(இ - ள்.) கூற்றம் போன்ற கண் நுளைச்சியர் - கூற்றுவன் போன்ற
கண்களையுடைய நுளைச்சியர், குமுதவாய் திறந்து மாற்றம் போக்கினர் -
ஆம்பல் மலர் போன்ற வாயினைத் திறந்து கூவி, பகர்தரும் கயற்கு -
விற்கும் கயல் மீனுக்கு, நேர் மாறாம் அவர் விழித்துணைகள் -
நேர்பகையாகிய அவர் இருகண்கள், அக் கயல் மீன் தோற்றம் போக்குவ -
அக் கயல் மீன்களின் தோற்றத்தைப் போக்குவன; அவர் குழல் நறுங்கைதை
மலர் - அவர் கூந்தலிலுள்ள நறியதாழைமலர், நாற்றம் போக்குவது -
அவற்றின் நாற்றத்தைப் போக்கும்.

     மாற்றம் போக்குதல் - விலை கூறுதல். போக்கினர். முற்றெச்சம். (18)

     (இ - ள்.) அலர்ந்த வெண்திரைக் கருங்கழிக் கிடங்கரின் - பரந்த
வெள்ளிய அலைகளையுடைய கரிய கழியாகிய கிடங்கில், அரும்பர் குலைந்து
அவிழ்ந்து தேன் துளும்பிய குமுதமே அல்ல - முகையின் கட்டவிழ்ந்து
மலர்ந்து தேன் ததும்பிய ஆம்பல் மலரின் மாத்திரமேயல்ல, கலம் தருங்
கடல் எறி - மரக்கலங்களையுடைய கடலின் அலைமோதுகின்ற, கருங்கால்
பனங்கள் - கரிய அடியையுடைய பனை மரத்தின் கள்ளை, வாய் மலர்ந்து
அருந்திய குமுதமும் - வாயைத்திறந்து உண்ட நுளைச்சியரின் வாயாகிய
ஆம்பல் மலரிலும், வண்டு மொய்ப்பன - வண்டுகள் மொய்ப்பன.

     வெண்டிரைக் கருங்கழி என்பது முரண். கிடங்கர், அரும்பர் என்பன
ஈற்றுப்போலி. குமுதம் இரண்டிலும் ஏழனுருபு விரிக்க. பின்னதாகிய குமுதம்
வாய்க்கு ஆகுபெயர். (19)

     (இ - ள்.) ஆயபட்டினத்து ஒருவன் - அந்தப் பட்டினத்தின்கண்
ஒருவன், மேல் ஆற்றிய தவத்தால் - முற்பிறப்பிற் செய்த தவத்தினால், தூய
வானவர் தம்மினும் தூயனாய் - தூய்மையுள்ள தேவர்களினுந

     (பா - ம்.) *நகைமலர்க்கைதை.