தாளாளர் திருச்சங்க மங்கையினிற் றகவுடைய வேளாளர் குலத்துதித்தார் மிக்கபொரு டெரிந்துணர்ந்து கேளாகிப் பல்லுயிர்க்கு மருளுடைய ராய்க்கெழுமி "நீளாது பிறந்திறக்கு நிலையொழிவே" னெனநிற்பார்,

அந்நாளி லெயிற்காஞ்சி யணிநகரஞ் சென்றடைந்து நன்ஞான மடைவதற்குப் பலவழியு நாடுவார் முன்னாகச் சாக்கியர்தா மொழியறத்தின் வழிச்சார்ந்து மன்னாத பிறப்பறுக்குந் தத்துவத்தின் வழியுணர்வார்,

அந்நிலைமைச் சாக்கியர்தம் மருங்கலைநூ லோதியது தன்னிலையும் புறச்சமயச் சார்வுகளும் பொருளல்ல என்னுமது தெளிந்தீச ரருள்கூட "வீறில்சிவ நன்னெறியே பொருளாவ" தெனவுணர்வு நாட்டுவார்,

"செய்வினையுஞ் செய்வானு மதன்பயனுஞ் சேர்ப்பானு மெய்வகையா னான்காகும் விதித்தபொரு" ளெனக்கொண்டே "இவ்வியல்பு சைவநெறி யல்லவற்றுக் கில்ல" யென உய்வகையாற் "பொருள்சிவ"னென் றருளாலே யுணர்ந்தறிந்தார்.