|
| | |
| | மைந்தன் - ஈகையின் வல்லமை; புள்எலாம் சென்று சேரும் - பறவைகள் எல்லாம் தத்தம் இருக்கைகளுக்குச் சென்று சேரும் இடமாகிய; புட்கள் பிறரால் வரும் அபாயமின்றி வாழும் நல்லிருக்கை என்பது; உயிர்கள் மலவர்தனை தாக்காது அபயம் புக்கு நல்வாழ்வு பெற இறைவரது இடம் சாரும் என்பது குறிப்பு. புகலூர் என்ற பெயர்ப் பொருளும் குறிப்பு; அள்ளல் - சேறு. இங்கு உலக வாழ்வின் துன்பங்கள் என்ற பொருளில் நின்றது; -(9) முற்று - நற்குணங்களின் தொகுதி; பொத்தில் ஆந்தைகள் பாட்டறா - நெய்தற் கரு: புகலூர் நெய்தற்றிணைச் சார்புடைமை காண்க. திருப்புனவாயிற் பதிகமும் பார்க்க;-(10) வேலன் - குமரன் போன்ற இளையோன்; அழகன்; "முருகனோ - மாரனோ - விஞ்சையனோ" (290 பார்க்க). பொய்கை வாவி - திருக்கோயிலினைச் சூழ்ந்துள்ள பூம்பொய்கை; மேதிபாய்தல் - வாவியிலுள்ள நீர்ப் பூக்களை மேய்வதன் பொருட்டு: (1273 - 1423 பார்க்க); ஐயன் - பெருமையுடையவன்;-(11) செறு - வயல்கள்; நாவலூரன்...ஊரன் - நம்பிகள் இங்குத் தம்மை ஊராலும் வரலாற்றானும் பருவத்தானும் பெயரானும் அறிவித்துப் பொறித்து வைத்துக் குறித்தமை பேரன்பின் எழுந்த மகிழ்ச்சிக் குறிப்பு. (3205). |
| | தலவிசேடம் :- திருப்புகலூர் (16) முருக நாயனார் புராணத்திறுதியி லுரைக்கப்பட்டது. |
| 3206 | பதிகம் பாடித் திருக்கடைக்காப் பணிந்து பரவிப் புறம்போந்தே
எதிரி லின்ப மிம்மையே தருவா ரருள்பெற் றெழுந்தருளி
நிதியின் குவையு முடன்கொண்டு நிறையு நதியுங் குறைமதியும்
பொதியுஞ் சடையார் திருப்பனையூர் புகுவார் புரிநூன்மணிமார்பர், | |
| | 52 |
3207 | செய்யசடையார் திருப்பனையூர்ப் புறத்துத்திருக்கூத்தொடுங்காட்சி
எய்த வருள வெதிர்சென்றங் கெழுந்த விருப்பால் விழுந்திறைஞ்சி
ஐயர் தம்மை "யரங்காட வல்லா ரவரே யழகிய"ரென்
றுய்ய வுலகு பெறும்பதிகம் பாடி யருள்பெற் றுடன் போந்தார். | | | | 53 |
| | 3206. (இ-ள்) பதிகம்....போந்தே - திருப்பதிகத்தினைப் பாடித் திருக்கடைக் காப்பும் சாத்தித் துதித்துப் புறத்திற்போந்து; எதிரில்...எழுந்தருளி - ஒப்பில்லாத இன்பத்தினை இம்மையிலேயே தருவாராகிய திருப்புகலூர் இறைவரது அருள்விடை பெற்று எழுந்தருளிச் சென்று; நிதியின் குவையும் உடன்கொண்டு - திருப்புகலூரிற் பெற்ற செம்பொற் கட்டிகளையும் உடனே கொண்டு; நிறையு நதியும்...மணிமார்பர் - நிறையும் நீரினை யுடைய கங்கையினையும் கலைகுறைந்து வந்தடைந்த மதியினையும் சேர உட்பொதிந்து வைத்த சடையினையுடைய சிவபெருமானது திருப்பனையூரினுட் புகுவாராகிய முப்புரி நூலினையும் மணி வடங்களையுமணிந்த மார்பினையுடைய நம்பிகள், |
| | 52 |
| | 3207. (இ-ள்) செய்ய சடையார்....அருள - செம்மையாகிய சடையாராகிய சிவபெருமான் திருப்பனையூரின் புறத்திலே திருவருட் கூத்தினோடும் எதிர்காட்சி பொருந்தக் காட்டியருள; அங்கு...இறைஞ்சி - அவ்விடத்தே (ஊர்ப்புறத்திலே) எதிர் சென்று மேலோங்கிய விருப்பத்தினாலே நிலமுற விழுந்து வணங்கி; ஐயர்தம்மை - இறைவரை; அரங்காட...பாடி - "அரங்கில் ஆடுமாறு வல்லார் அவரே அழகியரே" என்ற கருத்துடையதாய் உலகம் செய்யப் பெறும் வாழ்வு |