|
| | |
| | மதிதடவ - பொழிலின் உயர்ச்சி குறித்தது;-(3) கச்சியன் - காஞ்சிபுரத்தில் மேவியவர். கருப்பூர் - வைப்புத் தலங்களுள் ஒன்று; நொச்சி - புனல் - பூசைக்கின்றியமையாதவை; "புண்ணியஞ் செய்வார்க்குப் பூவுண்டு நீருண்டு" (திருமந்); "குடங்கைநீரும் பச்சிலையும்" (திருவிளையாடல்);-(5) பிலம் தரு - தரு - உவமவுருபு;-(6) பெண் - கங்கை;-(7) தொடைமலி - மலி - உவமவுருபு;-(8) குராவோடு - "குராமலரோ டராமதியம்"(தாண்); நளிர்தரு - குளிர்ச்சி செய்கின்ற;-(9) தமர் - சிவன் சுற்றம் அடியார்;-(10) செம்பியர்கோன் - நரபதி - கோச்செங்கட் சோழ அரசர்;-(11) கோடு - கொம்பு. சிங்கி - சிங்கடி; சடையன் திருவாரூரன் - தந்தை பெயர் கூட்டித் தம் பெயர் கூறும் நவீனர் வழக்குக் காண்க. |
| தலவிசேடம் : - திருநன்னிலத்துப் பெருங்கோயில் காவிரித் தென்கரை 71-பதி. மாடக்கோயில்களுள் ஒன்று; மதுவனம் என வழங்கப்படுவது; சான்றாகத் தேன்கூடு ஒன்று விளக்குச் சுடருருவாகத் திருக்கோயிலினுள் இன்றும் இருக்கின்றது; பூசிக்கப்பட்டு வருகின்றது; (குறிப்பு) இக்கோயில் மிகவும் பழுதுபட்டுக் கதவுகள் தாழ் இல்லாமல் கவனிப்பாரின்றிக் கிடக்கின்றது. இதனைச் செப்பனிட்டுத் திருப்பணி செய்தல் சிறந்த சிவபுண்ணியம்; அவ்வாறு செய்வது இறைவன் பணியாதலோடு கோச்செங்கட்சோழ நாயனாருக்குப் பணியும், ஆளுடைய நம்பிகளுக்குப் பணியுமாம். சுவாமிகோயில் கட்டுமலைமே லுள்ளது. சுவாமி - பிரகேசுரர் - மதுவநேசுவரர்; அம்மை - பிரகேசுவரி - மதுவத நாயகி; தீர்த்தம் - பிரம தீர்த்தம்; கோயிலுக்கு வடக்கில் உள்ளது. பதிகம் 1. அம்மை கோயிலும் அகத்தியர் கோயிலும் கீழே உள்ளன. | | | இது நன்னிலம் (செந்நாவூர்) நிலயத்தினின்றும் மேற்கே கற்சாலை வழி1 1/2 நாழிகையளவில் உள்ள திருச்சுரத்தை யடைந்து அதனின்றும் பின்னும் மேற்கே 1 1/2 நாழிகை அளவில் அடையத் தக்கது. (இதனின்றும் தென்மேற்கே மாப்பிள்ளைக்குப்பம் மட் சாலை வழி 3 நாழிகையளவில் திருவாஞ்சியம் உள்ளது.) இப்பதிக்கு மோட்டார் வண்டி வசதி உண்டு. |
| 3211 | பாடி யங்கு வைகியபின் பரமர் வீழி மிழலையினில்
நீடு மறையான் மேம்பட்ட வந்த ணாளர் நிறைந்தீண்டி
நாடு மகிழ வவ்வளவு நடைக்கா வணம்பா வாடையுடன்
மாடு கதலி பூகநிரை மல்க மணித்தோ ரணநிரைத்து, | |
| | 57 |
| 3212 | வந்து நம்பி தம்மையெதிர் கொண்டு புக்கார்; மற்றவருஞ்
சிந்தை மலர்ந்து திருவீழி மிழலை யிறைஞ்சிச் சேண்விசும்பின்
முந்தை யிழிந்த மொய்யொளிசேர் கோயி றன்னை முன்வணங்கிப்
பந்த மறுக்குந் தம்பெருமான் பாதம் பரவிப் பணிகின்றார், | |
| | 58 |
| 3213 | படங்கொ ளரவிற் றுயில்வோனும் பதுமத் தோனும் பரவரிய
விடங்கன் விண்ணோர் பெருமானை விரவும் புளக முடன்பரவி
"அடங்கல் வீழி கொண்டிருந்தீ ரடியே னுக்கு மருளு"மெனத்
தடங்கொள் செஞ்சொற் றமிழ்மாலை சாத்தி யங்குச் சாருநாள். | |
| | 59 |
| 3214 | "வாசி யறிந்து காசளிக்க" வல்ல மிழலை வாணர்பாற்
றேசு மிக்க திருவருள்முன் பெற்றுத் திருவாஞ் சியத்தடிகள் | |
| | 60 |