|
| | |
| | குறையணி கொல்லைமுல்லை யளைந் துகுளிர் மாதவிமேற்
சிறையணி வண்டுகள்சேர் திருநா கேச்சரத் தானே. | |
| | (1) |
| | கொங்கணை வண்டரற்றக் குயிலும் மயிலும் பயிலுந்
தெங்கணை பூம்பொழில்சூழ் திருநா கேச்சரத் தானை
வங்க மலிகடல்சூழ் வயனாவல வூரன் சொன்ன
பங்கமில் பாடல்வல்லா ரவர்தம் வினைபற் றறுமே. | |
| | (10) |
| | திருச்சிற்றம்பலம் |
| | பதிகக் குறிப்பு :- திருநாகேச்சரத்தானே! என விளித்து விடமுண்டது, அறமுரைத்தது முதலாகிய அருளிப்பாடுகளை வினாவுமுகத்தால் பாராட்டித் துதித்தது. |
| | பதிகப்பாட்டுக் குறிப்பு :- (1) பிறை அணி - பிறை போன்ற; அணி - உவமவுருபு. பேழ்கணிக்க - அஞ்ச; அனுங்க - வருந்த;- (2) புரிதல் - நினைதல்; குரவம்...அரும்ப - குராவின் அரும்புகள் பாம்பின் பற்கள் போன்று மென்மை - வெண்மை - கூர்மை கொண்டன. "அரவின் வாயில் முள்ளெயி றேய்ப்ப அரும் பீன்று குரவம்பாவை முருகமர் சோலைக் குற்றாலம்" (பிள். தேவா - குறிஞ்சி); செருந்தி செம்பொன் மலர் - "செருந்தி செம்பொன்மலர் திருநெல்வேலி" (பிள். தேவா); - (3) பாலன் - மார்க்கண்டர்; வீடுவித்துக் கருத்தாகியது - வீட்டிப், பின் உயிர்ப்பித்து அருளியது;-(4) குன்றமலை - பல குன்றுகளைச் சாரலிற்கொண்ட மலை; இடையாள் - உமை;-(5) திரை - காவிரி நீரின் அலைகள்;- (6) மாதவத்தின்...போர்த்தது - தாருகவனத்து இருடிகள் செய்த அபிசார யாகத்தில் எழுந்து அவர்களால் ஏவப்பட்ட சிங்கம் - புலி - யானை இவற்றை அடர்த்துத் தோலைப் போர்த்த சரிதம்; கந்தபுராணம் முதலிய மாபுராணங்களுட் காண்க;-(7) நின்றவிம் மாதவம் - இறைவர் தென்முகமாகி வீற்றிருந்த நிலை;-(8) அர - வாசுகி;-(9) அங்கியல் யோகு - மூன்றாவது பாட்டுப் பார்க்க; அங்கி - தீயின் தன்மை; அங்கி இயல் - அங்கியல் எனநின்ற தென்றலுமாம்;-(10) விரவாகியது - அவற்றுள்ளும் ஏற்றவாறு விரவி நின்றது. |
| | தலவிசேடம் :- திருநாகேச்சரம் - III - பக்கம் 303 பார்க்க. |
| | குறிப்பு :- இத்திருப்பதிகத்தில் முன் பகுதியில் கூறிய இறைவரது அருட்செயல் ஒவ்வொன்றும் பிற்பகுதியில் பதியின் நகர வளமாக அருளிய நயம்காண்க. |
| 3221 | செம்மை மறையோர் திருக்கலைய நல்லூ ரிறைவர் சேவடிக்கீழ்
மும்மை வணக்கம் பெறவிறைஞ்சி முன்பு பரவித் தொழுதெழுவார்
கொம்மை மருவு "குரும்பைமுலை யுமையா"ளென்னுந் திருப்பதிகம்
மெய்ம்மைப் புராணம் பலவுமிகச் சிறப்பித் திசையின் விளம்பினார். | |
| | 67 |
| | (இ-ள்.) செம்மை...தொழுதெழுவார் - செம்மை நெறியில் நின்றொழுகும் மறையோர்கள் வாழும் திருக்கலயநல்லூ ரிறைவரது சேவடிகளின் கீழே முக்கரணங்களும் ஒன்றிய வணக்கம் பொருந்த வணங்கித் திருமுன்பு தோத்திரித்துத் தொழுது எழுவாராகி; கொம்மை...திருப்பதிகம் - பெருமையுடைய "குரும்பை முலை மலர்க்குழலி" என்று தொடங்கும் திருப்பதிகத்தினை; மெய்ம்மை..விளம்பினார் - மெய்ம்மையாகிய மாபுராண வரலாறுகள் பலவற்றையும் சிறப்பாக எடுத்துக் கூறிப் பண் இசை பொருந்தப் பாடியருளினார். |