|
| | |
| | யேற்ற கருத்தை வினவிக் கசிந்து வழிபடும் அடியவர்க்கு மெய்ப் பொருளாகிய வீடுபேற்றை அருளுபவர். "பரந்துல கேழும் படைத்த பிரானை, இரந்துணியென்பர்களெற்றுக் கிரக்கும்?, நிரந்தர மாகநினையு மடியார், இரந்துண்டு தன்னடியெட்டச் செய்தானே" (திருமந்). மெய்ப்பொருள் - "ஊனத் திரளை நீக்கு மதுவும் உண்மைப் பொருள் போலும்" (பிள். தேவா. அண்ணாமலை) மெய்ப்பொருள் - வீடுபேறு; -(10) வண்டு நாதகீதம் - ஓது - பொழில் என்க; |
| | தலவிசேடம் : -திருவீழிமிழலை, III பக்கம் 439. |
| 3215 | செழுநீர் நறையூர் நிலவுதிருச் சித்தீச் சரமும் பணிந்தேத்தி
விழுநீர் மையினிற் பெருந்தொண்டர் விருப்பினோடுமெதிர்கொள்ள
மழுவோ டிளமான் கரதலத்தி லுடையார் திருப்புத் தூர்வணங்கித்
தொழுநீர் மையினிற் றுதித்தேத்தித் தொண்டர் சூழ வுறையுநாள், | |
| | 61 |
| 3216 | புனித னார்முன் புகழ்த்துணையார்க் கருளுந் திறமும் போற்றிசைத்து
முனிவர் போற்ற வெழுந்தருளி மூரி வெள்ளக் கங்கையினிற்
பனிவெண் டிங்க ளணிசடையார் பதிகள் பலவும் பணிந்துபோந்
தினிய நினைவி லெய்தினா ரிறைவர் திருவா வடுதுறையில். | |
| | 62 |
| | 3215. (இ-ள்) செழுநீர்....ஏத்தி - செழுமையாகிய நீர்ச் சிறப்பினையுடைய நறையூரில் நிலைபெற்ற திருச்சித்தீச்சரத்தினையும் பணிந்து துதித்து; விழுநீர்மையினில்....வணங்கி - நிலமுற விழுந்து வணங்கித் தாமும் தன்மையினையுடைய பெருமை வாய்ந்த திருத்தொண்டர்கள் விருப்பத்தோடும் எதிர்கொள்ளச்சென்று, மழுவினோடும் இளமான் கன்றைத் திருக்கரத்தில் ஏந்திய சிவபெருமானது திருப்புத்தூரினை வணங்கி; தொழு நீர்மையில்...உறையும் நாள் - தொழுது வழிபடும் விதிமுறைப்படி வணங்கித் துதித்துப் பரவி அங்குத் தொண்டர்கள் சூழ எழுந்தருளிய நாட்களில், |
| | 61 |
| | 3216. (இ-ள்) புனிதனார்...போற்றிசைத்து - இறைவர் முன்னாளில் புகழ்த்துணை நாயனாருக்கு இப்பதியில் படிக்காசு அருள் செய்த அருட்டிறத்தினைப் போற்றிப்பாடி; முனிவர் போற்ற எழுந்தருளி - முனிவர்கள் போற்ற எழுந்தருளிச் சென்று; மூரி...போந்து - பெரிய வெள்ளமாகப் பெருகும்கங்கையில் குளிர்ந்த சந்திரனை அணியும் சடையினையுடைய இறைவர் எழுந்தருளிய பதிகள் பலவற்றையும் பணிந்து சென்று; இனிய...திருவாவடுதுறையினில் - மகிழ்ச்சி பொருந்திய திருவுள்ளத்தினுடனே இறைவரது திருவாவடுதுறையில் வந்து சேர்ந்தருளினர். |
| | 62 |
| | இந்த இரண்டு பாட்டுக்களும் தொடர்ந்து ஒரு முடிபு கொண்டன. |
| | 3215. (வி-ரை) செழுநீர் - காவிரிக் கரையாதலாலும் காவிரி நீர் பாய்தலாலும் நீர் வளம் பற்றிக் கூறினார். "வாரும் மருவி மணிபொன் கொழித்துச் சேரும்" என்றது முதலாக வருவன பதிகக் குறிப்புக்கள். "செழுநீர்நறையூர்" (5). |
| | நறையூர் - ஊர்ப்பெயர்; சித்தீச்சரம் - கோயிலின் பெயர்; நறையூரில் உள்ள கோயில் என்பது. |
| | சித்தீச்சரமும் - உம்மை முன் அணைந்தார் என்ற அரிசிற்கரைப்புத்தூரை அணையச் சார்ந்தவர் வழியில் இதனையும் என இறந்தது தழுவிய எச்சவும்மை. |