|
| | உய்த்துணர்ந்து கொள்க. செய்ய - செய்யும் பொருட்டு; காரணப்பொருளில் வந்த வினையெச்சம். |
| | செய்யச் - சென்றிருந்து - என்று கூட்டுக. |
| | சேர்ந்திருந்து - என்பதும் பாடம். |
| | 222 |
| | 3377. (வி-ரை.) பண்டு...பான்மை - திருமலைச் சருக்கத்துட்கூறிய வரலாறுகள் பார்க்க. "யாளுடை நாயகி, கொங்கு சேர்குழற் காமலர் கொய்திட" (33) என்றது காண்க. |
| | பான்மை...உணர்வு - சங்கிலியார், திரு அருளாலே முன்னையுணர்வுடன் வந்துதித்து வளர்ந்தனர் என்பது முன் (3362) உரைக்கப்பட்டது; அவ்வுணர்வின் றொடர்ச்சியினாலே மனம் அதனை உட்கொண்டு விருப்பமீதூர்ந்தது; தலை நிற்றல் - சிறத்தல்; முன்னிற்றல். |
| | மலர்மென் கொடியனையார் - மலர்களே அவயவங்களாகப் பூத்த கொடி போன்றவர்; "திருவளர்தாமரை...தெய்வ, மருவளர் மாலையோர் வல்லியினொல்கி" (திருக்கோவை - 1) என்றது காண்க. |
| | வண்டு மருவும் - புதிதின் மலரும் பூக்களாதலின் வண்டுகள் சூழ்ந்திருந்தன என்பது; "வம்பலர் நறுந்தொடையல் வண்டொடு தொடுப்பார்" (1936); இவ்வாறு வண்டுகள் மொய்க்கப் பூமாலை தொடுத்தல் இன்றும் திருவாலவாயில் மீனாட்சியம்மையார் சந்நிதியில் திருப்பூமண்டபத்தில் நேரே காணத் தக்கது. |
| | மலர் மென்மாலை காலங்களுக்கேற்பச் சாத்த - வைகறை முதலிய பூசைக் காலங்களில் அவ்வக்காலத்துக் கேற்றபடி மலர்கள் சாத்தும் விதிபற்றிப் புட்பவிதி முதலியவற்றுட் காண்க. சிவாகமங்கள் படிக்க. "அமைத்துச் சாத்தும்காலை" (560); "ஆங்கப் பணிக ளானவற்றுக் கமைத்த காலங் களிலமைத்து" (1026) என்றவையும், ஆங்காங்கு உரைத்தவையுங் காண்க. |
| | அமைத்துச் - சாத்தி - வணங்கி - என்க. |
| | தலைசிறப்ப - என்பதும் பாடம். |
| | 223 |
| | 3378. (வி-ரை.) அந்தி வண்ணத் தொருவர் - சிவபெருமான்; அருளால் வந்த - அருளினாலே இவ் உலகில் திருநாவலூரில் வந்த - அவதரித்த - என்பது; திருவொற்றியூருக்கு வந்த என்ற குறிப்புமாம். |
| | காதல் மணம் - இயற்கை மணம்; தமிழ் அகப்பொருள் நூல்களுட் பேசப்படும் களவு - கற்பு என்பவற்றுள் களவியலிலுட் கொண்ட இயற்கைப் புணர்ச்சியின் பகுதி; இது மனிதர் முயற்சியின்றி விதிகூட்ட வருவது; முந்தை விதியால் என்பது காண்க. விதிமணம் தந்தை தாயர் சடங்குகளுடன் கொடுப்பக்கொள்வது. |
| | பருவம் - நிகழ வேண்டும் காலம். |
| | வகுத்த - இறைவனாணையால் வகுத்த; முந்தை விதியால் - திருமலைச் சிறப்பிற் கூறிய விதி. |
| | வகுத்த தன்மை வழுவாத - நியதி பிறழாத. |
| | 224 |
| 3379 | அண்டர் பெருமா னந்தணரா யாண்ட நம்பி யங்கணரைப்
பண்டை முறைமை யாற்பணிந்து பாடிப் பரவிப் புறம்போந்து
தொண்டு செய்வார் திருத்தொழில்கள் கண்டு தொழுது செல்கின்றார்
புண்ட ரீகத் தடநிகர்பூந் திருமண் டபத்தி னுட்புகுந்தார். | |
| | 225 |