஏகாரம் தேற்றம்; மேல் 3-5- பாட்டுக்களு மிக்கருத்தன;- (2) இறைவர் தமக்குச் செய்த பேரருளை வியந்து போற்றியது;- (3) நின் அருளில் ஒறுத்தாய் - அருட்குணங் காரணமாக என் குற்றங் கண்டபோது ஒறுத்தாய் - தண்டித்தாய்; ஒறுத்தல் - அருட்குணம்; "ஒறுத்தா லொன்றும் போதுமே"(திருவா); மேல் 5-வது பாட்டும் பார்க்க; "தந்தைதாய்...அடித்துத் தீய பந்தமு மிடுவர்...இந்த நீர் முறைமை யன்றோ வீசனார் முனிவு மென்றும்" (சித்தி. 2-15); அறியாமல் - பிறர் அதன் கொடுமையினை அறியாதபடி;- (4) சுரும்பார்...அடியார் - அடியார்களிலக்கணம்; அடியாரோடும் - தொண்டரோடு கூடுதல் - அணைந்தோர் தன்மை; (போதம் - 12சூத்) சைவத்திறத்தின் ஞானநூல்க ளுட்கண்ட அரிய உண்மைகளுள் ஒன்று; விரும்பேனுன்னை யல்லால் - எதிர்மறை உறுதி குறித்தது;- (5) விலை ஆவணமுடையாய் - ஆவணங் காட்டி ஆட்கொண்டமை; "மோதுவிப்பா யுகப்பாய் முனிவாய்" (தேவா);- (6) வினைகளவைபோகக் காத்தாய் - என்க; பார்த்தாயுனக்கு என்பது பார்த்தானுக்கு - என நின்றது;- (7) பருத்தாள் வன் பகடு - யானை; பரு - பரிய; வன் வலிய; பகடு - ஈண்டு யானை என்றபொருளில் வந்தது; படம் - போர்வை;- (8) உடைத்தாய் - அழித்தாய்;- (9) மெய்யே நின்றெரியும் விளக்கு - சத்துச் சொரூபமாக நிலைபெற்று ஒளிவிடும் விளக்கு;- (10) சேர்இல் - சேர்தல் இல்லாத; சேர் - முதனிலைத் |