பொரு பழி துடைத்தோன் - வருத்தும் பழியினைப் போக்கினவனும், சோதி
விரிமருந்து உடல் வான் திங்கள் மிலைந்தவன் அருளின் - ஒளிவிரிந்த
அமிழ்தமயமாகிய உடலையுடைய வான் மதியைச் சூடியவனுமாகிய
சோமசுந்தரக்கடவுளின் திருவருளால், அடல் அரிக் குருளை அன்னான் -
வலிமிக்க சிங்கக் குட்டிபோன்ற, அரிமருத்தனனாம் தென்னன் வந்தான் -
அரிமருத்தன னென்னும் பாண்டியன் - மகனாக வந்து தோன்றினான்.

     இறைவன் அட்ட மூர்த்தியாதலை,

என்னும் திருத்தாண்டகத்தாலறிக. மருத்துவன் - இந்திரன். மருந்து மருத்து
என வலித்தது. திங்கள் மிலைந்தவன் அருளினாலே குலேசன் செய்த தவம்
உருத்திரிந்தாலென்ன அரிமருத்தனனாந் தென்னன் வந்தான் என்க. (37)

     (இ - ள்.) பரிசிலைப் புலவருக்கு அருள் குலேசன் - புலவர்கட்குப்
பரிசில் அளித்த குலேசபாண்டியன், பலபகல் கழீஇ - பல காலங்களைக்
கழித்து, திரிமருப்பு இரலை வெம்மழு எடுத்தவன் - திரிந்த
கொம்பினையுடைய மானையும் கொடிய மழுவையும் ஏந்திய இறைவனது,
மதிச்சென்னிமேல் - பிறை முடியின் மேல், வரிசிலைப் படை பொறித்தவன்
என - கட்டமைந்த விற்படையினால் அடித்த அருச்சுனன் போல, வரம்
பெறு மைந்தனாம் அரிமருத்தனனிடத்து - வரம் பெறும் புதல்வனாகிய
அரிமருத்தன னிடத்தில், அவனி வைத்து அரன் அடி எய்தினான் -
நிலவுலகை வைத்து விட்டு இறைவன் திருவடி நீழலை அடைந்தான்.

     இடைக் காடர்க்கும் ஏனைச் சங்கப் புலவர்கட்கும் பரிசில்
வழங்கினமையைச் சுட்டி 'பரிசிலைப் புலவருக் கருள் குலேசன்' என்றார்.
கழீஇ - கழித்து; சொல்லிசையளபெடை. பாண்டு மைந்தனாகிய அருச்சுனன்
பகைவரை வெல்லப் பாசுபதாத்திரம் பெற வேண்டிச் சிவபிரானை நோக்கி
அருந்தவம் புரியா நிற்புழி; பாசுபதாத்திரம் பெற வேண்டிச் சிவபிரானை
நோக்கி அருந்தவம் புரியா நிற்புழி; அவன் தவநிலையைச் சிதைக்குமாறு
துரியோதனன் ஏவிய மூகன் என்னும் அசுரன் பன்றி யுருவெடுத்து
வந்தனனாகச், சிவபிரான் வேட்டுவத் திருவுருக்கொண்டு போந்து
அப்பன்றியைக் கொன்று அருச்சுனனுடன் விளையாட்டாகப் போர் புரிந்து
அவனது வில்லின் நாணினை யறுக்க, அவன் நாணற்ற விற்கழுத்தால்