| | |
| படாத; கலன் - ஈண்டு எலும்பு - பாம்பு முதலியவற்றை அணியாக் கொண்டமை குறித்து நின்றது;-(7) தாரம் - ஆதாரம் என்பது தாரம் என நின்றது; தாரகம் - தாங்குவது என்க. விழுத்துநீர் - விழவிட்ட ஆற்றுநீர்; "நின்மல கொள்" என இறைவரே இதனைத் தேவரீரே ஏற்றுக்கொள்ளுக என்று; ஆங்கே - அவ்வாறே; இது தல சரிதங்களுள் ஒன்று; மேல் ஆசிரியர் (3231) இதனை விதந்தெடுத்துக் காட்டியமை இதன் சிறப்பினை யுணர்த்தும்;-(8) உரவம் - வலிமை; இரவும் - பகலும் - இறைவரை எப்போதும் மறவாதேத்துதல் வேண்டும் என்பது;-(9) காலனைக் காலாற் கலங்கச் செய்வானை என்றும், காமனைக் கலங்கக் கண் சிவப்பானை என்றும் உரைக்க; கலங்க என்பதனை ஈரிடத்தும் கூட்டுக; காலனும் காமனும் உயிர் போய்ப் பின் உயிர்ப்பிக்கப் பெற்றபடியால் நிலைகலங்குதல் மட்டும் நிகழ்ந்ததென்பது குறிப்பு; அலங்கல் - அழகு; பொரும் - அலைத்துவரும்;-(10) ஆழியான் - சக்கரமுடைய விட்டுணு: |
| தலவிசேடம் :- திருவானைக்கா -III- பக் - 513 பார்க்க. |
| 3232 | சாற்றி யங்குத் தங்குநாட் டயங்கும் பவளத் திருமேனி
நீற்றர் கோயி லெம்மருங்குஞ் சென்று தாழ்ந்து நிறைவிருப்பாற்
போற்றி யங்கு நின்றும்போய்ப் பொருவிலன்பர் மருவியதொண்
டாற்றும் பெருமைத் திருப்பாச்சி லாச்சி ராமஞ் சென்றடைந்தார். |
|
| | 78 |
| | (இ-ள்.) சாற்றி...நாள் - முன் கூறிய தமிழ்மாலை சாற்றி அத்திருப்பதியில் தங்கியிருக்கும் நாட்களிலே; தயங்கும்...போற்றி - விளங்கும் பவளம் போன்ற திருமேனியில் திருநீற்றினையுடையவரது திருக்கோயில்கள் எப்பக்கத்தும் உள்ளனவற்றைச் சென்று பணிந்து நிறையும் விருப்பினாலேதுதித்து; அங்கு நின்றும் போய் - அங்கிருந்து மேல்சென்று; பொருவிலன்பர்...அடைந்தார் - ஒப்பற்ற தொண்டர்கள் பொருந்திய திருத்தொண்டு செய்யும் பெருமையுடைய திருப்பாச்சிலாச்சிராமத்தினைச் சென்று அடைந்தருளினர். |
| | (வி-ரை.) சாற்றி - முன் பாட்டிற் கூறியவாறு பதிகம் சாற்றி முற்றுவித்து; பவளத் திருமேனி நீற்றர் - பவளம் போன்ற திருமேனிமேல் திருநீற்றினை உடையவ இறைவர். "பவளம்போன் மேனியிற் பால் வெண்ணீறும்" (தேவா.) |
| கோயில் எம்மருங்கும் சார்ந்து - இவை திருச்சிராப்பள்ளி, உறையூர் (திருமூக்கீச்சரம்), திருக்கற்குடி முதலாயின என்பது கருதப்படும். |
| | போற்றி - இப்பதிகங்கள் கிடைத்தில! |
| | பொருவில் - ஒப்பற்ற; பொரு - ஒப்பு. |
| பொருவில்....பெருமை - இப்பதியில் வழி வழியாய்ச் சிவனடிமைத் திறத்து நின்ற கொல்லிமழவன் சரிதக்குறிப்பும், அவர் போன்ற தொண்டர்களின் பணியும் பெற வைத்தார். ஆளுடைய பிள்ளையார் புராணம் (2209 - 2218) பார்க்க. அதன் முன்னும் அந்நாள் முதல் இந்நாள் வரையும் தொண்டர் பணிவிடைகளின் பெருமை இப்பதியில் நிகழ்ந்து வந்ததென்பது தொண்டாற்றும் பெருமை என்பதனாற் பெறவைத்தார். இனி, நம்பிகளால், முன்னிலைப் படுத்தி இங்குப் பதிகம் பாட நின்ற பெருமையுடைய தொண்டர்களின் தன்மைக் குறிப்புமாம். |
| 78 |
| 3233 | சென்று திருக்கோ புரமிறைஞ்சித் தேவர் மலிந்த திருந்துமணி
முன்றில் வலங்கொண் டுள்ளணைந்து முதல்வர் முன்னம்லீழ்ந்திறைஞ்சி |
|