| 194 | திருத்தொண்டர் புராணம் [வம்பறா வரிவண்டுச் சருக்கம்] |
|
| | சென்று சென்று தொழுமின் றேவர் பிரானிடங்
கன்றி னோடு பிடிசூழ் தண்கழுக் குன்றமே. | | | | (1) | | | பல்லில் வெள்ளைத் தலையன் றான்பயி லும்மிடங்
கல்லில் வெள்ளை யருவித் தண்கழுக் குன்றினை
மல்லின் மல்கு திரடோ ளூரன் வனப்பினாற்
சொல்லல் சொல்லித் தொழுவா ரைத்தொழு மின்களே. | | | | (10) | | | திருச்சிற்றம்பலம் | | | பதிகக் குறிப்பு:- எங்கள் பிரானதிடம் திருக்கழுக்குன்றமே; "பாவம்வினைகடாம்பல நீங்க, வெளிறு தீரச் சென்று தொழுமின்" என்று கருணையினால் உலகத்தவரை வழிப்படுத்தியது; (ஆற்றுப்படை.) | | | பதிகப் பாட்டுக் குறிப்பு:- (1) கொன்று செய்த - கொடுமை - கொன்ற கொடுமையால் வந்த பாவம்; நின்ற பாவம் வினைகள் தாம்பல - வேறெவ்வாற்றாலும் வரும் ஏனைப் பாவமும் தீவினைப் பயனும்; கொலைப்பாவம் ஒன்றே ஏனை எல்லாப் பாவங்களும் கூடிய தொகுதிக்கும் சமமாகும் எனக், கொன்ற கொடுமை என்றும், பாவம் வினைகடாம்பல என்றும் பிரித்துக் காட்டியவாறு; சென்று சென்று அடுக்குப் பலமுறையும் சென்று என்றதாம். இயன்ற அளவிற் சென்று என்றலுமாம்; தொழுமின் - ஏனை உலக மக்களை நோக்கிக் கூறியது; ஆற்றுப்படுத்த வகை; மேல்வருவனவும் இவ்வாறே கண்டுகொள்க; கன்று - யானைக் கன்று; கன்று - பிடி குறிஞ்சிக் கரு;- (2) இறங்கி - ஆணவமுனைப் பெழுச்சியினின்றும் கீழிறங்கி - வணங்கி; நிறங்கள் செய்த மணிகள் - பலநிறமுடைய மணிகள்; இவை நித்திலமொழிந்த ஏனையவை; நித்திலம் - முத்து; பிரித்துக் கூறியது சிறப்பு நோக்கி; இவை மலையிற் படுவன; வெள்ளை யருவி - தெளிந்த நீருடன் வீழும் அருவி;- (3) நீள - மிகவும்; ஆளும் - உயிர்களை அடிமைப்படுத்தி ஆளும்; அல்கி - வலிகுன்றி;- (4) வெளிறு - அறியாமை. "அரியகற் றாசற்றார்...அரிதே வெளிறு" (குறள்); இங்கு அறியாமையைச் செய்யும் ஆணவமலங் குறித்தது; ஆகுபெயர்; முளிறு - ஒளி; கூர்மை என்றலுமாம்; பிளிறு - யானையின் முழக்கம்; களிற்றினோடு என்பது எதுகைநோக்கிக் களிறினோடு என வந்தது;- (5) புலைகள் - கொலை முதலாகிய குற்றங்கள்; குட்டியொடுமுசு - பாயும் - குரங்குகள் குட்டியோடு தாவிப் பாய்ந்து செல்லுமியல்பு குறித்தது; புறவு - முல்லைப்புறவு;- (6) மடம் - ஈண்டு ஏழைமை; ஏனையவற்றை உணராமை குறித்தது; "ஏழையடி யாரவர்கள்" (தேவா) உற - கொள்ள; மனத்தே யுற - மனத்தில் பொருந்தவைக்க; உறப்பயிலும் - என்று கூட்டுக; மேல்வரும் பாட்டும் பார்க்க; கடம் - காடு; அரவு - பாம்பு; அரவன் - பாம்பினைப் பூண்டவன்;- (7) உற - ஆடி - என்று கூட்டுக; உற - உறும்படி; பொருந்த; ஆடி - ஆடுபவர்; பெயர்; நவிலும் - விளங்கும்; ஊனம் - பிறவி பற்றிய அறியாமை; ஞானமூர்த்தி - ஊனத்தை ஒழிப்பவன் என்றது குறிப்பு; தேன் - வண்டு வகை; கானமஞ்ஞை - மஞ்ஞை - மயில்; குறிஞ்சிக் கரு; கானம் - முல்லையிற் கூடுதல் திணைமயக்கம்;- (8) அந்தமில்லா அடியார் - எல்லையில்லாத அடிமைத் திறம் பூண்ட அடியார்கள்; "அந்தமில் புகழா னன்புக் களவின்மை கண்டேன்" (593); மடமுடைய என்றும், ஊனமில்லா என்றும், அந்தமில்லா என்றும் அடியார் தன்மைகளைப் பற்றி எடுத்துப் பாராட்டியவாறும் காண்க; உற - வந்து - சேர என்று கூட்டி முடிக்க. "நாடி நாரண னான்முக னென்றிவர், தேடி யுந்திரிந் துங்காண வல்லரோ7...அம்பலத் |
|
|
|
|