|
| | |
| | முழு நீறு - முழுமையும் வீந்த காலத்திற் பெறும் சங்கார காலத்து நீறு; முழுமையைத் தரும் நீறு என்ற குறிப்புமாம். |
| | பதி பலவும் - சோற்றுத்துறையின் அணிமையில் உள்ளவை; தண்டங்குறை - திருவேதிகுடி முதலாயின என்பது கருதப்படும். |
| | 70 |
| | 3225. (வி-ரை.) பாவு சயனம் - பாவுதலாவது உடல் முழுதும் பரப்ப நிலத்தில் கிடத்தியமர்தல். கைகால் முதலியவற்றை முடக்கிப் பள்ளிகொள்ளுதல் உடல் நலத்துக் கியைவதன்று என்பது மருத்துவநூற் கருத்து; பாவு சயனம் - பரப்பிய படுக்கை என்றலும் ஆம். |
| | தேவர்பெருமான்றிருப்பழனத் திருவையாறு நெய்த்தானம் - என்பதும்பாடம். |
| | 3226. (வி-ரை.) நினைக்க மறந்தாயோ? - வருவதற்கு மறந்தாயோ என்றலே அமையுமாதலின் நினைக்க மறந்தாயோ? என்ற தென்னை யெனின்; நம்பிகள் சிவயோக நிலையினராகி எஞ்ஞான்றும் "பேரா வொழியா மறவாநினையா" என்றபடிக்குள்ள தன்மையுடையராதலின் மறப்பிலர்; நினைப்பின் நீக்கமே மறத்தலாம்; ஆதலின் மறந்தாயோ என்பது பொருந்தாமையின் இங்குக் குறித்தது மழபாடியில் வருதலாகிய சிறப்பு நினைவேயாம் என்பார் நினைக்க என்றார் என்க. "யாரை நினைக்கேனே" என்ற பதிக விளக்கமும் சரிதச் சான்றும் ஆம். |
| | குழகு - இளமை; அழகு என்றலுமாம். குழகாகிய தம்கோலம் - என்றும் மாறாது ஒருபடித்தாய் நிற்கும் தமது இன்பமயமாகிய திருக்கோலம்; பதிகத்துப் "பொன்னார் மேனியனே" என்பது முதலாகத் தொடங்கிப், பலபடியும் பாராட்டப்பட்டது. இக்கோலம் எதிர் காட்டக் கண்ட காட்சியின் குறிப்பு. காளையாந் திருவடிவங் காட்டி, "யாமிருப்பது கானப்பேர்" என்று அருளியதும், அத்திருப் பதிகமும் இங்கு நினைவு கூர்தற்பாலன. |
| | குறித்து உணர்ந்து - குறித்தலாவது கனா நிகழ்ச்சிகளுட் பல நனவின்கண் செவ்விதின் வாராது போதலின் அவ்வாறின்றி அம்முழுமையும் நனவின் வருமாறு குறி வைத்துத் துயிலுணர்தல். |
| | பொன்னி வடபால் ஏறி - காவிரியின் தென்கரை வழியே உள்ள தலங்களை வழிபட்டுத் திருவாலம் பொழிலிற் சேர்ந்தாராதலின். அங்கிருந்து மழபாடிக்கு வடக்கு நோக்கிக் காவிரியையும் கொள்ளிடத்தையும் தாண்டிச் சென்று; கொள்ளிடம் காவிரியின் பிரிவுகளுள் ஒன்றாதலின் வேறு பிரித்துக் கூறாது பொன்னி வடபால் என்றமைந்தார்; பால் - பக்கம். வட பக்கமுள்ள இரண்டு கிளையாறுகளையும் குறித்தது. |
| | 72 |
| | 3223. நடுவு நம்பர்பதி -இவைகட்கு நம்பிகள் பதிகங்கள் கிடைத்தில! |
| | திருச்சோற்றுத்துறை |
| | திருச்சிற்றம்பலம் | பண் - கௌசிகம் 7-ம் திருமுறை |
| | அழனீ ரொழுகி யனைய சடையும், உழையீ ருரியு முடையா னிடமாம்
கழைநீர் முத்துங் கனகக் குவையும், சுழனீர்ப் பொன்னிச் சோற்றுத் துறையே. | |
| | (1) |
| | இலையா லன்பா லேத்து மவர்க்கு, நிலையா வாழ்வை நீத்தா ரிடமாந்
தலையாற் றாழுந் தவத்தோர்க்கென்றுந், தொலையாச் செல்வச் | |
| | (9) |
| | சுற்றார் தருநீர்ச் சோற்றுத் துறையுண், முற்றா மதிசேர் முதல்வன் பாதத்
தற்றா ரடியா ரடிநா யூரன், சொற்றா னிவைகற் றார்துன் பிலரே. | |
| | (10) |
| | திருச்சிற்றம்பலம் |