அடைந்தோர் குணந்தோர்க் களிந்தோர்க் கமைந்தோர்க் கவிழ்ந்தோர்க் குணற்கொன்றிலதாகி அலைந்தோர்க் குலைந்தோர்க் கிளைந்தோர்க் கலந்தோர்க் கறிந்தோர்க் களிக்கும்:-

சரணமடைந்தவர்; மெலிந்தவர்; இரக்கமுள்ளவர்; உள்ளம் நெகிழ்ந்தவர்; அமைதியுள்ளவர்; உணவின்றி அலைபவர்; உலைபவர்; துன்பத்தால் துடிப்பவர்; வருத்தமுள்ளவர்; அறிஞர்கள்; ஆகிய அனைவர்க்கும் முருகப் பெருமான் அருள் பாலிக்கின்றார்.

கருத்துரை

திருச்செங்கோட்டுத் திருமுருகா! மனிதனைப் பாடாத வரம் அருள் செய்வீர்.

கலக்குங் கோதற வடிக்குஞ் சீரிய
கருப்பஞ் சாறெனு     மொழியாலே
கருத்தும் பார்வையு முருக்கும் பாவிகள்
கடைக்கண் பார்வையி     லழியாதே
விலக்கும் போதக மெனக்கென் றேபெற
விருப்பஞ் சாலவு    முடையேனான்
வினைக்கொண் டேமன நினைக்குந் தீமையை
விடற்குஞ் சேலென    அருள்வாயே
அலைக்குந்தானவர் குலத்தின் சேனையை
அறுக்குங் கூரிய      வடிவேலா
அழைத்துன் சீரிய கழற்செந் தாமரை
யடுக்கும் போதக     முடையோராம்
சிலர்க்கன் நேகதி பலிக்குந் தேசிக
திருச்செங் கோபுர     வயலூரா
திதிக்கும் பார்வயின் மதிப்புண்டாகிய
திருச்செங் கோடுறை    பெருமாளே.

பதவுரை

அலைக்கும் தானவர் குலந்து-தேவர் முதலிய சாதுக்களை அலைத்து வருத்திய அசுரர்களின் குலத்துவந்த, சேனையை அறுக்கும்-சேனைக் கூட்டங்களை அறுத்த, கூரிய வடிவேலா-கூர்மை பொருந்திய வடிவேலவரே! அழைத்து-அன்புடன் அழைத்து! உன் சீரிய கழல் செம் தாமரை அடுக்கும்- உமது சிறந்த செந்தாமரை போன்ற திருவடிகளைப் பற்றியுள்ள, போதகம் உடையோராம்-ஞானத்தையுடையவர்களாகிய,