|
| | இன்னம் - மேலும் ஒருமுறை; குறுகுமா - குறுகும்படி; ஆறு என்பது ஈறுதொக்கு ஆ என நின்றது. |
| | வெம்புறு துயர் - உள் வெதும்புதலினால் உளதாகும் துன்பம். |
| | வினை எலாம் விளைக்க வல்லார் - முன்னர் "வெம்புறு வேட்கை காணும் திருவிளையாட்டின் மேவி" (3500) என்றதனுள் விளையாட்டாவது அவ்வவரும் தத்தம் வினைப்பயன்களை அவ்வவரே துய்க்கும்படி செய்து பார்த்திருத்தல்; அரனது விளையாட்டாவது வினையை விளைவித்தலே - அனுபவிக்கச் செய்து பார்த்திருத்தலே - யாம் என்பது. "வல்லார்கள் வல்ல வகையாற் றொழில்புரித, லெல்லா முடனே யொருங்கிசைந்து - செல்காலை; முட்டாமற் செய்வினைக்கு முற்செய்வினைக்குஞ் செலவு, பட்டோலை தீட்டும் படிபோற்றி....அல்ல லுறுத்து மருஈரகங் கண்டுநிற்க, வல்ல கருணை மறம்போற்றி - பல்லுயிர்க்கும்; இன்ன வகையாலிருவினைக ணின்றருத்தி, முன்னைமுத லென்ன முதலில்லோ-னல்வினைக்கண்; எல்லா வுலகு மெடுப்புண் டெடுப்புண்டு, செல்காலம் பின்னரகஞ் சோரமே, - நல்லநெறி, யெய்துவதோர் காலந்தன் னன்பரைக்கண் டின்புறுதல், உய்வுநெறி சிறிதே யுண்டாக்கி...." (போற்றிப்பஃறொடை) என்றற் றொடக்கத்த திருவாக்குக்கள் காண்க. இறைவர் வினையெலாம் விளைக்கும் தன்மைபற்றி மேலும் மெய்கண்ட ஞானநூல்களுட் கண்டுகொள்க. |
| | வினை வல்லார் - முன்முறை செயல் முற்றுப்பெறாமையின் காரணக் குறிப்பு. |
| | கூடுமா கூறுகின்றோம் - என்பதும் பாடம். |
| | 356 |
| 3511 | மயங்கிய நண்ப ருய்ய வாக்கெனு மதுர வாய்மை
நயங்கிள ரமுத நல்க நாவலூர் மன்னர் தாமும்
"உயங்கிய கலக்க நீக்கி யும்மடித் தொழும்ப னேனைப்
பயங்கெடுத் திவ்வா றன்றோ பணிகொள்வ"தென்றுபோற்ற, | |
| | 357 |
| 3512 | அன்பர்மேற் கருணை கூர வாண்டவர் மீண்டுஞ் செல்லப்
பின்புசென் றிறைஞ்சி நம்பி பேதுற லோடு மீண்டார்;
முன்புடன் போதா தாரு முறைமையிற் சேவித் தேகப்
பொன்புரி சடையார் மாதர் புனிதமா ளிகையிற் சென்றார். | |
| | 358 |
| | 3511. (இ-ள்) மயங்கிய...நல்க - தெளிவுறாது மயக்கமுற்ற நண்பராகிய நம்பிகள் உய்யும் பொருட்டுத் தமது திருவாக்காகிய இனிமையும் உண்மையும் இன்பமும் பொருந்திய அமுதத்தினை இவ்வாறு அருளியிட; நாவலூர் மன்னர் தாமும் - திருநாவலூரர் பெருமானாகிய நம்பிகளும்; உயங்கிய....என்ற போற்ற - வருத்தம் விளைத்த கலக்கத்தினை நீக்கி உமது திருவடித் தொண்டனாகிய என்னை அச்சம் கெடுத்து இப்படி யன்றோ தொண்டு கொள்வது! என்று துதிக்க, |
| | 357 |
| | 3512 (இ-ள்) அன்பர்....செல்ல - அன்பர்பாற் கருணை பெருக இறைவனார் இவ்வாறு மீளவும் செல்வாராக; பின்பு சென்று....மீண்டார் - அவர் பின்னே சிறிது தூரம் சென்று வணங்கி நம்பிகள் மயக்கத்தோடு மீண்டனர்; முன்பு....ஏக - முன் முறையிலே உடன் செல்லாதவர்களும் முறைமைப்படி சேவித்துப் பின்செல்ல; பொன்புரி....சென்றார் - பொன்போன்று ஒளிவிளங்குகின்ற புரித்த சடையினையுடைய இறைவரும் பரவையாரது தூய திருமாளிகையிற் சென்றருளினர். |
| | 358 |
| | இந்த இரண்டு பாட்டுக்களும் தொடர்ந்து ஒரு முடிபு கொண்டன. |