|
| | ஊன்பொருந்த வந்து வளரும் எல்லா உயிர்களிடத்தும் கொண்ட நீங்காத கருணையினாலே ஆயின தருமங்களை எல்லாம் வளர்த்து அருளுகின்ற காமாட்சி யம்மையாரது திருக்கோயிலின் முன்பு; வானில்...வன்றொண்டர் - ஆகாயத்தில் உயர்ந்த திருவாயிலின் முன் றொண்டராகிய நம்பிகள் வணங்கினார். |
| | (வி-ரை.) திருக்காமக் கோட்டம் - காமாட்சி அம்மையார் தவஞ் செய்து அறம் வளர்க்கும் வளைவுட்பட்ட இடம். "புண்ணி யத்திருக் காமக்கோட் டத்துப் பொலிய முப்பதோ டிரண்டறம் புரக்கும்" (1148). |
| | ஊனில்...அறம்புரக்கும் அம்மை - காமாட்சியம்மையார்; இவ்வரலாறு முன்னர்த் திருக்குறிப்புத் தொண்ட நாயனார் புராணத்துட் கூறப்பட்டது காண்க. |
| | ஊனில் வளர் உயிர்க்கெல்லாம் - சிருட்டியில் வந்த பலபல திறப்பட்ட பக்குவமுடைய உயிர்களுக்கெல்லாம் - அவ்வவற்றின் தன்மைக் கேற்ப. |
| | அம்மை திருக்கோயிலின் முன் - வாயில் - வணங்கினார் - எல்லாவுயிர்களுக்கும் ஒப்பக் கருணைபுரிந்து அறம் வளர்க்கின்றாராதலின் அவரது திருவருளை முதலில் நாடி வணங்கி நம்பிகள் பெற்றனர் என்க. ஆளுடைய பிள்ளையாரும் இங்கு வணங்கியமை முன் உரைக்கப்பட்டது (2897); வாயில் - கண்ணொளி யிழந்த நிலையாதலின் வாயிலினின்றவாறே வணங்கினர் என்க. |
| | ஊனில்வளர்...அறம்புரக்கும் அம்மை - எண்ணிறந்த உயிர்த்தொகுதியுள் சிருட்டிக்குள்ளாக எடுக்கப்படும் உயிர்களைப் புவனபோகங்களைத் தந்து வளர்த்தல் அம்மையின் கருணைத் தொழில், ஆயின் அப்பனது தொழில், காத்தலுடன் அழித்தலும் மீள ஆக்கலும் முதலிய ஐந்தொழில்களுமாம் என்று உலகம் முழுதும்அளித்தழித்தாக்கும் என மேற்பாட்டிற் கூறும் கருத்தினை உன்னுக; மேல் முதல்வர் என்ற கருத்தும் காண்க. ஆயின் அத்தொழில்களுள்ளும் அவ்வத் தொழிலுக் கேற்பச் சிவ சத்தியும் விளங்குவதாம் என்க. |
| | 284 |
| 3439 | தொழுதுவிழுந் தெழுந்தருளாற் றுதித்துப்போய்த் தொல்லுலகம்
முழுதுமளித் தழித்தாக்கு முதல்வர்திரு வேகம்பம்
பழுதிலடி யார்முன்பு புகப்புக்குப் பணிகின்றார்
"இழுதையேன் றிருமுன்பே யென்மொழிவே" னென்றிறைஞ்சி, | |
| | 285 |
| 3440 | "விண்ணாள்வா ரமுதுண்ண மிக்கபெரு விடமுண்ட
கண்ணாளா! கச்சியே கம்பனே! கடையானேன்
எண்ணாத பிழைபொறுத்திங் கியான்காண வெழிற்பவள
வண்ணா!கண் ணளித்தருளா!" யெனவீழ்ந்து வணங்கினார். | |
| | 286 |
| | 3439. (இ-ள்.) தொழுது...போய் - தொழுது நிலமுற விழுந்து - எழுந்து அருளினாலே துதிசெய்து மேற்சென்று; தொல்லுலகம்....புகப்புக்கு - பழமையாகிய உலகங்களை எல்லாம் காத்தும் அழித்தும் மீளப்படைத்தும் ஐந்தொழில் செய்யும் முதல்வருடைய திருவேகம்பத்தினுள்ளே குற்றமில்லாத அடியார்கள் முன்னேபுகத் தாம் அவர் பின்னே சென்று புகுந்து; பணிகின்றார் - வணங்குகின்றவராகி; இழுதையேன்....என்று இறைஞ்சி - பொய்யனாகிய நான் தேவரீரது திருமுன்பு நின்று என்ன சொல்வேன்! என்று வணங்கி, |
| | 285 |
| | 3440. (இ-ள்.) விண்ணாள்வார்...கண்ணாளா! - விண்ணுலகத்தை ஆளும் தேவர்கள் அமுதத்தை உண்ணும் பொருட்டுமிக்க பெரிய விடத்தினை உண்டருளிய |