|
| | |
| | மறையவன் என்றெடுத்துச் சிறப்பித்துச் சாத்தினார் - என்று இப்பதிகம் இன்னதென விளங்க வைத்தது. பின்னரும் நம்பிகள் இப்பகுதியில் வந்து அருளிய "யாறெனக்குற வமார்களேறே" என்பது முதலிய பதிகங்களினின்றும் பிரித்துணர்த்தும் பொருட்டு ஆசிரியர் காட்டிய பேரருட்டிறமாகும். சொல்லாலும் பொருளாலும் கண்டுகொள்ளும் வண்ணம் சுட்டிக்காட்டிய நயமும் காண்க. |
| | ஏத்துவார் - வினைப் பெயர். ஏத்துவார் - சாத்தினார் என்க. |
| | புடை - பக்கமாகச் சூழ்ந்து; புடையின்கண். |
| | 63 |
| | திருவாவடுதுறை |
| | திருச்சிற்றம்பலம் | பண் - தக்கேசி |
| | மறைய வனொரு மாணிவந் தடைய வார மாயவ னாருயிர் நிறுத்தக்
கறைகொள் வேலுடைக் காலனைக் காலாற் கடந்த காரணங் கண்டுகண் டடியேன்
இறைவ னெம்பெரு மானென்றெப் போது மேத்தி யேத்திநின்றஞ்சலிசெய்துன்
அறைகொள் சேவடிக் கன்பொடு மடைந்தே னாவ டுதுறை யாதியெம் மானே. | |
| | (1) |
| | தெருண்ட வாயிடை நூல்கொண்டு சிலந்தி சித்திரப் பந்தர் சிக்கென வியற்றச்
சுருண்ட செஞ்சடை யாயது தன்னைச் சோழ னாக்கிய தொடர்ச்சிகண் டடியேன்
புரண்டு வீழ்ந்துநின் பொன்மலர்ப் பாதம்போற்றிபோற்றியென் றன்பொடுபுலம்பி
அருண்டென் மேல்வினைக் கஞ்சிவந் தடைந்தே னாவ டுதுறை யாதியெம் மானே. | |
| | (12) |
| | திருச்சிற்றம்பலம். |
| | பதிகக் குறிப்பு : - திருவாவடுதுறை எம்மானே! தேவரீரது அருளிப்பாடுகள் பலவற்றையும் கண்ணால் கண்டு வல்வினைக் கஞ்சி வந்தடைந்தேன்; காத்தருள்வாயாக. இப்பதிகத்தில் 5 பாட்டுக்களே கிடைத்துள்ளன! ஏனையவை சிதலரித்தொழிந்தன போலும்! |
| | பதிகப் பாட்டுக் குறிப்பு : - (1) மறையவன் - மார்க்கண்டேயர்; மாணி - பிரமசாரி; வாரம் - அன்பு; ஆருயிர் நிறுத்த - அப்போது இறவாமற் காத்ததன்றி என்றும் அழியாமல் நின்று இருக்கவும் அருள; அறைகொள் - சிலம்பு சத்திக்கும்; அறை - அடியவர்கள் வந்தடைந்து அறை கூவும் ஒலி என்று கொண்டு அவ்வொலியை ஏற்றுக்கொள்ளும் என்றலுமாம்; நறைகொள் என்று பிரித்தோதுவாருமுண்டு. அது பிழை;-(2) தெருண்ட - தெளிந்த; சித்திரம் - அழகும் அமைதியும் குறித்தது; சிக்கென - விரைவாக; யானையினாற் சிதைவுண்ட அவ்வப் போதே இடைவிடாது; சோழனாக்கிய - சோழர் மரபில் அரசிளங் குமாரனாக வரவும், அரசாளவும் செய்த; தொடர்ச்சி - முற்பிறவியின் காரணமாகி அந்தப் பதியிலே வந்த பிறவியின் தொடர்பும், முன்னைநிலை யறிவுடன் பிறந்த அறிவின் தொடர்ச்சியும், அன்பின் தொடர்ச்சியுமாம். புரண்டு வீழ்தல் - புலம்புதல் அன்பின் முதிர்வினாலாவன; அருண்டு - விதிர் விதிர்த்து; நடுங்கி. இத்திருப்பாட்டின் கருத்தின் மேம்பாட்டினை ஆசிரியர் மேல் (3217) எடுத்துக் காட்டியருளினர்; - (3) வழிபட்டார்க்கருள்பவன் சிவன் என்ற உண்மை திருமால் கண்ணிடந்து அருச்சித்து ஆழி பெற்ற வரலாற்றினாலறியப்படும் நிலை பற்றி அச்சரிதம் கண்டு அடியேனும் வந்து அடைந்தேன் என்றபடி; புகழினால் - தாமரைக் கண்ணன் என்ற புகழ் பற்றி; புரிந்து - அவனது அன்பை எண்ணி; தேவதேவ - பெருந்தேவனாகிய அரிக்கும் தேவனாதல் குறிப்பு; அகழும் - அகழ்ந்து என்னை ஆழத்தில் ஆழ்த்தும்; ஒன்றன்மேலொன்றாய் மூண்டு வந்து பிறவிக்குழியில் மீளாதபடி அமுக்குதலால் அகழும் வல்வினை என் |