|
| | கூடும் காலங்கள் - வழிபாட்டுக் குரிய பூசைக்காலங்கள். |
| | காலங்களிலணைந்து கும்பிட்டு - பூசைக்காலங்களில் எல்லாம் திருக்கோயிலில் அணைந்து வழிபட்டு. |
| | இனிது இருந்தார் - மன ஒருமைப்பாட்டினில் மகிழ்ந்து அமர்ந்தருளினர். |
| | பரவசமாய் - என்பதும் பாடம். |
| | 205 |
| | I. திருவொற்றியூர் |
| | திருச்சிற்றம்பலம் | பண் - குறிஞ்சி |
| | பாட்டும் பாடிப் பரவித் திரிவார், ஈட்டும் வினைக டீர்ப்பார் கோயில்,
காட்டுங் கலமுந் திமிலுங் கரைக்கே, ஓட்டுந் திரைவா யொற்றி யூரே. | |
| | (1) |
| | ஒற்றி யூரு மரவும் பிறையும், பற்றி யூரும் பவளச் சடையார்
ஒற்றி யூர்மே லூர னுரைத்த, கற்றுப் பாடக் கழியும் வினையே. | |
| | (10) |
| | திருச்சிற்றம்பலம் |
| | பதிகக் குறிப்பு :- வினைகள் தீர்ப்பார் கோயில் திருவொற்றியூரே. பாடிப் பரவித் திரிவார் ஈட்டும் வினைகள் தீர்ப்பார் (1); தன்னை முன்னம் நினைக்கத் தருவான் (4); வினையை வீட்ட (7) என்பன நம்பிகளது முன்னை நிலைச் சரிதக் குறிப்பும், அதனைத் தொடர்ந்து இனிஇங்கு நிகழவுள்ள நிகழ்ச்சிகளின் குறிப்பும் பட நிற்கின்றமை காண்க. |
| | பதிகப் பாட்டுக் குறிப்பு :- (1) பாட்டும் பாடிப் பரவித் திரிவார் - பாட்டும் - சொலவல கீதம் பாடுதலன்றிப் பாட்டும் பாடி; பரவி - பாட்டினாலும் உரையினாலும் துதித்து; திரிவார் - அதுவன்றி வேறு தொழில் செய்யாது அதுவே தொழிலாய்த் தலங்கள் தோறும் திரிபவர்; இது நம்பிகள் சரிதக் குறிப்புப்பட நிற்றல் காண்க; ஈட்டும் வினைகள் - முன் ஈட்டியவையும் இனி ஈட்டப்படுவனவும் ஆகிய வினைகள்; இதுவும் நம்பிகள் சரிதக் குறிப்புப்பட நிற்றல் கண்டுகொள்க; கயிலையில் பெற்ற இறைவராணையின் வழிவந்த இப்பிறவியின் எஞ்சிய பகுதி இங்கு அனுபவித்துத் தீரநின்றதும் காண்க. இக்கருத்தினை மேல் (3383-ல்) நம்பிகள் திருவாக்கில் வைத்து ஆசிரியர் விரித்தலும் காண்க. காட்டும் கலமும் திமிலும் கரைக்கே ஓட்டும் திரை - கலம் - மரக்கலம்; திமில் - சிறு படகு; திரை - இவற்றைச் கரையிற் செலுத்தும் அலைகள்; காட்டும் - உலக அண்டம்; கோள வடிவினதாதலால் கடல் வளைவுக்குள் நின்று மேலேறி வரவர முதலில் உச்சிமட்டும் தோன்றிப், பின்னர்ச் சிறிது சிறிதாக முழுமையும் தோன்றும் நிலைகுறித்தது. "விடுங்கலங்க ணெடுங்கடலி னின்று தோன்றும்" (ஒற்றி - தாண் 4); ஓட்டும் - செலுத்தும்; கரைக்கே திரை ஓட்டும் - பிறவிக்கடலுட்பட்டு அலையும் உயிர்களைக் கரைசேர்த்தும் குறிப்பு; திரையின்மேல் வைத்துக் கூறப்பட்டது. "மனமெனுந் தோணிபற்றி....கடலோடும்போது - உனையுனு முணர்வை நல்கா யொற்றியூருடைய கோவே" என்ற திருநேரிசை ஈண்டுக் கருதத்தக்கது;- (2) பந்தும்....பாவை சிந்தை கவர்வார் - அகப்பொருட்டுறை; தாய்கூற்று; பந்தும் கிளியும் பயிலுதல் - இளமங்கைப் பருவம் குறித்தது; "பூவை தந் தாள்பொன்னம் பந்து தந்தா ளென்னைப் புல்லிக் கொண்டு, பாவைதந் தாள்பைங் கிளியளித் தாளென்றன் பைந்தொடியே" (திருக்கோவை - 200); "கருந்தடங்கண் ணார்கழல்பந் தம்மானைப் பாட்டயரும்" (தேவா); "மாதராள், பொற்கூட்டிற் பூவையை வாங்கியதனோடுஞ், சொற்கோட்டிக் கொண்டிருந்த வேல்வைக்கண்-" (ஞானவுலா); பாவை - பாவைபோன்ற பெண்; பாவை சிந்தை கவர்வார் - எந்தம் |