சமயபேதம்:-

சமயங்கள் பல. அவை ஒன்றுடன் ஒன்று பிணங்குவனவே.

“விபரித சமய கலைகளு மலமலம்”       - (அவருமிடை) திருப்புகழ்

“கலகல கலெனக்கண்ட பேரொடு
சிலுகிடு சமயப்பங்க வாதிகள்”- (அலகிலவுணரை) திருப்புகழ்

“பேதித்த சமயமேர் ஒன்று சொன படியொன்று
   பேசாது”                                               - தாயுமானார்.

துரிய மேலற்புத பரமஞானத்தனி சுடர்வியாபித்த நற்பதி:-

கற்சுவர் போன்ற தூலதேக வுறையும், பளிங்குச்சுவர் போன்ற சூக்குமதேக வுறையும், மெல்லாடை போன்ற குண சரீர வுறையும், பாம்புரி போன்ற கஞ்சுக சரீர வுறையும், பால்நுரை போன்ற காரண சரீர வுறையும் மாகிய ஐவதை யுறையினயைுங் கவித்துக் கொண்டு ஜீவான்மா வசிக்கின்றது. இங்ஙனம் வகுக்கப்பட்ட அன்ன மயகோச மென்ற தூல சரீரத்தின் கண்ணின்று ஆன்மாவின் அறிவு விளங்கப் பெறுகின்ற அவசரம் ஜாக்கிரம் எனப்படும். அப்போது கருவி 35.

பிராணமயகோச மென்ற சூட்சும சரீரத்தின் கண்ணின்று ஆன்மாவின் அறிவு விளங்கப் பெறுகின்ற அவசரம் சொப்பனம் எனப்படும். அப்போது கருவி 25.

கன்மேந்திரியம் 5 உம், ஞானேந்திரியம் 5 உம் நீங்க ஏனைய தத்துவங்களாம்.