உள்ளதன் உண்மையை, இருந்த படி இருந்த - உள்ளபடி இருந்த, காட்டி
காண்பித்து, சொல்லாமல் சொன்னவரை - குறிப்பாலுணர்த்திய
தட்சிணாமூர்த்தியை, நினையாமல் நினைந்து - இடையறாமல் நினைந்து,
பவத்தொடக்கை வெல்வாம் - பிறவிக்கட்டாகிய பகையை வெல்வாம்
எ - று.

     நான்மறை - இருக்கு, எசுர், சாமம், அதர்வணம் என்ப; தைத்திரியம்,
பௌடிகம், தலவகாரம், சாமம் எனலுமாம், ஆறங்கம் - சிட்சை,
வியாகரணம், நிருத்தம், கற்பம், சந்தம், சோதிடம் என்பன; இவை
வேதத்திற்கு உறுப்புக்கள் போறலின் வேதாங்கம் எனப்படும்; இதனை,

என மணிமேகலை கூறுவதாலும் அறிக. முதல் என்றதனால் அற நூல்
புராணம் முதலாயின கொள்ளப்படும். கேள்வி என்பது கேட்டல் எனப்
பொருள்படுதலன்றிக் கல்வி யெனவும், வேதம் எனவும் பொருள்படும்.
நால்வர் - சனகர், சனாதனர், சனந்தரன், சனற்குமாரர் எனுமிவர். இறைவன்
வாக்கிறந்து நிற்றலை ‘மாற்ற மனங்கழிய நின்ற மறையோன்’ சொற்பதங்
கடந்த தொல்லோன்’ என ஆளுடைய அடிகள் அருளுமாற்றானறிக.
வேதம் முதலிய கலைகளெல்லாம் பாசஞான மாகலானும், இறைவன்
‘பாசஞானத்தாலும் பசு ஞானத்தாலும் பார்ப்பரிய பரம்பரன்’ ஆகலானும்
‘மறைக்கப் பாலாய்’ என்றார். இறைவன் எல்லாமா யிருத்தலை,

எனவும், அல்லதுமா யிருத்தலை,

எனவும் திருநாவுக்கரசு சுவாமிகள் அருளிச்செய்தமை காண்க :