|
| | |
| | றார்;- (4) கேழல் - பன்றி; பொர என்பது எதுகை நோக்கிப் போர என வந்தது; வான்படை - பாசுபதாஸ்திரம். வான் - பெருமை; ஏனை எவற்றாலும் இதனை வெல்லமாட்டாத முதன்மை;- (5) ஒக்க - ஒரே காலத்தில் ஒன்றுபோலவே; முப்புரஞ்செற்று அதில் இருந்த மூவர்களை மட்டும் காத்தருளிய சரிதம். முன்னிய மூவர் - "எண்ணுடை மூவர்" (திருவாசகம் தோணோக்); "மூவெயில் செற்ற ஞான்று" என்ற பதிகத்தில் (திருப்புன்கூர் 8-வது திருப்பாட்டு) இதனை நம்பிகள் மேலும் விரித்தருளுதல் காண்க. |
| | தலவிசேடம் :- திருவாவடுதுறை - III- பக்கம் 297 பார்க்க. |
| 3218 | சாத்தி யங்கு வைகுநாட் டயங்கு மன்ப ருடன்கூடப்
பேர்த்து மிறைஞ்சி யருள்பெற்றுப் பெண்ணோர் பாகத் தண்ணலார்
தீர்த்தப் பொன்னித் தென்கரைமேற் றிகழும் பதிகள் பலபணிந்து
மூர்த்தி யார்த மிடைமருதை யடைந்தார்முனைப்பாடித்த தலைவர். | |
| | 64 |
| | (இ-ள்.) சாத்தி...அருள் பெற்று - முன் கூறிய தமிழ்ச் சொன் மாலையினைச் சாத்தி அங்கு எழுந்தருளியிருக்கும் நாளிலே விளங்கும் அன்பர்களுடனேகூட மீண்டும் வணங்கி அருள்விடை பெற்றுச் சென்று; பெண்ணோர்.....பணிந்து - உமையம்மையாரை ஒரு பாகத்தில் உடைய இறைவரது தீர்த்தமாகிய காவிரியின் தென்கரைமேல் விளங்கும் பதிகள் பலவற்றையும் பணிந்துபோய்; மூர்த்தியார்....தலைவர் - இறைவரது திருவிடை மருதூரிற் சென்று முனைப்பாடி நாட்டுத் தலைவராகிய நம்பிகள் அடைந்தருளினர். |
| | (வி-ரை.) சாத்தி - "சாத்தினார்" என்று முன் பாட்டிற் கூறி முடித்ததனைத் தொடர்ந்து கூறியது. பேர்த்தும் - மீண்டும் மீண்டும்; பலநாளும். |
| | தீர்த்தப்பொன்னி தீர்த்தம் - தூய்மை, பரிசுத்தம்; அதனைச் செய்யும் நீருக்கு ஆகிவந்தது; "தீர்த்தன்"என்று இறைவரைக் கூறுவதும் இப்பொருட்டு. |
| | பதிகள் பல - இவை திருவாவடுதுறைக்கும் திருவிடைமருதூருக்கு மிடையில் காவிரித் தென்கரையில் உள்ளவை. இவை திருக்கோழம்பம், திருச்சாத்தனூர், தென்குரங்காடுதுறை முதலியன என்பது கருதப்படும். |
| | தென்கரைமேல் - இருபதிகளும் உள்ள தென்கரை வழியாகவே நம்பிகள் சென்றருளினர் என்பது. மேல் - என்றதனால் காவிரியின் தென்கரையும் அதன் கிளைகளாய்த் தென்புறமுள்ள கிளை ஆறுகளின் தென்புறமும் கொள்ளப்படும். |
| | மூர்த்தியார் - பெருந்தலைவர்; "மகாலிங்கம்" என்னும் இடை மருதீசர் தன்மை குறிக்கப்பட்டது. "எந்தை பிரானே" என்ற பதிகக் குறிப்பும் காண்க. |
| | முனைப்பாடி - நம்பிகள் அவதரித்த நாடு; அந்நாட்டரசரால் வளர்க்கப்பட்டனராதலின் இவரும் அந்நாட்டுத் தலைவர் என்பதும் குறிப்பு. |
| | 64 |
| 3219 | மன்னு மருதி னமர்ந்தவரை வணங்கி மதுரச் சொன்மலர்கள்
பன்னிப் புனைந்து பணிந்தேத்திப் பரவிப் போந்து தொண்டருடன்
அந்நற் பதியி லிருந்தகல்வா ரரனார் திருநா கேச்சரத்தை
முன்னிப் புக்கு வலங்கொண்டு முதல்வர் திருத்தாள் வணங்கினார். | |
| | 65 |
| | (இ-ள்.) வெளிப்படை. நிலைபெற்ற மருதினிடமாக விரும்பி எழுந்தருளியுள்ள இறைவரை வணங்கி இனிய தமிழ்ச் சொல்லாகிய மலர்களை மாலையாகப் |