|
| | |
| | (இ-ள்) பலநாள்...போய் - பல நாட்கள் அவ்வாறு திருவாரூரில் விரும்பி எழுந்தருளி யிருந்த நம்பிகள் இறைவரது திருவருளாலே அங்கு நின்றும் சென்று; சிலை.....மகிழ்ந்து - பெரிய மேருமலையினை வில்லாகவுடைய வீரனாராகிய இறைவர் எழுந்தருளியுள்ள திருநன்னிலத்துப் பெருங் கோயிலினைச் சென்று சேர்ந்து வலம் வந்து திருக்கோயிலில் சென்று வணங்கி மகிழ்ச்சி பொருந்தி; தலமார்கின்ற.....தமிழ்மாலை - இந்நிலவுலகின் நிலவி விளங்குகின்ற "தண்ணியல் வெம்மையினான்" என்று தொடங்கும் தமிழ்மாலையினை; பாடினார் - பாடியருளினார். |
| (வி-ரை) அமர்வார் - முன் சொன்னவாறு திருவாரூரிலே தங்கியபடியே அணிமையில் உள்ள கோயில்களுக்குச் சென்று சென்று மீண்டு எழுந்தருளியிருப்பாராகிய நம்பிகள்; அமர்வார் - வினைப்பெயர். | | | திருவருளால் - திருவருட் குறிப்பாகிய விடை பெற்று மேல் வரலாற்றின் விளைவுகள் நிகழ வேண்டிய காரணம் பற்றிய திரு அருளினாலே. |
| | சிலை - வில்; சிலையாக மேருவினைப் பிடித்த வீரனார். |
| | தலம் ஆர்கின்ற - தலம் - இந்நிலவுலகம்; ஆர்தல் - புகழ் நிறைந்து விளங்குதல். |
| | தண்ணியல் வெம்மையினான் - தட்பமுடைய வெம்மை; முரண் அணி; "அங்கங் குளிர்ந்தன லாடு மெங்க ளப்பன்"(அம்மை. மூத்த. பதிகம்); தண்ணியல்பாவது கருணை; வெம்மை - சங்காரம்; சங்காரமும் அருளேயாம் என்பது. |
| | திருநன்னிலம் - இது மாடக்கோயில் என்னும் பெருங்கோயில்களுள் ஒன்று. |
| | 56 |
| | திருநன்னிலத்துப் பெருங்கோயில் |
| | திருச்சிற்றம்பலம் | பண் - பஞ்சமம் |
| | தண்ணியல் வெம்மையினான் றலை யிற்கடை தோறும்பலி
பண்ணியன் மென்மொழியா ரிடங் கொண்டுழல் பண்டரங்கன்
புண்ணிய நான்மறையோர் முறை யாலடி போற்றிசைப்ப
நண்ணிய நன்னிலத்துப் பெருங் கோயி னயந்தவனே. | |
| | (1) |
| | கோடுயர் வெள்ளெயிற்றுத் திகழ் கோச்செங்க ணான்செய்கோயில்
நாடிய நன்னிலத்துப் பெருங் கோயி னயந்தவனைச்
சேடியல் சிங்கிதந்தை சடை யன்றிரு வாரூரன்
பாடிய பத்தும்வல்லார் புகுவார்பர லோகத்துளே. | |
| | (11) |
| | திருச்சிற்றம்பலம் |
| | பதிகக் குறிப்பு: - சிவபெருமான், கோச்செங்கணான் செய்கோயிலாகிய நன்னிலத்துப் பெருங்கோயில் நயந்தவர். |
| | பதிகப் பாட்டுக் குறிப்பு:- (1) தண்ணியல் வெம்மையினான் - இறைவர் ஏந்தியாடும் தீ உயிர்களுக்குப் பிறவி வெப்பம் தீரத் தண்மை செய்து குளிர்விக்கும் தன்மை பொருந்தியது; பலி - இட - என்க; பண்டரங்கன் - பண்டரங்கம் என்னும் கூத்துடையவன்; பெருங்கோயில் மாடக்கோயில்; கோசசெங்கட் சோழ நாயனார் சிவனுக்கு அமைத்த மாடக் கோயில் எழுபதினுள் ஒன்று. 10-வது பாட்டுப் பார்க்க; நயந்தவன் - விரும்பி வீற்றிருப்பவன்; முறையால் - ஆகம நூல் விதித்த முறைப்படி;-(2) மாதவம் செய் மலை மங்கை - உமையம்மை தவஞ் செய்த வரலாறு கந்த புராணத்துட் காண்க; தவஞ் செய்து மணஞ் செய்து கொண்டமையால் ஒரு பங்கினன் என்றார்; உளங்கிளர் கங்கை - "சலமுகத்தால்" (திருவா); பொழில் - |