|
| | |
| | நன்று பெருகும் பொருட்காத னயப்பும் பெருக நாதரெதிர்
நின்று பரவி நினைந்தபொரு ளருளா தொழிய நேர்நின்று, | |
| | 79 |
| 3234 | அன்பு நீங்கா வச்சமுட னடுத்த திருத்தோ ழமைப்பணியால்
பொன்பெ றாத திருவுள்ளம் புழுங்க வழுங்கிப் புறம்பொருபால்
முன்பு நின்ற திருத்தொண்டர் முகப்பே முறைப்பா டுடையார்போல்
என்பு கரைந்து பிரானார்மற் றிலையோ?" வென்ன வெடுக்கின்றார். | |
| | 80 |
| | வேறு |
| 3235 | நித்தமு நீங்கா நிலைமையி னீங்கி
நிலத்திடைப் புலங்கெழும் பிறப்பால்
உய்த்தகா ரணத்தை யுணர்ந்துநொந் தடிமை
யொருமையா மெழுமையு முணர்த்தி
"யெத்தனை யருளா தொழியினும் பிரானா
ரிவரலா தில்லையே?" யென்பார்
"வைத்தனன் றனக்கே தலையுமென் னாவு"
மெனவழுத் தினார்வழித் தொண்டர். | |
| | 81 |
| | 3233. (இ-ள்.) சென்று...வீழ்ந்திறைஞ்சி - சென்று திருக்கோபுரத்தினை வணங்கித் தேவர்கள் பெருகியுள்ள திருந்தப்பாடுடைய அழகிய திருமுற்றத்தினை வலமா வந்து உள்ளே அணைந்து இறைவரது திருமுன்பு நிலமுற விழுந்து வணங்கி; நன்று...பரவி - நன்மை பெருகும் பொருள் பெறும் காதலினால் அவ்விருப்பம் பெருக இறைவரெதிரே நின்று துதித்து; நினைந்த...நேர்நின்று - தாம் எண்ணிய பொருளினை இறைவர் அருளாதொழியத் திருமுன்புக்கு நேரேநின்று, |
| | 79 |
| | 3234. (இ-ள்.) அன்பு நீங்கா...பணியால் - அன்பு மாறாத அச்சத்துடனே பொருந்திய திருத்தோழமைப் பணிவிடையினாலே;பொன் பெறாத...அழுங்கி - தாம் விரும்பியவாறே இறைவர்பாற் பொன் கிடைக்கப் பெறாத திருவுள்ளத்தில் புழுக்கம் நிகழ வருந்தி; புறம் பொருபால்....உடையார்போல் - புறம்பு நின்ற திருத்தொண்டர்களை முகநோக்கி முறைப்பாடு உரைப்பவர் போல; என்பு...எடுக்கின்றார் - எலும்பும் கரைந்துருகப் "பிரானார் மற்றிலையோ?" என்ற கருத்துட் கொண்ட மகுடம் அமையப் பதிகத்தினைத் தொடங்குகின்றாராய், |
| | 80 |
| | 3235. (இ-ள்.) நித்தமும்...நொந்து - ஒருநாளும் நீங்குதலில்லாத நிலைமையின் (திருக்கயிலையினின்றும்) நீங்கி இந்நிலத்தினிடத்தின் அறிவுடன் பொருந்தும் பிறவியினிடத்துச் செலுத்திய காரணத்தை மனத்தில் உணர்ந்து வருந்தி; அடிமை...உணர்த்தி - அடிமைத் திறத்தின் ஒருமைப்பாடானது எழுபிறப்பிலும் தொடரும் நிலையினை எடுத்துக்கூறி; "எத்தனை...என்பார் - எவ்வளவும் திருவருள் புரியாதொழிந்தாலும் பிரானார் இவரல்லாது இல்லையே?" என்பாராய்; வைத்தனன்....வழித் தொண்டர் - "வைத்தனன் றனக்கே தலையுமென் நாவும்" என்று தொடங்கித் துதித்தருளினர் வழித்தொண்டராகிய நம்பிகள். |
| | 81 |
| | இம்மூன்று பாட்டுக்களும் தொடர்ந்து ஒரு முடிபு கொண்டன. |
| | 3233. (வி-ரை.) தேவர் மலிந்த திருந்து மணிமுன்றில் மலிதலாவது உட்புக்குச் சேவை செய்வதற்குக் காலம் பார்த்தும், உத்தரவை எதிர்நோக்கியும் கூடிக் காத்துக் கிடத்தல். |