|
| | வன; (11) நித்தமாக - மறவாது; இடையறாது; சிங்கடியப்பன் - நம்பிகளின் சரிதக் குறிப்பு. சொன்ன - சொன்னவற்றை. |
| 3461 | வீழ்ந்தெழுந்து கைதொழுது முன்னின்று விம்மியே
வாழ்ந்தமலர்க் கண்ணொன்றா லாராமன் மனவழிவார்
"ஆழ்ந்ததுயர்க் கடலிடைநின் றடியேனை யெடுத்தருளித்
தாழ்ந்தகருத் தினைநிரப்பிக் கண்டார்" ரெனத்தாழ்ந்தார். | |
| | 307 |
| | (இ-ள்) வீழ்ந்தெழுந்து...விம்மியே - முன் கூறியவாறு வீழ்ந்தபின் (நம்பிகள்) எழுந்து கை கூப்பித் தொழுது திருமுன்பு நின்று விம்மி விம்மி; வாழ்ந்த...மனமழிவார் - வாழ்வு பெற்ற மலர் போன்ற கண் ஒன்றினாற் கண்டு நிறைவு பெறாமல் மனமழிவாராகி; ஆழ்ந்த...தாழ்ந்தார் - மிக ஆழமாகிய துன்பக் கடலினின்றும் அடியேனை மேலே எழுந்தருள் செய்து விரும்பிய கருத்தை நிறைவாக்குவித்துக் கண்கொடுத்தருளுவீர் எனத் தாழ்ந்து வணங்கினர். |
| | (வி-ரை) வீழ்ந்து - முன் பாட்டிற் கூறியவாறு நிலமிசை விழுந்ததன் பின்னர். |
| | வாழ்ந்த மலர்க் கண் ஒன்றால் - திருவொற்றியூரில் இழந்த கண்களிரண்டனுள் முலைச்சுவட்டுக் கோலமுடைய திருவேகம்பரை "காணக் கண்ணடியேன் பெற்றவாறே" என்றபடி இறைவரது திருக்கோலம் காணும் வாழ்வு பெறும் பொருட்டே அவ்வொரு கண் பெற்றமையால் அதனை வாழ்ந்த மலர்க்கண் என்றார். |
| | கண் ஒன்று - இடது கண்; கண் ஒன்றால் - ஒரு கண்ணாற் கண்ட காட்சி. |
| | ஆராமல் - ஆர்த்திபெறாமல்; ஆர்தல் - நிறைவு - அமைதி; மனமழிதல் - மனம் உருகி நைதல். |
| | ஆழ்ந்த...எடுத்தருளி - ஆழ்ந்த - நிலைகாணாதவாறு மிக ஆழமுடைய; நான் அழுந்திய என்றலுமாம்; கடல் - உருவகம்; கடல் என்றதற் கேற்ப எடுத்து என்றார். "என்னையிப் பவத்திற் சேரா வகையெடுத்து"(சித்தி) என்றாற்போல. |
| | தாழ்ந்த கருத்தினை நிரப்பி - தாழ்தல் - விரும்புதல்; சபதம் பிழைத்த பெரும் பிழையினையும் பொறுத்தருள வேண்டுதலின் தாழ்வாகிய என்ற குறிப்புமாம்; இப்பொருளில் தாழ்ந்த (தாழ்வாகிய) கருத்தாயினும் அதனை என்று இழிவு சிறப்பும்மை விரிக்க. கருத்தாவது யாது? எனில் கண்தாரும் என்ற இதுவேயாம் என்றபடி. |
| | தாழ்ந்தார் - தாழ்ந்து வணங்கினார். |
| | 307 |
| 3462 | திருநாவ லூர்மன்னர் திருவாரூர் வீற்றிருந்த
பெருமானைத் திருமூலட் டானஞ்சேர் பிஞ்ஞகனைப்
பருகாவின் னமுதத்தைக் கண்களாற் பருகுதற்கு
மருவார்வத் துடன்"மற்றைக் கண்டாரீ" ரெனவணங்கி, | |
| | 308 |
| | வேறு |
| 3463 | "மீளா வடிமை" யென்றெடுத்து மிக்க தேவர் குலமெல்லாம்
மாளா மேநஞ் சுண்டருளி மன்னி யிருந்த பெருமானைத்
"தாளா தரிக்கு மெய்யடியார் தமக்கா மிடர்நீர் தாயீ"ரென்
றாளாந் திருத்தோ ழமைத்திறத்தா லஞ்சொற் பதிகம் பாடினார். | |
| | 309 |