|
| | திருஆமாத்தூர் |
| | திருச்சிற்றம்பலம் | பண் - கொல்லிக் கௌவாணம் |
| | காண்டனன் காண்டனன் காரிகை யாடன் கருத்தனாய்
ஆண்டன னாண்டன னாமாத் தூரெம் மடிகட்காட்
பூண்டனன் பூண்டனன் பொய்யன்று சொல்லுவன் கேண்மின்கள்
மீண்டனன் மீண்டனன் வேதவித் தல்லா தவர்கட்கே. | |
| | (1) |
| | ஓர்ந்தன னோர்ந்தன னுள்ளத்துள் ளேநின்ற வொண்பொருள்
சேர்ந்தனன் சேர்ந்தனன் சென்று திருவொற்றி யூர்புக்குச்
சார்ந்தனன் சார்ந்தனன் சங்கிலி மென்றோ டடமுலை
ஆர்ந்தன னார்ந்தன னாமாத் தூரைய னருளதே. | |
| | (4) |
| | தேடுவன் றேடுவன் செம்மலர்ப் பாதங்க ணாடொறும்
நாடுவ னாடுவ னாபிக்கு மேலேயோர் நால்விரல்
மாடுவன் மாடுவன் வன்கை பிடித்து மகிழ்ந்துளே
ஆடுவ னாடுவ னாமாத் தூரெம் மடிகட்கே. | |
| | (9) |
| | ஐயனை யத்தனை யாளுடை யாமாத்தூ ரண்ணலை
மெய்யனை மெய்யர்க்கு மெய்ப்பொரு ளான விமலனை
மையனை மையணி கண்டனை வன்றொண்ட னூரன்சொற்
பொய்யொன்று மின்றிப் புலம்புவார் பொற்கழல் சேர்வரே. | |
| | (11) |
| | திருச்சிற்றம்பலம் |
| | பதிகக் குறிப்பு : - சிவயோக நிலையிற் பிரியாது இறைவருடன் கூடி நின்ற நிலை குறித்தது; திருவொற்றியூர்ச் சரித நிகழ்ச்சியுள்ளும் திருவருளே நிகழக் கண்டு நின்ற நிலையும் குறிப்பு. இப்பதிகம் மிக அருமையான சிவயோகம் பற்றிய பெரும் பொருள்களை உடையது. நம்பிகளது நிலையினை நன்கு விளக்குவது. |
| | பதிகப் பாட்டுக் குறிப்பு : -(1) காண்டனன் - கண்டான்; காண்டல் - செய்தல்; படைத்தல் என்றலுமாம். "முனைவன்கண்டது" காரிகை - அம்மை; கருத்தன் - தலைவன்; ஆண்டனனாதலாற் ஆட்பூண்டனன் என்க; மீண்டனன் - விலகினேன்; வேதவித்து - வேத வொழுக்க முடையோர்; வித்து - அறிஞர். -(2) கூடுவன் - சிவயோக நிலை; குறிப்பு - மனத்தினுள் தியான உறைப்புப் பற்றிய குறிக்கோள். "குறிப்பினாலே கூப்பினான் றாபரத்தை" (தேவா) "குறித்த பூசை" (1241); -(3) ஆய்ந்தவன் - என்னால் உள்ளே ஆராய்ந்த இடத்துத் தெளியப்பட்டவன்; செயப்பாட்டுவினை; - (4) ஓர்ந்தனன்...ஒண்பொருள் - சிவராஜயோகம்; சேர்ந்தனன்...அருளதே - நம்பிகளது சரித நிகழ்ச்சியும், அதனை அருள் நிகழ்ச்சியாகவே கண்ட நிலையும் குறிப்பு; அது அருளே என்க; ஏகாரம் பிரிநிலை; ஏகாரம் பிரித்துக் கூட்டுக; ஆர்தல் - நிறைவு பெற வினைப்போகம் நுகர்தல்; -(5) நீதி...செய்யருள் - நீதி நிறைந்த அன்றே அருள் செய்யும் என்றபடி; நீதி - நியதி; இறைவர் விதித்த ஒழுக்க நிலை; அன்றவன் - அன்றே - அநாதியே - உள்ளவன். -(6) ஆமாத்தூரையும்...பூண்டவன் - ஆமாத்தூரை விரும்பி வீற்றிருத்தல் போலவே என்னெஞ்சும் இடமாகக் கொண்டு என்னை ஆளாக ஏற்றவர்; "கண்ணி னாற்கழல் காண்பிட மேதெனிற், புண்ணி யன்புக லூருமென் னெஞ்சுமே"(அரசு); புரளவே - பூண்டவன் - என்க; தேடல் - |