|
| | ளும் வண்ணமு மாதி மாண்பும், கேட்பான் புகிலளவில்லை; கிளக்க வேண்டா" என்பது ஆணையாதலின். |
| | 237 |
| 3392 | தோற்றும் பொழுதிற் சங்கிலியார் தொழுது விழுந்து பரவசமாய்
ஆற்ற வன்பு பொங்கியெழுந் "தடியே னுய்ய வெழுந்தருளும்
பேற்றுக்கென்யான்செய்வ?" தெனப், பெரிய கருணைபொழிந்தனைய
நீற்றுக் கோல வேதியரு நேர்நின் றருளிச் செய்கின்றார், | |
| | 238 |
| 3393 | "சாருந் தவத்துச் சங்கிலிகேள்! சால வென்பா லன்புடையான்;
மேரு வரையின் மேம்பட்ட தவத்தான்; வெண்ணெய் நல்லூரில்
யாரு மறிய யானாள உரியா; னுன்னை யெனையிரந்தான்;
வார்கொண் முலையாய்! நீயவனை மணத்தா லணைவாய்மகிழ்ந்" தென்றார். | |
| | 239 |
| | 3392. (இ-ள்.) தோற்றும்...எழுந்து - அவ்வாறு இறைவர் தமது கனாவிலே தோன்றக் கண்டபொழுது சங்கிலியார் தொழுது நிலமுறவிழுந்து பரவசராகி மிகவும் அன்பு வெள்ளமாகப் பொங்கி நிகழ எழுந்து; அடியேன்....என - அடியேன் உய்யும் பொருட்டுத் தேவரீர் எழுந்தருளி வரப்பெற்ற பெரும் பேற்றுக்கு யான் என்ன கைம்மாறு செய்ய வல்லேன் என்று துதிக்க; பெரிய...அருளிச்செய்கின்றார் - பெரிய கருணையே மேலே பொழிந்தாற் போல விளங்கும் திருநீற்றுக் கோலத்தினை உடைய வேதியராகித் தோன்றிய இறைவரும் நேரே நின்று சொல்லியருள்கின்றாராகி; |
| | 238 |
| | 3398. (இ-ள்.) வெளிப்படை. "சார்கின்ற பெரிய தவத்தினையுடைய சங்கிலியே! கேட்பாயாக; என்னிடத்தில் மிகவும் அன்புடையவன்; மேருமலையினும் மேம்பட்ட தவத்தினை உடையவன்; திருவெண்ணெய் நல்லூரில் எல்லாரும் காண யான் ஆளாகக் கொள்ளும் உரிமைபெற்றவன்; உன்னை வேண்டி என்பால் இரந்தனன்; வாரணிந்த முலையுடையாய்! நீ அவனை மணஞ் செய்து மகிழ்ந்து அணைவாயாக" என்று அருளிச் செய்தனர். |
| | 239 |
| | இந்த இரண்டு பாட்டுக்களும் தொடர்ந்து ஒரு முடிபு கொண்டன. |
| | 3392. (வி-ரை.) தோற்றும்பொழுது....என - இந்நிகழ்ச்சிகளும் மேல் (3393 - 3396; 3405 - 3407;) வருவனவும் சங்கிலியார்பாற் கனாநிலையில் நிகழ்ந்தவை; மேல் "எய்தியபே ரதிசயத்தா லுணர்ந்து எழுந்து" (3407) என்பது காண்க. |
| | "அடியேனுய்ய எழுந்தருளும் பேற்றுக்கு என் யான் செய்வது?" என - இது சங்கிலியார் கனாவிற்கண்ட இறைவரை நோக்கிக் கூறியது; யான் என் செய்வது என்க. கைம்மாறு என்பது சொல்லெச்சம்; "எதிர் செய்குறை யென் கொல்?" (1338). |
| | கருணை பொழிந்தனைய நீற்றுக்கோல வேதியர் - இஃது இறைவர் காட்சிதந்த கோலம்; ஆளுடைய அரசுகளுக்குத் திருமறைக் காட்டிலும் (1541) திருக்கயிலையிலும் (1628), நம்பிகளுக்குத் திருவெண்ணெய் நல்லூரிலும், திருவாதவூரடிகளுக்குத் திருப்பெருந் துறையிலும் நனாவிற் காட்டிய திருக்கோலங்கள் இங்கு நினைவு கூர்தற் பாலன. இஃது அவருக்குக் கைவந்த பழங்கோலம் போலும், |