|
| | என்க; ஏகம்பரைப் பாடுதலில் அத்துணை விருப்பமும் ஆர்வமும் கொண்டிருந் தனர் என்பதாம். "பாட இசையும்" - பாடப் பணித்து ஆட்கொண்ட திறம் காண்க (216). அமர்கின்றார் - அமர்கின்றாராகிய நம்பிகள்; வினைப்பெயர்; அமர்தல் - விரும்பி வீற்றிருத்தல். |
| | பாவை தழுவக் குழைகம்பர் ஆடல் மருவும் சேவடிகள் -கம்பர் - திருவேகம்பர்; ஏகம்பரின் கருணையின் எளிமை குறித்தது; ஆடல் - உலகை ஆளும் ஐந்தொழில் அருட்கூத்து; 1140 - 1141 பார்க்க. |
| | பரவி - அரிய இப்பதிகங்கள் கிடைத்தில! |
| | நீட மூதூர் - மிக நீண்டு செல்லும் பழமையுடைய கச்சிமாநகர். "தொல்லைக் கச்சிநகர்" (3343); தனது சூக்கும ரூபம் பிரளயங்களினும் அழியாதிருக்கும் நிலை; "பல வூழிக ணின்று நினைக்குமிடம் வினை தீருமிடம்" (10) என்ற பதிகம் பார்க்க; (நம்பி - அனேகதங் காவதம்) |
| | புறத்திறைவர் நிலவும் பதிகள் - இவை காஞ்சி நகருக்கு அப்பாற்பட்ட பல பதிகள்; முன் "பிறவும் தானங்கள்" (3346) என்றவை அவ்வெல்லைக்குட்பட்டவை; "திருந்து காதநான் குட்பட வகுத்து" (1162) என்று இதன் எல்லை வகுத்தது காண்க. |
| | பாடலிசையும் - புனற்புறத்தினிலவும் - என்பனவும் பாடங்கள். |
| | 193 |
| | திருக்கச்சி அனேகதங் காவதம் |
| | திருச்சிற்றம்பலம் | பண் - இந்தளம் |
| | தேனெய் புரிந்துழல் செஞ்சடை யெம்பெரு மான திடந்திகழைங்கணையக்
கோனை யெரித்தெரி யாடி யிடங்குல வான திடங்குறை யாமறையா
மானை யிடத்ததோர் கைய னிடம்மத மாறு படப்பொழி யும்மலைபோல்
யானை யுரித்த பிரான திடங்கலிக் கச்சி யனேகதங் காவதமே. | |
| | (1) |
| | வீடு பெறப்பல வூழிக ணின்று நினைக்கு மிடம்வினை தீருமிடம்
பீடு பெறப்பெரி யோர திடங்கலிக் கச்சி யனேகதங் காபனிடம்
பாடு மிடத்தடி யான்புக ழூர னுரைத்தவிம் மாலைகள் பத்தும்வல்லார்
கூடு மிடஞ்சிவ லோக னிடங்கலிக் கச்சி யனேகதங் காவதமே. | |
| | (10) |
| | திருச்சிற்றம்பலம் |
| | பதிகக் குறிப்பு:- அனேகதங் காவதம் இறைவர் தங்குமிடமாம். ஆசிரியர் (3346) காட்டி யருளியவாறு. தங்குமிடம் என்று பாட்டுத்தோறும் பலபடப் பாராட்டிய தன்மை கண்டுகொள்க; குறிப்பு: இப்பதிகம் மிக எளிய இனிய தாள வொத்துடன் சிறுவர் சிறுமியர் பாடி யாடி மகிழத்தக்க சிறந்த அமைப்புடன் விளங்குகின்றது. |
| | பதிகப் பாட்டுக் குறிப்பு:- (1) புரிந்து உழல் - எம்பெருமான் - என்று கூட்டுக; தேன் - நெய் - திருமஞ்சனப் பண்டங்கள்; இனம் பற்றி ஏனைய எல்லாங்கொள்க. புரிந்து - இடைவிடாது எண்ணி; உழல் - என்ற இலேசால் மிகவிருப்ப முடைய செயல் குறிக்கப்பட்டது; ஐங்கணை அக்கோன் - மன்மதன்; குலவான் - மேன்மையுடையவர்; மறையாம் மானை - மறைஒலி செய்யும் மான்; மறைகள் துதிக்கும் என்றலுமாம்; மானை...கையன் - மானேந்திய கையினை உடையவர்; ஆறுபட - ஆறுபோற் பெருக; மலைபோல் - மலையினைப்போற் பெரிய கலி - ஆரவாரம் |